ಟೆಕ್​ಶೃಂಗದಲ್ಲಿ ಎಐ ಹವಾ | AI in tech summit

ಕೃತಕ ಬುದ್ಧಿಮತ್ತೆ (ಎಐ) ಮನುಷ್ಯನ ಎರಡನೇ ಬುದ್ಧಿಯ ರೀತಿ ಪರಿಗಣನೆಯಾಗುತ್ತಿದೆ ಎಂದರೆ ತಪ್ಪಾಗಲಾರದು. ಅಂತಹ ಎಐ ಟೂಲ್​ಗಳಲ್ಲಿ ನಿಯೋಸಾಪಿಯನ್​ ಒಂದು ವಿನೂತನ ಆವಿಷ್ಕಾರ. ಇದೊಂದು ಪೆನ್​ಡೆವ್​ ಮಾದರಿಯಲ್ಲಿದ್ದು, ಕುತ್ತಿಗೆ ಚೈನ್​ಗೆ ಹಾಕಿಯೋ ಅಥವಾ ಕೀಚೈನ್​ ಆಗಿಯೇ ಬಳಸಬಹುದು. ನಿಯೋಸಾಪಿಯನ್​ ಆ್ಯಪ್​ಗೆ ಇದನ್ನು ಬ್ಲೂಟೂತ್​ ಮೂಲಕ ಸಂಪರ್ಕ ಮಾಡಿದರೆ, ದಿನನಿತ್ಯ ನಡೆಯುವ ಸಭೆಗಳು ಮತ್ತು ಸಂಭಾಷಣೆಗಳನ್ನು ಸೆರೆಹಿಡಿಯಲು ಅನುಕೂಲವಾಗುತ್ತದೆ. ನಿಮಗೆ ಬೇಕಾದ ವಿಷಯಗಳನ್ನು ಸಂಗ್ರಹಿಸಲು, ಪ್ರಶ್ನೆಗಳನ್ನು ಕೇಳಲು, ಸಾರಾಂಶ ಬರೆಯಲು, ಕೀ ಪಾಯಿಂಟ್​ ಬರೆಯಲು ಎಲ್ಲವೂ ಇದರಿಂದ ಸಾಧ್ಯವಿದೆ. ಒಮ್ಮೆ ಚಾರ್ಜ್​ ಮಾಡಿದರೆ 16 ಗಂಟೆ ಬಳಸಬಹುದು. 140 ಭಾಷೆಗಳನ್ನು ಗ್ರಹಿಸಬಲ್ಲ ಡಿವೈಸ್​ ಇದಾಗಿದೆ. ಬೆಂಗಳೂರು ಮೂಲದ ಸ್ಟಾರ್ಟ್​ಅಪ್​ ಎಂಬುದು ವಿಶೇಷ. ಅಲ್ಲದೆ, ದೇಶಾದ್ಯಂತ ಬೇಡಿಕೆ ಇದ್ದು, ಪೂರ್ತಿ ನಿರ್ಮಾಣ ಬೆಂಗಳೂರಿನಲ್ಲೇ ನಡೆಯುತ್ತದೆ ಎಂದು ನಿಯೋಸಾಪಿಯನ್​ ಸಂಸ್ಥೆಯ ರಜತ್​ ಮಾಹಿತಿ ನೀಡಿದ್ದಾರೆ.

