ಟೀ ಅಥವಾ ಚಹಾ ಎಂದರೆ ಭಾರತೀಯರಲ್ಲಿ ದೊಡ್ಡ ಅಭಿಮಾನಿಗಳಿದ್ದಾರೆ. ಹಾಗೇಯೆ ಚಿಕನ್ ಟಿಕ್ಕಾಕ್ಕೆ ಕೂಡ.
ಇವೆರೆಡರ ರುಚಿಯನ್ನು ಅವರು ಆಸ್ವಾದಿಸುವ ಶೈಲಿಯೇ ಭಿನ್ನ. ಇದರ ರುಚಿ ಬಗ್ಗೆ ಕೆಲವರಂತೂ ತುಂಬ ಪಕ್ಕಾ ಇರುತ್ತಾರೆ. ಚಹಾ ಹಾಗೂ ಚಿಕನ್ ಟಿಕ್ಕಾದ ರುಚಿ ಬಗ್ಗೆ ಅವರು ಅಷ್ಟು ಖಡಕ್ ಆಗಿರುತ್ತಾರೆ. ಈ ರುಚಿಗಳಲ್ಲಿ ಸ್ವಲ್ಪ ವ್ಯತ್ಯಾಸವಾದರೂ ಅವರು ಸಹಿಸುವುದಿಲ್ಲ.
ಆದರೆ ಇನ್ನು ಕೆಲವರು ಇರುತ್ತಾರೆ. ಸಾಮಾಜಿಕ ಜಾಲತಾಣಗಳ ಮೂಲಕ ಇಂತಹ ಭಾರತೀಯ ರುಚಿಯನ್ನು ಹಾಲು ಮಾಡಲು ಸಿದ್ಧರಿರುತ್ತಾರೆ. ಹೌದು, ಇದು ತಮಾಷೆಯಲ್ಲ, ಇಂತಹ ಮಹಿಳೆಯೊಬ್ಬಳು ಇಲ್ಲಿದ್ದಾಳೆ. ಈಕೆ ಚಹಾ ಮತ್ತು ಚಿಕನ್ ಟಿಕ್ಕಾದ ರುಚಿಯನ್ನೇ ಹಾಳು ಮಾಡಿದ್ದಾಳೆ.
ಪೊಕೊಸ್ಚಿಕ್ ಎಂಬಾಕೆ ಚಿಕನ್ ಟಿಕ್ಕಾದ ಮೇಲೆ ಟೀ ಸುರಿದುಕೊಂಡು ತಿಂದಿದ್ದಾಳೆ. ಅಷ್ಟೇ ಅಲ್ಲ, ಇದನ್ನು ವಿಡಿಯೋ ಮಾಡಿ ಹಂಚಿಕೊಂಡಿದ್ದಾಳೆ.
“ಹಾಯ್ ಹುಡುಗರೇ, ನಾನು ಇಡ್ಲಿ ಮತ್ತು ಟೀ ಜತೆಗಿನ ವಿಡಿಯೋಗೆ ನೀವು ಟೀ ಜತೆಗೆ ತಂದೂರಿ ಪ್ರಯೋಗಿಸು ಎಂದು ಹೇಳಲೇ ಇಲ್ಲ! ಆದರೆ ನನಗೆ ಲೆಗ್ ಪೀಸ್ ಸಿಗಲಿಲ್ಲ. ಬದಲಿಗೆ ಸಿಕ್ಕಿದ್ದು ಚಿಕನ್ ಟಿಕ್ಕಾ. ಮೊದಲಿಗೆ ನನಗೂ ಬೇಡ ಎನ್ನಿಸಿತ್ತು. ಆದರೆ ನಂತರ ಇ ಹೊಸ ಪ್ರಯೋಗ ಮಾಡಿದೆ. ನಿಜಕ್ಕೂ ಇದರ ರುಚಿಯನ್ನು ಅನುಭವಿಸಿದೆ. ಇದು ಒಳ್ಳೆಯ ರುಚಿ.”
ಹೀಗೆಂದು ತನ್ನ ವಿಡೀಯೊಗೆ ಅಡಿ ಬರಹ ಬರೆದುಕೊಂಡಿದ್ದಾಳೆ. ಇದಕ್ಕೆ ನೆಟ್ಟಿಗರು ಕೂಡ ವಿಧವಿಧವಾಗಿ ಮಜಾವಾಗಿ ಪ್ರತಿಕ್ರಿಯಿಸಿದ್ದಾರೆ.
‘ಪಾಪ ಬಡಪಾಯಿ ಚಿಕನ್ ಎರಡೆರಡು ಸಲ ಬೆಯ್ಯಬೇಕಾಯಿತು’ ಎಂದು ಒಬ್ಬರು ಹೇಳಿದರೆ, ಇದನ್ನು ‘ಚಿಕನ್ ಟೀ ಕ್ಕಾ’ ಎನ್ನಬಹುದು ಎಂದಿದ್ದಾರೆ. ಇನ್ನೊಬ್ಬ ಆಕೆಗೆ ಒಂದು ಉಪಾಯ ಸೂಚಿಸಿದ್ದಾನೆ. ‘ನೀನು ಏಕೆ ಬೆಂದ ಮೊಟ್ಟೆ ಜೊತೆ ಟೀ ಪ್ರಯೋಗ ಮಾಡಬಾರದು’ ಎಂದಿದ್ದಾನೆ.
ಇನ್ನೂ ಎಂತಂಥ ಫೊಸ್ಟ್ಗಳನ್ನು ನೋಡಬೇಕೊ ಎಂದು ಕೊಂಡವರು ಅದೇಷ್ಟೋ ಮಂದಿ! (ಏಜೆನ್ಸೀಸ್)