ಯುವಕರು ದುಶ್ಚಟಗಳಿಗೆ ದಾಸರಾದರೆ ಹಣದ ಜತೆಗೆ ಆರೋಗ್ಯ ಹದಗೆಡಲಿದೆ. ಇದು ಕುಟುಂಬಸ್ಥರ ನೆಮ್ಮದಿಯೊಂದಿಗೆ ಗ್ರಾಮದ ಪರಿಸರವೂ ಹಾಳಾಗಲು ಕಾರಣವಾಗುತ್ತದೆ. ಮದ್ಯಪಾನ ಅಭ್ಯಾಸದಿಂದ ಕೆಲವರು ಕಳ್ಳತನಕ್ಕೂ ಮುಂದಾಗುತ್ತಿದ್ದಾರೆ. ಕುಡಿದ ಮಬ್ಬಿನಲ್ಲಿ ಕೊಲೆಯಂತಹ ಘಟನೆಗಳು, ಕುಡಿದು ವಾಹನ ಚಲಾಯಿಸುವಾಗ ಅಪಘಾತ ಸಂಭವಿಸಿರುವ ಸಾಕಷ್ಟು ನಿದರ್ಶನಗಳಿವೆ. ಈ ನಿಟ್ಟಿನಲ್ಲಿ ಇಂತಹ ದುಶ್ಚಟಗಳನ್ನು ಯುವಕರಿಂದ ಬಿಡಿಸಲು ಇಳಕಲ್ ಮಹಾಂತ ಶಿವಯೋಗಿಗಳಂತೆ ಶ್ರೀಮಠ ಹಾಗೂ ಭಕ್ತರ ಸಹಯೋಗದಲ್ಲಿ ಈ ಭಾಗದಲ್ಲಿ ಜೋಳಿಗೆ ಹಿಡಿದು ಭಿಕ್ಷೆ ಬೇಡಲಾಗುತ್ತಿದೆ. ಅಲ್ಲದೆ ದುಶ್ಚಟ ತೊರೆದವರು ದೇವರ ಸ್ಮರಣೆ, ಸಾಮಾಜಿಕ ಕಾರ್ಯಗಳಲ್ಲಿ ಪಾಲ್ಗೊಳ್ಳಬೇಕು ಎಂದರು.
