ಕ್ರೀಡೆ, ಚಿತ್ರಕಲೆ ಐಎಎಸ್ ಸಂದರ್ಶನದಲ್ಲೂ ಸಹಕಾರಿ

ಕನ್ನಡದ ನಂ.೧ ದಿನಪತ್ರಿಕೆ `ವಿಜಯವಾಣಿ' ಸಾರಥ್ಯ, ಅರಣ್ಯ ಇಲಾಖೆ, ಎಸ್‌ಆರ್‌ಎಸ್ ಸಂಸ್ಥೆ ಸಹಯೋಗದಲ್ಲಿ ವಿಶ್ವ ಪರಿಸರ ದಿನಾಚರಣೆ ಪ್ರಯುಕ್ತ ಆಯೋಜಿಸಿದ್ದ ಜಿಲ್ಲಾಮಟ್ಟದ ಸ್ಥಳದಲ್ಲೇ ಚಿತ್ರ ಬಿಡಿಸುವ ಸ್ಪರ್ಧೆಯ ವಿಜೇತರಿಗೆ ಭಾರತ್ ಸ್ಕೌಟ್ಸ್ ಮತ್ತು ಗೈಡ್ಸ್ ಸಂಸ್ಥೆ ಜಿಲ್ಲಾ ಕಚೇರಿಯಲ್ಲಿ ಮಂಗಳವಾರ ಬಹುಮಾನ ವಿತರಿಸಿ ಮಾತನಾಡಿದರು.

ಚಿತ್ರಕಲೆ ಮಕ್ಕಳ ಬೌದ್ಧಿಕ ವಕಸನಕ್ಕೆ ಪೂರಕವಾಗಿದೆ. ಪಾಲಕರು ಪ್ರೋತ್ಸಾಹಿಸಬೇಕು. ವಿಶ್ವದ ಅತಿ ದೊಡ್ಡ ಕಂಪನಿಗಳ ಸಿಇಒ ಗಳನ್ನು ಗಮನಿಸಿದರೆ, ಅಷ್ಟು ಎತ್ತರಕ್ಕೆ ಬೆಳೆಯಲು ಕ್ರೀಡೆ ಮತ್ತಿತರ ಸಹಪಠ್ಯ ಚಟುವಟಿಕೆಗಳು ಸಹಕಾರಿಯಾಗಿವೆ ಎಂಬ ಅಂಶ ಸಂಶೋಧನೆಯಿAದ ದೃಢಪಟ್ಟಿದೆ. ಇದಕ್ಕೆ ನಾನೂ ಹೊರತಲ್ಲ. ಟೀಮ್ ಸ್ಪಿರಿಟ್ ಮಕ್ಕಳ ನಾಯಕತ್ವ ಬೆಳವಣಿಗೆಗೆ ಸಹಕಾರಿ ಎಂದು ತಿಳಿಸಿದರು.

ಡಿಸಿಎ-ï ಜಿ. ಗೋಪ್ಯಾನಾಯ್ಕ್ ಮಾತನಾಡಿ, ಯಶಸ್ಸಿನ ಹಾದಿಯಲ್ಲಿ ಸಾಗಲು ಚಿತ್ರಕಲೆಯೂ ಪ್ರಮುಖ. ವಿದ್ಯಾರ್ಥಿ ದಿಸೆ ಯಿಂ ದಲೇ ಇಂತಹ ಚಟುವಟಿಕೆಯಲ್ಲಿ ಪಾಲ್ಗೊಳ್ಳುವುದರಿಂದ ಸೃಜನಶೀಲತೆ, ಆತ್ಮವಿಶ್ವಾಸ ಹೆಚ್ಚಲಿದೆ ಎಂದು ಸಲಹೆ ನೀಡಿದರು.

ಪಾಲಕರು, ಗುರುಗಳು, ಹಿತೈಷಿಗಳ ಮಾರ್ಗದರ್ಶನದಿಂದ ಎತ್ತರಕ್ಕೆ ಬೆಳೆಯಲು ಸಾಧ್ಯವಿದೆ. ಭವಿಷ್ಯ ರೂಪಿಸಿಕೊಳ್ಳಲು ಸಾವಿ ರಾರು ಹಾದಿಗಳಿದ್ದರೂ ಇರುವುದೊಂದೇ ಜೀವನದಲ್ಲಿ ಸಾಧನೆ ಮುಖ್ಯ. ಆ ನಿಟ್ಟಿನಲ್ಲಿ ಮುಂದೆ ಸಾಗಬೇಕು. ವಿದ್ಯಾರ್ಥಿಗಳನ್ನು ಪ್ರೋತ್ಸಾಹಿಸಿ ಬೆಳೆಸುವಂತೆ ಪಾಲಕರು, ಶಿಕ್ಷಕರಲ್ಲಿ ಮನವಿ ಮಾಡಿದರು.

ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿಯ ಪರಿಸರ ಅಽಕಾರಿ ಎಚ್.ವಿ. ಪಲ್ಲವಿ ಮಾತನಾಡಿ, ಮಾನವನ ದುರಾಸೆಯಿಂದ ಪರಿ ಸರದ ಮೇಲಾಗುತ್ತಿರುವ ದುಷ್ಪರಿಣಾಮಗಳ ಕುರಿತು ಶಾಲಾ ಹಂತದಲ್ಲಿ ಪಾಠ ಬೋಧನೆಗಿಂತ ಚಿತ್ರಕಲೆ ಅತ್ಯಂತ ಪರಿಣಾಮ ಕಾರಿ ಎಂದರು.

ಪ್ರತಿ ೭ ವರ್ಷಕ್ಕೊಮ್ಮೆ ಮಳೆಯ ಪ್ರಮಾಣ ಕಡಿಮೆಯಾಗುತ್ತಿದೆ. ಇರುವುದೊಂದೇ ಭೂಮಿ. ಪರಿಸರ ಸೃಷ್ಟಿಸಲು ಮಾನವರಿಂದ ಎಂದಿಗೂ ಆಗದು. ಅದರ ಸಂರಕ್ಷಣೆ ನಮ್ಮೆಲ್ಲರ ಹೊಣೆಯಾಗಿದೆ. ಪರಿಸರ ಸಂರಕ್ಷಣೆ ಕೇವಲ ಒಂದು ದಿನಕ್ಕೆ ಸೀಮಿತವಾಗದೆ, ನಿತ್ಯೋತ್ಸವವಾಗಲು ಕೈಜೋಡಿಸಬೇಕು ಎಂದು ಮನವಿ ಮಾಡಿದರು.

ಎಸ್‌ಆರ್‌ಎಸ್ ಸಮೂಹ ಶಿಕ್ಷಣ ಸಂಸ್ಥೆಯ ಅಧ್ಯಕ್ಷ ಬಿ.ಎ. ಲಿಂಗಾರೆಡ್ಡಿ ಮಾತನಾಡಿ, ವಿದ್ಯಾರ್ಥಿಗಳು ಶೈಕ್ಷಣಿಕ ಬೆಳವಣಿಗೆ, ತಮ್ಮ ಮುಂದಿನ ಭವಿಷ್ಯಕ್ಕೆ ಅನುಕೂಲವಾಗುವಂತಹ ವಿಡಿಯೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ವೀಕ್ಷಿಸಿ. ಪ್ರಚಲಿತ ವಿದ್ಯಮಾನಗಳ ಕುರಿತು ಮಾಹಿತಿ ಪಡೆದುಕೊಳ್ಳಬೇಕು. ಅಶ್ಲೀಲ ಚಿತ್ರ-ಶಬ್ಭಗಳಿಂದ ದೂರವಿರಬೇಕು ಎಂದು ಸಲಹೆ ನೀಡಿದರು.

ಮಳೆ ಕೊರತೆಯಿಂದ ಜಲಾಶಯಗಳಲ್ಲಿ ನೀರಿನ ಪ್ರಮಾಣ ಕಡಿಮೆಯಾಗುತ್ತಿದ್ದು, ಸಂದಿಗ್ಧ ಪರಿಸ್ಥಿತಿ ಎದುರಿಸುವಂತಾಗಿದೆ. ಇದಕ್ಕೆ ಲ್ಲ ಪರಿಸರ ನಾಶವೇ ಕಾರಣ. ನಗರಸಭೆಯಲ್ಲಿ ೧೬೦ ಮಂದಿ ಪೌರಕಾರ್ಮಿಕರಿದ್ದು, ಇಡೀ ನಗರದ ಸ್ವಚ್ಛತೆ ಸವಾಲಿನ ಕೆಲಸ. ಹೀಗಾಗಿ ಜಿಲ್ಲಾದ್ಯಂತ ಸ್ವಚ್ಛತೆ, ಸಸಿಗಳನ್ನು ನೆಟ್ಟು ಪೋಷಿಸುವ ಕಾರ್ಯಕ್ಕೆ ನಮ್ಮ ಸ್ಕೌಟ್ಸ್ ಮತ್ತು ಗೈಡ್ಸ್ ವಿದ್ಯಾರ್ಥಿಗಳ ಮೂಲಕ ಮುಂದಾಗುತ್ತಿದ್ದು, ಶಾಲಾ-ಕಾಲೇಜುಗಳ ವಿದ್ಯಾರ್ಥಿಗಳು ಕೈಜೋಡಿಸಬೇಕು ಎಂದರು.

