ಕಿರಂಗೂರಿನ ಬನ್ನಿಮಂಟಪದಲ್ಲಿ ಪೂಜೆ ಸಲ್ಲಿಕೆ

ಪಟ್ಟಣ ಸಮೀಪದ ಕಿರಂಗೂರಿನ ಬನ್ನಿಮಂಟಪಕ್ಕೆ ಶನಿವಾರ ಮುಂಜಾನೆ ಮಂಡ್ಯದ ಖಜಾನೆಯಿಂದ ವಿಶೇಷ ವಾಹನದಲ್ಲಿ ಪೊಲೀಸ್ ಭಿಗಿ ಭದ್ರತೆಯಲ್ಲಿ ತರಲಾದ ವೈರಮುಡಿ, ರಾಜಮುಡಿ ಬುತ್ತಿಯನ್ನು ಸಂಪ್ರದಾಯ ಪೂಜಾ-ವಿಧಿ ವಿಧಾನಗಳೊಂದಿಗೆ ಸ್ವಾಗತಿಸಲಾಯಿತು. 3ನೇ ಜಿಲ್ಲಾ ಅಪರ ಮತ್ತು ಸತ್ರ ನ್ಯಾಯಾಧೀಶರಾದ ಡಿ.ಜ್ಯೋತ್ಸ್ನಾ ಹಾಗೂ ಅಪರ ಜಿಲ್ಲಾಧಿಕಾರಿ ಬಿ.ಸಿ.ಶಿವಾನಂದ ಮೂರ್ತಿ ಅವರೊಂದಿಗೆ ಬರಮಾಡಿಕೊಂಡ ಶಾಸಕರು, ಸ್ವಾಮಿಯ ಒಡವೆಗಳಿದ್ದ ಬುತ್ತಿಯನ್ನು ಎಡಿಸಿ ಶಿವಾನಂದಮೂರ್ತಿ ಅವರೊಂದಿಗೆ ತಲೆಯ ಮೇಲೆ ಹೊತ್ತು ನಡೆದು ಪಾಂಡವಪುರ ಕಡೆಗೆ ಬೀಳ್ಕೊಟ್ಟರು.

ಈ ವೇಳೆ ತಹಸೀಲ್ದಾರ್ ಚೇತನಾ ಯಾದವ್, ಶ್ರೀರಂಗಪಟ್ಟಣ ಟೌನ್ ಠಾಣೆ ಇನ್‌ಸ್ಪೆಕ್ಟರ್ ಬಿ.ಜಿ.ಕುಮಾರ್, ಮುಖಂಡರಾದ ಬಿ.ಎಸ್.ಸುಬ್ರಮಣ್ಯ, ಸಂದೇಶ್ ಸೇರಿದಂತೆ ಇತರರು ಉಪಸ್ಥಿತರಿದ್ದರು.