ಬಿಗ್ಬಾಸ್ ಮನೆಯಲ್ಲಿರುವಾಗ ವೇಟ್ ಲಾಸ್ ಆದ ಬಗ್ಗೆ ಹಲವರು ಮಾತನಾಡುತ್ತಾರೆ. ಅದಕ್ಕೆ ಮೂಲ ಕಾರಣ ಆಹಾರ. ಲಕ್ಷುರಿ ಬಜೆಟ್ ಹಾಗೂ ದಿನಸಿಗಾಗಿ ಇಲ್ಲಿ ಸ್ಪರ್ಧಿಗಳು ಟಾಸ್ಕ್ ಚೆನ್ನಾಗಿ ಅರ್ಥ ಮಾಡಿಕೊಂಡು ಸಾಮಾಗ್ರಿ ಪಡೆದುಕೊಳ್ಳಬೇಕಾಗಿರುತ್ತದೆ. ಆದರೆ, ಈ ವಾರ ಬಿಗ್ಬಾಸ್ ಕೊಟ್ಟ ಚಟುವಟಿಕೆಯಲ್ಲಿ ಮಂಜ ಮತ್ತು ಕಾವ್ಯಾ ಅವರ ಎಡವಟ್ಟಿನಿಂದ ಮನೆ ಶೇ. 50ರಷ್ಟು ದಿನಸಿ ಕಳೆದುಕೊಂಡಿದ್ದು, ಮನೆ ಮಂದಿ ಮಂಜನ ವಿರುದ್ಧ ಕಿಡಿಕಾರಿದ್ದಾರೆ.
ಬಿಗ್ಬಾಸ್ ಕೊಟ್ಟ ಟಾಸ್ಕ್ ಏನು?
ದಿನಸಿ ಪಡೆದುಕೊಳ್ಳಲು ಬಿಗ್ಬಾಸ್ ಒಂದು ಟಾಸ್ಕ್ ಅನ್ನು ಕೊಟ್ಟಿತ್ತು. ಆ ಆಟದಲ್ಲಿ ಕಣ್ಣಿಗೆ ಬಟ್ಟೆ ಕಟ್ಟಿಕೊಂದು ದಾರಿಯಲ್ಲಿರುವ ಯಾವುದೇ ವಸ್ತುವನ್ನು ತುಳಿಯದೆ, ಗಂಟೆಗಳಿಗೆ ತಾಗದಂತೆ ಎಚ್ಚರಿಕೆ ವಹಿಸಿ ಸಾಗಬೇಕಿತ್ತು. ನಂತರ ಅಂತಿಮ ಸ್ಥಾನಕ್ಕೆ ತಲುಪಿ ಬಜರ್ ಒತ್ತಬೇಕಾಗಿತ್ತು. ಇದನ್ನು ಬೋರ್ಡ್ ಮೇಲೆ ಟೀಚರ್ ಒಬ್ಬರು ಬರೆದುಕೊಳ್ಳಬೇಕಿತ್ತು.
ಪ್ರೋಮೋದಲ್ಲಿ ಏನಿದೆ?
ಕಾವ್ಯ ಮತ್ತು ಮಂಜು ಅವರ ಆಟದಲ್ಲಿ ನಿಯಮ ಮೀರಿರುವುದರಿಂದ ಅವರನ್ನು ಅಧಿಕೃತವಾಗಿ ಡಿಸ್ಕ್ವಾಲಿಫೈ ಮಾಡಲಾಗಿದೆ. ಇದರಿಂದಾಗಿ ಈ ವಾರ ಬಿಗ್ ಬಾಸ್ ಮನೆಯು ತನ್ನ ವಾರದ ಒಟ್ಟು ದಿನಸಿ ಸಾಮಗ್ರಿಗಳಲ್ಲಿ ಶೇ. 50ರಷ್ಟು ಭಾಗವನ್ನು ಕಳೆದುಕೊಳ್ಳಬೇಕಾಗಿ ಬಂದಿದೆ. ಇದರಿಂದಾಗಿ ಇಡೀ ಮನೆಗೆ ತೊಂದರೆಯಾಗಿದ್ದು, ಮಂಜ ನಿನ್ನ ಕಡೆಯಿಂದ ನಮಗೆಲ್ಲ ಊಟ ಹೋಗಿದೆ, ಗಿಲ್ಟ್ ನಿಮಗಿರಲಿ" ಎಂದು ಇತರೆ ಸ್ಪರ್ಧೆಗಳು ಆಕ್ರೋಶ ಹೊರಹಾಕಿದ್ದಾರೆ. ಮಂಜ ತಾನು ಅಪರಾಧಿಯಂತೆ ನಟಿಸುತ್ತಾ ಅಳುತ್ತಾ ವರ್ತಿಸಿರುವುದು ಪ್ರೋಮೋದಲ್ಲಿ ಇದೆ
