ಈ ವಾರ ದಕ್ಷಿಣ ಭಾರತದ ಹಲವು ಸಿನಿಮಾಗಳು ಒಟಿಟಿಗೆ ಲಗ್ಗೆ ಇಡಲಿದ್ದು, ಲವ್, ರೊಮ್ಯಾಂಟಿಕ್, ಕ್ರೈಂನಿಂದ ಹಿಡಿದು ಥ್ರಿಲ್ಲರ್, ಧಾರ್ಮಿಕ, ಆಕ್ಷನ್ ಕತೆ ಹೇಳುವ ಆಸಕ್ತಿದಾಯಕ ಸಿನಿಮಾಗಳು ಆನ್ಲೈನ್ನಲ್ಲಿ ಸ್ಟ್ರೀಮ್ ಆಗಲಿದೆ. ಬೆಳ್ಳಿತೆರೆ ಮೇಲೆ ಅಭ್ಬರಿಸಿದ ಪ್ರಧಮ ದೃಷ್ಟಿಯ ಕುಟ್ಟಕ್ಕರ್, ಮಂಡಾಡಿ, ಎಪಿಕ್ ಸಿನಿಮಾವನ್ನು ಫ್ಯಾಮಿಲಿ ಜೊತೆಗೆ ಈ ವೀಕೆಂಡ್ನಲ್ಲಿ ನೋಡಬಹುದಾಗಿದೆ.
ಯುವ ನಿರ್ದೇಶಕ ಮಥಿಮಾರನ್ ಬರೆದು, ಆಕ್ಷನ್ ಕಟ್ ಹೇಳಿರುವ ಮಂಡಾಡಿ ಸಿನಿಮಾವು ನೆಟ್ಫ್ಲಿಕ್ಸ್ನಲ್ಲಿ ಅಕ್ಟೋಬರ್ 8ರಂದು ರಿಲೀಸ್ ಆಗಲಿದೆ. ಇದು ತಮಿಳು, ತೆಲುಗು, ಕನ್ನಡ ಸೇರಿದಂತೆ ಪ್ಯಾನ್ ಇಂಡಿಯಾ ಭಾಷೆಯಲ್ಲಿ ಸ್ಟ್ರೀಮ್ ಆಗಲಿದೆ. ಇದೊಂದು ತಮಿಳುನಾಡಿನ ಐತಿಹಾಸಿಕ ಕ್ರೀಡೆ ಸುತ್ತ ಸುತ್ತುವ ಕತೆಯಾಗಿದೆ.
ವಿಜಯ್ ದೇವರಕೊಂಡ ಅವರ ಸಹೋದರ ಆನಂದ್ ದೇವರಕೊಂಡ ಹಾಗೂ ವೈಷ್ಣವಿ ಚೈತನ್ಯ ನಟನೆಯ ಎಪಿಕ್ ಫಸ್ಟ್ ಸೆಮಿಸ್ಟರ್ ಸಿನಿಮಾವು ಅಕ್ಟೋಬರ್ 9ರಂದು ನೆಟ್ಫ್ಲಿಕ್ಸ್ನಲ್ಲಿ ರಿಲೀಸ್ ಆಗಲಿದೆ. ಆದಿತ್ಯ ಹಾಸನ್ ಸಿನಿಮಾ ನಿರ್ದೇಶಿಸಿದ್ದು, ಸೂರ್ಯದೇವರ ನಾಗ ವಂಶಿ ಮತ್ತು ಸಾಯಿ ಸೌಜನ್ಯ ಚಿತ್ರ ನಿರ್ಮಿಸಿದ್ದಾರೆ. ಲಂಡನ್ಗೆ ತೆರಳುವ ಮಧ್ಯಮ ವರ್ಗದ ವಿದ್ಯಾರ್ಥಿಯೊಬ್ಬನ ಶಿಕ್ಷಣ ಹಾಗೂ ಸವಾಲುಗಳ ಸುತ್ತ ರೊಮ್ಯಾಂಟಿಕ್ ಸಿನಿಮಾ ಕತೆ ಸಾಗುತ್ತದೆ.
