ಸ್ಥಳಕ್ಕೆ ಆಗಮಿಸಿದ ಪೊಲೀಸ್ ಇನ್ಸ್ಪೆಕ್ಟರ್ ಸಿದ್ರಾಮಯ್ಯ, ಪಿಎಸ್ಐ ಗಾದ್ರಿಲಿಂಗಪ್ಪ ಪ್ರತಿಭಟನಾ ರೈತರನ್ನು ಮನವೊಲಿಸುವ ಯತ್ನ ನಡಿಸಿದರು. ಆದರೆ ಪಟ್ಟು ಬಿಡದ ರೈತರೂ, ವರ್ಷದಿಂದ ಸರ್ಕಾರಿ ಕಚೇರಿಗೆ ಅಲೆದಾಡಿ ನ್ಯಾಯ ಕೊಡಿಸುವಂತೆ ಮನವಿ ಮಾಡಿದರೂ ತಹಸೀಲ್ದಾರ್ ಸೇರಿ ಯಾರು ಕೂಡ ನಮಗೆ ಧ್ವನಿಯಾಗದೇ ಕಂಪನಿ ಪರವಾಗಿ ನಿಂತಿದ್ದಾರೆ. ಹಾಗಾಗಿ ಸ್ಥಳಕ್ಕೆ ಜಿಲ್ಲಾಧಿಕಾರಿ, ಎಸ್ಪಿ ಮತ್ತು ಕಂಪನಿಯವರು ಬಂದು ಸಭೆ ನಡೆಸಿ ಸಮಸ್ಯೆ ಪರಿಹರಿಸುವವರೆಗೂ ಪ್ರತಿಭಟನೆ ಹಿಂಪಡೆಯುವುದಿಲ್ಲ ಎಂದರು. ರೈತರಾದ ಜಯಣ್ಣ, ತಿಮ್ಮಣ್ಣ, ಸಣ್ಣ ತಿಮ್ಮಣ್ಣ, ನಾಗರಾಜ್, ಬಸವರಾಜ್, ರಾಜಣ್ಣ, ಶಿವಯ್ಯ ಹಾಲಪ್ಪ, ಸಿದ್ದೇಶ್, ವೀರೇಶ್, ಚಿತ್ತಪ್ಪ, ಅರಿಶಿಣಗುಂಡಿ ನಾಗರಾಜ್, ಸಂತೋಷ್ ಇತರರಿದ್ದರು.
