‘ಡಿಟೆಕ್ಟಿವ್ ತೀಕ್ಷ್ಣ’ ಪ್ರಿಯಾಂಕಾ ಉಪೇಂದ್ರ ಅಭಿನಯದ 50ನೇ ಸಿನಿಮಾ ಎಂಬ ಕಾರಣಕ್ಕೆ ವಿಶೇಷತೆ ಪಡೆದಿತ್ತು. ಈ ಚಿತ್ರದಲ್ಲೂ ಅವರು ‘ಉಗ್ರಾವತಾರ’ ಮುಂದುವರಿಸಿದ್ದಾರೆ. ಚುರುಕು ಬುದ್ಧಿಯ ಚುಟುಕು ಕಾರ್ಯಾಚರಣೆ ಹಾಗೂ ಆ್ಯಕ್ಷನ್ ಮೂಲಕ ಗಮನ ಸೆಳೆದಿದ್ದಾರೆ. ಆದರೆ, ಕಥೆಗೆ ಇನ್ನೊಂದಿಷ್ಟು ರೋಚಕತೆ ಬೇಕಿತ್ತು. ಕೆಲವು ಕಾರ್ಯಾಚರಣೆಗಳನ್ನು ಊಹಿಸಬಹುದು. ಇನ್ನು ಮೊದಲರ್ಧ ತೀಕ್ಷ್ಣಳ ಹಿನ್ನೆಲೆ, ಟೈಪಿಸ್ಟ್ ಆಗಿದ್ದಾಗ ಆಕೆ ತೋರಿದ ಚುರುಕುತನ ಹಾಗೂ ಕೆಲ ಫ್ಲಾಶ್ಬ್ಯಾಕ್ಗಳಿಗೆ ಸೀಮಿತವಾಗಿದೆ. ದ್ವಿತೀಯಾರ್ಧದಲ್ಲಿ ಭೂಗತ ಪಾತಕಿಗಳನ್ನು ಸದೆಬಡಿಯುವ ಕಾರ್ಯಾಚರಣೆಗಳನ್ನು ತೋರಿಸಲಾಗಿದೆ. ಕಥೆಯು ಅಪೂರ್ಣವಾಗಿದ್ದು, ನಿಜವಾದ ತೀಕ್ಷ್ಣಳ ಹೋರಾಟಕ್ಕಾಗಿ ಮುಂದಿನ ಭಾಗ ಬರುವರೆರೆಗೂ ಕಾಯಬೇಕಿದೆ. ತ್ರಿವಿಕ್ರಮ್ ರಘು ಅವರ ಈ ಆ್ಯಕ್ಷನ್ ಪ್ರಧಾನ ಕಥೆಯಲ್ಲಿ ಪ್ರಿಯಾಂಕಾ ಅಬ್ಬರಿಸಿದ್ದಾರೆ. ಕೊನೆಯಲ್ಲಿ ವಿಜಯ್ ಸೂರ್ಯ ಕಾಣಿಸಿಕೊಂಡು ಅಚ್ಚರಿ ಮೂಡಿಸುತ್ತಾರೆ. ಅವಿನಾಶ್, ಶ್ರೀಧರ್ ಸೇರಿ ಹಲವು ಹೊಸ ಪಾತ್ರಗಳು ಚೆನ್ನಾಗಿ ಮೂಡಿಬಂದಿವೆ.
.jpg_1786189388424.webp?w=480&auto=format%2Ccompress&fit=max)
