ಬೋರ್ ಆಗೋದೆ ಇಲ್ಲ, ಕಾಮಿಡಿ ಚೆನ್ನಾಗಿದೆ
ಹರಿಚರಣ್ ಪುಡಿಪೆಡ್ಡಿ ಅವರ ಪ್ರಕಾರ, ಜೈಲರ್ 2 ಮನರಂಜನಾತ್ಮಕವಾದ ಸೀಕ್ವೆಲ್. 3.75 ರೇಟಿಂಗ್ ಕೊಟ್ಟರೆ ತಪ್ಪೇನಿಲ್ಲ. ಮಧ್ಯಂತರಗಳಲ್ಲಿ ಚಿತ್ರವನ್ನು ರೋಮಾಂಚನಗೊಳಿಸುತ್ತದೆ. ಅತಿಥಿ ಪಾತ್ರಗಳನ್ನು ತಂದಿರುವ ಬಗೆ ಚಂದ. ನೆಲ್ಸನ್ ಅವರ ದೊಡ್ಡ ಶಕ್ತಿಯಾಗಿರುವ ಮತ್ತು ಅವರಿಗೆ ಸಹಜವಾಗಿ ಬರುವ ಚತುರ ಹಾಗೂ ಪರಿಣಾಮಕಾರಿ ಹಾಸ್ಯದ ಬಳಕೆಯಿಂದಾಗಿ, ಸಿನಿಮಾ ಎಂದಿಗೂ ಬೋರಿಂಗ್ ಎನಿಸುವುದಿಲ್ಲ. ದ್ವಿತೀಯಾರ್ಧದಲ್ಲಿ ಸ್ವಲ್ಪ ಮಟ್ಟಿಗೆ ವೇಗ ತಗ್ಗಿದರೂ, ಸ್ಟಾರ್‌ಗಳ ಅತಿಥಿ ಪಾತ್ರಗಳು ಮತ್ತು ಕೆಲವು ಅಚ್ಚರಿಗಳು ಕೊನೆಯ ದೃಶ್ಯದವರೆಗೂ ಚಿತ್ರದ ಉತ್ಸಾಹ ಕುಂದದಂತೆ ನೋಡಿಕೊಳ್ಳುತ್ತವೆ. ಸ್ಟಾರ್ ನಟರ ಎಲ್ಲ ಸೀಕ್ವೆಲ್‌ಗಳ ಪೈಕಿ ಇದು ಅತ್ಯಂತ ಮನರಂಜನಾತ್ಮಕವಾದ ಚಿತ್ರವಾಗಿದೆ ಎಂದು ಬರೆದುಕೊಂಡಿದ್ದಾರೆ.
2nd ಹಾಫ್ ಬೋರಿಂಗ್
ಜೋಸೆಫ್ ಆಂಡ್ರ್ಯೂ ಎಂಬುವವರು ಟ್ವೀಟ್ ಮಾಡಿದ್ದು ಜೈಲರ್ ಸಿನಿಮಾಕ್ಕೆ ಜೈಲರ್ 2 ಪರ್ಫೆಕ್ಟ್ ಸೀಕ್ವೆಲ್. ಸಿನಿಮಾಕ್ಕೆ ಸೂಪರ್ ಸ್ಟಾರ್ ಮತ್ತು ಅನಿರುದ್ಧ್ ಅತಿ ದೊಡ್ಡ ಆಧಾರಸ್ತಂಭಗಳು. ಹಾಸ್ಯ ಪ್ರಧಾನ ಪಾತ್ರಗಳು ಅದ್ಭುತವಾಗಿವೆ. ಮೊದಲಾರ್ಧ ಅದ್ಭುತ ಮತ್ತು ಮಧ್ಯಂತರ ಭಾಗ ಚೆನ್ನಾಗಿಲ್ಲ. ಆಕ್ಷನ್ ಸೀಕ್ವೆನ್ಸ್‌ಗಳು ಚೆನ್ನಾಗಿದೆ,. ಯಾವುದೇ ಪಾತ್ರದ ಬಗ್ಗೆ ವಿವರಣೆ ಕಾಣೆಯಾಗಿದೆ ಎನಿಸುತ್ತದೆ. 3.75/5 ನೀಡಬಹುದು ಎಂದು ಬರೆದುಕೊಂಡಿದ್ದಾರೆ.
ಜೈಲರ್ ಬೆಸ್ಟ್
ಮೊದಲಾರ್ಧ ಸಿನಿಮಾ ಮೂರ್ತಿ ಬಿಜಿಎಂ, ಕಾಮಿಡಿ, ಆಕ್ಷನ್ ಗೂಸ್‌ಬಂಪ್ಸ್ ನೀಡುತ್ತದೆ. ಇಂಟರ್ವೆಲ್ ಓಕೆ, ನಿರೀಕ್ಷಿಸಿದ ಮಟ್ಟಕ್ಕಿಲ್ಲ. ಜೈಲರ್ ಟ್ರಾನ್ಸ್‌ಫರ್ಮೇಷನ್ ಸೀನ್ ನಂತರ ಸ್ವಲ್ಪ ಕಥೆ ಬೇರೆ ಕಡೆಗೆ ಸಾಗುತ್ತದೆ. ಆದರೆ ಸೆಂಟಿಮೆಂಟ್ ದೃಶ್ಯಗಳು ಕುಟುಂಬದವರಿಗೆ ಚೆನ್ನಾಗಿ ಕನೆಕ್ಟ್ ಆಗುತ್ತದೆ. ಬಿಜಿಎಂ ಜೈಲರ್ 1ರ ಹಾಗೆಯೇ ಇದೆ, ಹೊಸದೇನೂ ಇಲ್ಲ. ಆದರೆ 1ನೇ ಭಾಗವೇ ಬೆಸ್ಟ್ ಎಂದು ಮತ್ತೊಬ್ಬ ನೆಟ್ಟಿಗ ಬರೆದುಕೊಂಡಿದ್ದಾರೆ.
2023ರ ಬ್ಲಾಕ್‌ಬಸ್ಟರ್ 'ಜೈಲರ್' ಚಿತ್ರದ ಮುಂದುವರಿದ ಭಾಗವಾಗಿರುವ ಇದರಲ್ಲಿ, ರಮ್ಯಾ ಕೃಷ್ಣನ್, ಯೋಗಿ ಬಾಬು ಮತ್ತು ಮಿರ್ನಾ ಹಿಂದಿನ ಪಾತ್ರಗಳಲ್ಲಿ ಮುಂದುವರಿದಿದ್ದಾರೆ. ಇವರೊಂದಿಗೆ ವಿದ್ಯಾ ಬಾಲನ್, ಎಸ್‌ಜೆ ಸೂರ್ಯ, ಮಿಥುನ್ ಚಕ್ರವರ್ತಿ ಮತ್ತು ಸೂರಜ್ ವೆಂಜರಮೂಡು ಕೂಡ ತಾರಾಗಣದಲ್ಲಿದ್ದಾರೆ. ಜೊತೆಗೆ ಮೋಹನ್‌ಲಾಲ್ ಮತ್ತು ಶಿವರಾಜ್‌ಕುಮಾರ್ ಕೂಡ ಸೀಕ್ವೆಲ್ನಲ್ಲಿ ನಟಿಸಿದ್ದಾರೆ, (ಏಜೆನ್ಸೀಸ್).
