ಪ್ರದರ್ಶನದಲ್ಲಿ ಪ್ರತಿ ದಿನ ವಿಶೇಷ ಲಕೋಟೆ ಬಿಡುಗಡೆ ಮಾಡಲಾಗುವುದು. ಜ.5ರಂದು ಕರ್ನಾಟಕದ ಇತಿಹಾಸ ಮತ್ತು ಸಂಸ್ಕೃತಿ, 6ರಂದು ವಿಜ್ಞಾನ, ತಂತ್ರಜ್ಞಾನ ಮತ್ತು ಪರಿಸರ, 7ರಂದು ಮಾನಸಿಕ ಸ್ವಾಸ್ಥ್ಯ ಮತ್ತು ಕ್ರೀಡೆ ಹಾಗೂ 8ರಂದು ಮಹಿಳಾ ಸಬಲೀಕರಣದ ಕುರಿತು ವಿಷೇಷ ಅಂಚೆ ಚೀಟಿ, ಲಕೋಟೆಗಳನ್ನು ಬಿಡುಗಡೆ ಮಾಡಲಾಗುವುದು. ಡಾ. ಪುನೀತ್ ರಾಜ್ಕುಮಾರ್, ಮೈಸೂರು ಸ್ಯಾಂಡಲ್, ಆದಿತ್ಯ ಎಲ್1- ಭಾರತದ ಮೊದಲ ಸೂರ್ಯಯಾನ ಯೋಜನೆ, ಉತ್ತಮ ಆರೋಗ್ಯಕ್ಕಾಗಿ ಉತ್ತಮ ಆಹಾರ ರಾಗಿ ಮುದ್ದೆ, ಜೋಳದ ರೊಟ್ಟಿ, ಪಾರಂಪರಿಕ ಆಟಗಳಾದ ಕುಂಟೋಬಿಲ್ಲೆ, ಬುಗುರಿಯಾಟ, ಕಂಬಳ, ಪಗಡೆ, ಕಾಫಿಪುಡಿ ಸಾಕಮ್ಮ, ರಾಣಿ ಅಬ್ಬಕ್ಕ, ಪ್ರವಾಸ ಮತ್ತು ಪರಂಪರೆಯ ತಾಣಗಳನ್ನು ಅಂಚೆ ಚೀಟಿ ಹಾಗೂ ಲಕೋಟೆಗಳಲ್ಲಿ ಕಾಣಬಹುದಾಗಿದೆ ಎಂದರು.