ಮಕ್ಕಳಲ್ಲಿ ಪರಿಸರ ಪ್ರe್ಞೆ ಮತ್ತು ಕಾಳಜಿ ಬೆಳೆಸುವ ಉದ್ದೇಶದಿಂದ ನಡೆಸಿದ ಈ ಸ್ಪರ್ಧೆಗೆ ಗಣ್ಯರು ಮೆಚ್ಚುಗೆ ವ್ಯಕ್ತಪಡಿಸಿದರು.

ವಿಜಯವಾಣಿ ಚಿತ್ರದುರ್ಗ ಆವೃತ್ತಿ ಮುಖ್ಯ ಉಪಸಂಪಾದಕ ಹರ್ಷ ಪುರೋಹಿತ್, ವಿಶೇಷ ವರದಿಗಾರ ಡಿ.ಪಿ. ನಾಗರಾಜ ಶ್ರೇಷ್ಠಿ, ಜಾಹೀರಾತು ವಿಭಾಗದ ಸಹಾಯಕ ವ್ಯವಸ್ಥಾಪಕ ಎಂ.ಎಸ್. ಕುಮಾರಸ್ವಾಮಿ, ವರದಿಗಾರ ಕೆ.ಎಸ್. ಪ್ರಣವಕುಮಾರ್, ಲೆಕ್ಕ ಪತ್ರ ಶಾಖೆಯ ನಾಗರಾಜ್, ಛಾಯಾಚಿತ್ರಗ್ರಾಹಕ ವರದರಾಜ್ ಯಾದವ್, ಪ್ರಸರಣ ವಿಭಾಗದ ಶುಭಾಕರ್, ತೀರ್ಪುಗಾರ ಎಲ್. ವೀರೇಶ್ ಇತರರಿದ್ದರು.

ಇದೇ ವೇಳೆ ಹಿರಿಯ ಪ್ರಾಥಮಿಕ, ಪ್ರೌಢಶಾಲೆ ಎರಡೂ ವಿಭಾಗದ ಮಕ್ಕಳಿಗೆ ಪ್ರತ್ಯೇಕವಾಗಿ ನಗದು ಬಹುಮಾನ ವಿತರಿಸಲಾಯಿತು. ಪ್ರಥಮ ೩ ಸಾವಿರ ರೂ., ದ್ವಿತೀಯ ೨ ಸಾವಿರ ರೂ., ತೃತೀಯ ೧ ಸಾವಿರ ರೂ., ಹಾಗೂ ತಲಾ ೧೦ ಸ್ಪಽðಗಳಿಗೆ ಸಮಾಧಾನಕರ ಬಹುಮಾನ ನೀಡಲಾಯಿತು.

ಚಿತ್ರಕಲೆ ಕುರಿತು ಪಾಲಕರಲ್ಲಿ ತಾತ್ಸಾರ ಮನೋಭಾವ ಸಲ್ಲದು. ಮಕ್ಕಳ ಉಜ್ವಲ ಭವಿಷ್ಯ ರೂಪಿಸುವ ಶಕ್ತಿ ಈ ಕಲೆಗಿದೆ. ಇದರಿಂದ ಓದು, ಬರವಣಿಗೆ, ಕ್ರೀಡೆ ಸೇರಿ ಎಲ್ಲದರಲ್ಲೂ ಏಕಾಗ್ರತೆ ಹೆಚ್ಚಲಿದೆ. ಮೆದುಳು ಕ್ರಿಯಾಶೀಲವಾಗಿ ಆಲೋಚಿಸುವ ಶಕ್ತಿ ಹೊಂದಲಿದೆ ಎಂದು ತೀರ್ಪುಗಾರ್ತಿ ಸುವರ್ಣಮ್ಮ ತಿಳಿಸಿದರು.

ಸ್ಪರ್ಧೆಯಲ್ಲಿ ಪಾಲ್ಗೊಂಡ ೬೫೦ ಮಕ್ಕಳ ಚಿತ್ರಗಳನ್ನು ಗಮನಿಸಿದರೆ ಒಂದಕ್ಕಿAತ ಮತ್ತೊಂದು ಅದ್ಭುತವಾಗಿದ್ದವು. ವಿಜೇತರನ್ನು ಆಯ್ಕೆ ಮಾಡಲು ಕಷ್ಟವಾಯಿತು. ಪರಿಸರದ ಮೇಲಾಗುತ್ತಿರುವ ದಬ್ಬಾಳಿಗೆ ವಿದ್ಯಾರ್ಥಿಗಳ ಆಲೋಚನಾ ಲಹರಿ ನಿಜಕ್ಕೂ ಮೆಚ್ಚುವಂತದ್ದು ಎಂದು ತೀರ್ಪುಗಾರ ನಾಗರಾಜ್ ಬೇದ್ರೆ ಅನಿಸಿಕೆ ಹಂಚಿಕೊAಡರು.