ಮೊದಲ ದಿನ ಒಂದು ಗೋಷ್ಠಿ, ಪ್ರತಿದಿನ ಎರಡು ಗೋಷ್ಠಿಗಳು ನಡೆಯಲಿವೆ. ಉಚ್ಛ ನ್ಯಾಯಾಲಯದ ಹಿರಿಯ ವಕೀಲ ಎಸ್.ಶಂಕ್ರಪ್ಪ, ಹಿರಿಯ ಕಾನೂನು ಅಭಿಯೋಜಕ ಬಿ.ಎಸ್.ಪಾಟೀಲ್, ನಿವೃತ್ತ ಜಿಲ್ಲಾ ನ್ಯಾಯಾಧೀಶರಾದ ವೆಂಕಟಸುದರ್ಶನ, ಎಸ್.ಬಿ.ವಸ್ತ್ರದಮಠ, ವಕೀಲರಾದ ವಿ.ಎನ್.ಪಾಟೀಲ್, ಎಸ್.ಎಚ್.ಹನುಕುಂಟಿ, ಸಿ.ಎಂ.ಗುರುಬಸವರಾಜ ಉಪನ್ಯಾಸ ನೀಡುವರು. ಜುಲೈ 3ರ ಸಮಾರೋಪ ಸಮಾರಂಭದಲ್ಲಿ ಜಿಲ್ಲಾ ಉಸ್ತುವಾರಿ ಸಚಿವ ಶಿವರಾಜ್ ತಂಗಡಗಿ, ಸಿಎಂ ಆರ್ಥಿಕ ಸಲಹೆಗಾರ ಬಸವರಾಜ ರಾಯರಡ್ಡಿ, ಸಂಸದ ರಾಜಶೇಖರ ಹಿಟ್ನಾಳ, ಶಾಸಕ ರಾಘವೇಂದ್ರ ಹಿಟ್ನಾಳ, ಶಾಸಕ ದೊಡ್ಡನಗೌಡ ಪಾಟೀಲ್, ಮಾಜಿ ಸಂಸದ ಸಂಗಣ್ಣ ಕರಡಿ ಭಾಗವಹಿಸುವರು. ಕಾರ್ಯಗಾರದಲ್ಲಿ 300ರಿಂದ 350 ಜನ ಯುವ ವಕೀಲರು ಭಾಗವಹಿಸುವ ನಿರೀಕ್ಷೆ ಇದೆ ಎಂದರು.