ನಗರದಲ್ಲಿ ತ್ಯಾಜ್ಯ ಮರುಬಳಕೆಯ ಸಾಮರ್ಥ್ಯ ಎಷ್ಟೇ ಇದ್ದರೂ ಕಸ ವಿಂಗಡಣೆ ಸಮಸ್ಯೆಯಿಂದ ತ್ಯಾಜ್ಯ ವಸ್ತುಗಳ ಮರುಬಳಕೆಯ ಪ್ರಮಾಣ ಕಡಿಮೆಯೇ ಇದೆ. "ಎಐ ಸ್ಮಾರ್ಟ್​ಬಿನ್​' ಕೇವಲ ಕಸ ವಿಲೇವಾರಿಯನ್ನಷ್ಟೇ ನಡೆಸದೆ, ಆದಾಯದ ಮೂಲವಾಗಿರುವುದು ವಿಶೇಷ. ಸ್ವಚ್ಛ ಸಮಾಜದ ಗುರಿ ಹೊಂದಿರುವ ಈ ಸಂಸ್ಥೆಯು ಆರು ಭಾಗಗಳಿರುವ ವಿಶೇಷ ಕಸದಡಬ್ಬಿಯನ್ನು ತಯಾರಿಸಿದೆ. ಅದಕ್ಕೆ ಆರು ವೃತ್ತಾಕಾರದ ಮುಚ್ಚಳಗಳಿವೆ. ಎಲ್ಲವೂ ಲಾಕ್​ ಆಗಿರುತ್ತದೆ. ಯಾವುದೇ ಮುಚ್ಚಳವನ್ನು ಜನರಿಗೆ ಕೈಯಾರೆ ತೆರೆಯಲು ಸಾಧ್ಯವಿಲ್ಲ. ಕಸವನ್ನು ಬಿಸಾಡಲು ಬಯಸುವವರು ಬಿನ್​ನ ಮೇಲ್ಭಾಗದಲ್ಲಿರುವ ಕ್ಯಾಮರಾ ಹಾಗೂ ಸೆನ್ಸಾರಿನ ಹತ್ತಿರ ಕಸವನ್ನು ತೋರಿಸಬೇಕು. ಕ್ಯಾಮರಾ ಮತ್ತು ಸೆನ್ಸಾರ್​ಗಳು ಗುರುತುಹಿಡಿದು ಆಯಾ ಬಿನ್​ಗೆ ಹಾಕುತ್ತದೆ. ಡಬ್ಬಿ ತುಂಬಿದಾಗ ಸಿಬ್ಬಂದಿಗೆ ಸೂಚನೆ ಹೋಗುತ್ತದೆ. ಸಿಬ್ಬಂದಿಗೆ ಮಾತ್ರ ಮತ್ತೆ ಅದನ್ನು ಸ್ಥಳಾಂತರಿಸಲು ಸಾಧ್ಯವಿದೆ ಎಂದು "ಎಐ ಸ್ಮಾರ್ಟ್​ಬಿನ್​ ಸಂಸ್ಥೆ ಪಾಲುದಾರ ಅವಿ ಮಹಾಜನ್​ ತಿಳಿಸಿದ್ದಾರೆ.

ಆದಾಯ ಎಲ್ಲಿಂದ?: 

ಬಿನ್​ ಹಾಗೂ ಕ್ಯಾಮರಾ ಮಧ್ಯೆ ಒಂದು ಡಿಸ್​ಪ್ಲೇ ನೀಡಲಾಗಿದ್ದು, ಅದರಲ್ಲಿ ಸೂಚನೆಗಳ ಜತೆ ಜಾಹೀರಾತುಗಳನ್ನು ನೀಡಲು ಅವಕಾಶವಿದೆ. ಇದರಿಂದ ಆದಾಯವನ್ನು ಗಳಿಸಬಹುದು. ಬೇರೆಬೇರೆ ಮಾದರಿಯ "ಎಐ ಸ್ಮಾರ್ಟ್​ಬಿನ್​'ಗಳಿದ್ದು 30 ಸಾವಿರ ರೂ.ನಿಂದ 2 ಲಕ್ಷ ರೂ. ವರೆಗೆ ಬೆಲೆ ಬಾಳುತ್ತದೆ.

