2ನೇ ಮಗು ನಿರೀಕ್ಷೆಯಲ್ಲಿ ಕಿಯಾರಾ-ಸಿದ್ಧಾರ್ಥ್​ ದಂಪತಿ; ಬಾಲಿವುಡ್ ತಾರೆಯರಿಂದ ಸಿಕ್ತು ಭರಪೂರ ಅಭಿನಂದನೆ..Kiara-Sidharth

• ಎರಡನೇ ಮಗುವಿನ ನಿರೀಕ್ಷೆಯಲ್ಲಿರುವ ಕಿಯಾರಾ ಅಡ್ವಾನಿ

• ಇನ್​ಸ್ಟಾಗ್ರಾಮ್​​ನಲ್ಲಿ ಹೊಸ ಪೋಸ್ಟ್​ ಹಂಚಿಕೊಂಡ ಟಾಕ್ಸಿಕ್ ಚೆಲುವೆ

• ಮತ್ತೆ ಬದುಕಿಗೆ ಶ್ರೇಷ್ಠ ಉಡುಗೊರೆಯೊಂದು ಸಿಕ್ಕಿದೆ ಎಂದು ಪೋಸ್ಟ್

Kiara-Sidharth announce second pregnancy: ಟಾಕ್ಸಿಕ್​ನಲ್ಲಿ ನಾದಿಯಾಳಾಗಿ ಮಿಂಚಿದ್ದ ಕಿಯಾರಾ ಅಡ್ವಾನಿ ಎರಡನೇ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಈ ಸಂತಸದ ವಿಚಾರವನ್ನು ಬಾಲಿವುಡ್​ನ ಸ್ಟಾರ್​ ದಂಪತಿ ಅಧಿಕೃತವಾಗಿ ತಮ್ಮ ಇನ್​ಸ್ಟಾಗ್ರಾಮ್​ನಲ್ಲಿ ಹಂಚಿಕೊಂಡಿದ್ದಾರೆ.

ಕಿಯಾರಾ ಅಡ್ವಾನಿ ಮತ್ತು ಸಿದ್ಧಾರ್ಥ್​​ ಮಲ್ಹೋತ್ರಾ 2025 ಜುಲೈ15ರಂದು ತಮ್ಮ ಮೊದಲ ಮಗು ಸರಯಾಳನ್ನು ಬರಮಾಡಿಕೊಂಡಿದ್ದರು. ಸದ್ಯ ಎರಡನೇ ಮಗುವಿನ ನಿರೀಕ್ಷೆಯಲ್ಲಿರುವ ಬಗ್ಗೆ ಅಕ್ಟೋಬರ್ 7ರಂದು ಇನ್​ಸ್ಟಾಗ್ರಾಮ್​ನಲ್ಲಿ ಪೋಸ್ಟ್​​ ಹಂಚಿಕೊಳ್ಳುವ ಮೂಲಕ ಸ್ಪಷ್ಟಪಡಿಸಿದ್ದಾರೆ

ಪೋಸ್ಟ್​ನಲ್ಲಿ ಏನಿದೆ?

ಸರಯಾ, ಕಿಯಾರಾ ಹಾಗೂ ಸಿದ್ಧಾರ್ಥ್​ ಕೈ ಮೇಲೆ ಬಿಳಿ ಬಣ್ಣದ ಪುಟ್ಟದಾದ ಸಾಕ್ಸ್ಟ್​ ಇಟ್ಟು ಫೋಟೋ ಹಂಚಿಕೊಂಡಿದ್ದಾರೆ. ಇದಕ್ಕೆ ಶೀರ್ಷಿಕೆ ಕೊಟ್ಟಿರುವುದು ಹೀಗೆ, 'ನಮ್ಮ ಬದುಕಿಗೆ ಮತ್ತೊಂದು ಶ್ರೇಷ್ಠ ಉಡುಗೊರೆ ಸಿಕ್ಕಿದೆ. ನಮ್ಮ ಮನವು ಸದ್ಯ ಪ್ರೀತಿ ಮತ್ತು ಕೃತಜ್ಞತಾ ಭಾವದಿಂದ ಕೂಡಿದೆ' ಎಂದು ಬರೆದುಕೊಂಡಿದ್ದಾರೆ ಕಿಯಾರ.

ಬಾಲಿವುಡ್​ ತಾರೆಯರಿಂದ ಹಾರೈಕೆ

ದಂಪತಿಯ ಈ ಪೋಸ್ಟ್​ಗೆ ಸಿನಿಮಾ ರಂಗದ ಗಣ್ಯರು, ನಟ-ನಟಿಯರು ಕಂಗ್ರ್ಯಾಟ್ಸ್ ಹೇಳುವ ಮೂಲಕ ಅಭಿನಂದಿಸಿದ್ದಾರೆ. ಕರಣ್​ ಜೋಹರ್​, ಆಥಿಯಾ ಶೆಟ್ಟಿ, ಭೂಮಿ ಪಡ್ನೇಕರ್ ಮತ್ತು ಫ್ಯಾಷನ್ ಡಿಸೈನರ್ ಮನೀಶ್ ಮಲ್ಹೋತ್ರಾ ಸೇರಿದಂತೆ ಹಲವರು ಹಾರೈಸಿದ್ದಾರೆ.

ಕಿಯಾರಾ-ಸಿದ್ಧಾರ್ಥ್​ ಬಗ್ಗೆ

2018ರಲ್ಲಿ ಕಿಯಾರಾ ಅಡ್ವಾಣಿ ಮತ್ತು ಸಿದ್ಧಾರ್ಥ್​ ಮಲ್ಹೋತ್ರಾ ಶೇರ್​ ಷಾ ಸಿನಿಮಾ ಮೂಲಕ ಪರಿಚಿತರಾದರು. ಇಬ್ಬರ ಬಗ್ಗೆ ಡೇಟಿಂಗ್​ ವದಂತಿಗಳು ಹರಿದಾಡಿತ್ತು. ಊಹಾಪೋಹದ ಮಧ್ಯೆ ಫೆಬ್ರವರಿ 2023 ರಲ್ಲಿ ರಾಜಸ್ಥಾನದಲ್ಲಿ ಮದುವೆಯಾದರು, (ಏಜೆನ್ಸೀಸ್)