ಸಮಾಜ ಸೇವೆ ಮಾಡ್ತಿದ್ದ ಉತ್ತಮ ಮಾನವ
'ನಾನಾ ಪಾಟೇಕರ್ ಅವರು ಸಿನಿಮಾಕ್ಕೆ ಮಾತ್ರ ಸೀಮಿತರಾಗಿರಲಿಲ್ಲ. 'ನಾನಾ ಪಾಟೇಕರ್ ಫೌಂಡೇಶನ್' ಮೂಲಕ ಅವರು ಸಮಾಜ ಸೇವೆಯಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದರು. ಗೋವಾದಲ್ಲಿ ತಮ್ಮ ಸಾಮಾಜಿಕ ಕಾರ್ಯಗಳನ್ನು ಮತ್ತಷ್ಟು ವಿಸ್ತರಿಸಲು ಯೋಚಿಸುತ್ತಿದ್ದರು. ಅವರು ನಮ್ಮನ್ನು ಅಗಲಿದ್ದು ತುಂಬಾ ದುಃಖಕರ' ಎಂದು ನುಡಿದರು ಗೋವಾ ಸಿಎಂ.
'ಕಳೆದ ಕೆಲವು ದಿನದ ಹಿಂದೆ ಕೊಂಕಣಿ ಕಲಾವಿದರೊಂದಿಗೆ ನಾನಾ ಪಾಟೇಕರ್ ನೃತ್ಯ ಮಾಡಿದ್ದನ್ನು ನೋಡಿದೆ. ನಾನಾ ಪಾಟೆಕರ್ ಅವರ ಕೊಡುಗೆಯನ್ನು ಕೇವಲ ಬಾಲಿವುಡ್‌ಗೆ ಸೀಮಿತಗೊಳಿಸಲು ಸಾಧ್ಯವಿಲ್ಲ ಮರಾಠಿ ಚಿತ್ರರಂಗಕ್ಕೆ, ಅದರಲ್ಲೂ ವಿಶೇಷವಾಗಿ 'ನಟಸಾಮ್ರಾಟ್' ಚಿತ್ರದಲ್ಲಿನ ಅವರ ಅಭಿನಯ ಎಂದಿಗೂ ಮರೆಯಲಾಗದ್ದು' ಎಂದು ನೆನಪಿಸಿಕೊಂಡರು.
'ಗೋವಾವು ನಾನಾ ಪಾಟೆಕರ್ ಅವರನ್ನು ಒಬ್ಬ ಮಹಾನ್ ನಟನಾಗಿ ಮಾತ್ರವಲ್ಲದೆ, ಅತ್ಯುತ್ತಮ ಮಾನವನಾಗಿ ಮತ್ತು ಸಮಾಜ ಸೇವಕನಾಗಿ ಸದಾ ನೆನಪಿನಲ್ಲಿಡಲಿದೆ ಎಂದು ಸಿಎಂ ಪ್ರಮೋದ್ ಸಾವಂತ್ ಅಭಿಪ್ರಾಯಪಟ್ಟಿದ್ದಾರೆ. ನಾನಾ ಪಾಟೇಕರ್ ಎಂದೆಂದಿಗೂ ಗೋವಾದ ಜನರ ಮನಸಿನಲ್ಲಿ ಇರುತ್ತಾರೆ' ಎಂದು ಹೇಳಿದರು.
ಎಕ್ಸನಲ್ಲಿ ಪೋಸ್ಟ್
ಹಿರಿಯ ನಟ ನಾನಾ ಪಾಟೇಕರ್ ಅವರ ನಿಧನದ ಸುದ್ದಿ ತಿಳಿದು ಆಘಾತ, ತೀವ್ರ ದುಃಖವನ್ನು ಹೊತ್ತು ತಂದಿದೆ. ರಂಗಭೂಮಿ, ಹಿಂದಿ ಮತ್ತು ಮರಾಠಿ ಚಿತ್ರರಂಗದಾದ್ಯಂತ ಅವರ ಗಮನಾರ್ಹ ಪಯಣ, ಅವರ ಶಕ್ತಿಶಾಲಿ ಅಭಿನಯ ಮತ್ತು ವಿಶಿಷ್ಟ ಕಲಾವೈಭವವು ಭಾರತೀಯ ಚಿತ್ರರಂಗದ ಮೇಲೆ ಅಳಿಸಲಾಗದ ಮುದ್ರೆಯನ್ನು ಮೂಡಿಸಿದೆ. ಅವರ ಕುಟುಂಬಸ್ಥರಿಗೆ ಈ ದುಃಖವನ್ನು ಭರಿಸುವ ಶಕ್ತಿಯನ್ನು ನೀಡಲಿ ಎಂದು ಗೋವಾ ಸಿಎಂ ಪ್ರಮೋದ್ ಸಾವಂತ್ ಎಕ್ಸ್ನಲ್ಲಿ ಬರೆದುಕೊಂಡಿದ್ದಾರೆ, (ಏಜೆನ್ಸೀಸ್).