ಸಾಮಾಜಿಕ ಜಾಲತಾಣದ ನಿರ್ವಹಣೆ ಬಹುತೇಕರಿಗೆ ತಲೆನೋವಾಗಿದ್ದರೆ ಇಲ್ಲಿದೆ ಎಐ ಪರಿಹಾರ. "ಸಿ 4 ಪ್ಲಸ್​' ಸಂಸ್ಥೆ ಸಂಪೂರ್ಣ ಸಾಮಾಜಿಕ ಜಾಲತಾಣ ನಿರ್ವಹಣೆಯ ಎಐ ಟೂಲ್​ ಅಭಿವೃದ್ಧಿಪಡಿಸಿದ್ದು, ಪೋಸ್ಟ್​ ತಯಾರಿಕೆ, ಕಂಟೆಂಟ್​ ಕ್ರಿಯೇಷನ್​ ಮಾತ್ರವಲ್ಲ ೇಸ್​ಬುಕ್​, ಇನ್​ಸ್ಟಾಗ್ರಾಂ, ಎಕ್ಸ್​ ಇತ್ಯಾದಿಗಳಲ್ಲಿ ಪ್ರಚಾರದ ಕೆಲಸವೂ ಇದೇ ಮಾಡುತ್ತದೆ. ಶೇ.90 ಕೆಲಸಗಳನ್ನು ಎಐ ನಿರ್ವಹಿಸುತ್ತದೆ. ಉಳಿದಂತೆ ಶೇ.10 ಬಳಕೆದಾರ ಸೂಚನೆ ನೀಡಬಹುದು. ವಾಣಿಜ್ಯ ಉಪಯೋಗಕ್ಕೆ ಅನುಕೂಲವಾಗಿದ್ದು, ಪ್ರತಿಸ್ಪರ್ಧಿಯ ಚಟುವಟಿಕೆಗಳ ಮೇಲೂ ನಿಗಾ ಇಡುತ್ತದೆ. ಈ ಹಿಂದಿನ ಪೋಸ್ಟ್​ಗಳಿಗೆ ಏನಾದರೂ ನಕಾರಾತ್ಮಕ ಸ್ಪಂದನೆ ಬಂದಿದ್ದರೆ ಅದೂ ತಿಳಿಸುತ್ತದೆ. ಯಾವಾಗ ಯಾವ ಪೋಸ್ಟ್​ ಹೇಗೆ ಹಾಕಬೇಕು ಎಂದು ಮಾರ್ಗದರ್ಶನ ನೀಡುತ್ತದೆ ಎಂದು "ಸಿ 4 ಪ್ಲಸ್​' ಸಂಸ್ಥಾಪಕ ಮಾನಸ್​ ತಿಳಿಸಿದ್ದಾರೆ.

ಮಕ್ಕಳಿಗೆ ಎಐ ತಂತ್ರಜ್ಞಾನದ ಅರಿವು ಮುಖ್ಯ ಎನ್ನುವುದಕ್ಕಿಂತ ಅದನ್ನು ಬಳಸಿ ಜ್ಞಾನ ವೃದ್ಧಿಸಲು ಪಳಗುವುದು ಮುಖ್ಯ ಎನ್ನುತ್ತದೆ ಸ್ಟಡಿ 100 ಆನ್​ 100 ಸಂಸ್ಥೆ. ಶಿಕ್ಷಣಕ್ಕೆ ಅನುಕೂಲವಾಗುವ ಎಐ ಟೂಲ್​ ಇದಾಗಿದ್ದು, ಮಕ್ಕಳ ಓದಿಗೆ ಚಿತ್ರ, ಧ್ವನಿ ಹಾಗೂ ಪಠ್ಯಗಳು ಇಲ್ಲಿ ಲಭ್ಯವಿದೆ. ವಾರ್ಷಿಕವಾಗಿ 800 ರೂ. ಕೊಟ್ಟು ಚಂದದಾರರಾದರೆ ಮಕ್ಕಳಿಗೆ ಉತ್ತಮ ಮಾರ್ಗದರ್ಶಿಯಾಗಿದೆ. ಅಂತೆಯೇ ನೀಟ್​, ಜೆಇಇ ಮುಂತಾದ ಸ್ಪರ್ಧಾತ್ಮಕ ಪರೀೆಗಳಿಗೆ ತರಬೇತಿ, ಪಠ್ಯವನ್ನೂ ನೀಡುತ್ತದೆ. ಇದಕ್ಕೆ 8,000 ರೂ. ತಗಲುತ್ತದೆ. ಲಾಂತರ ರೂ. ಶಿಕ್ಷಣಕ್ಕೆ ಸುರಿಯುವ ಬದಲು ಅತ್ಯಾಧುನಿಕ ತಂತ್ರಜ್ಞಾನದ ಬಳಕೆಯಿಂದ ಎಲ್ಲ ಮಕ್ಕಳಿಗೂ ಶಿಕ್ಷಣ ಲಭಿಸಲಿ ಎಂಬುದು ನಮ್ಮ ಧ್ಯೇಯ ಎನ್ನುತ್ತಾರೆ ಸ್ಟಡಿ 100 ಆನ್​ 100 ಸಂಸ್ಥೆಯ ಶ್ರೀನಿವಾಸ್​.