ಯಾರ್ಯಾರು ರಾಕ್ಷಸರು-ಗಂಧರ್ವರು
ರಾಕ್ಷಸರ ವೇಷಧಾರಿಗಳು ಹಾಗೂ ಗಂಧರ್ವರ ವೇಷಧಾರಿಗಳ ನಡುವಿನ ಈ ಕದನವು ಮನೆಯ ವಾತಾವರಣವನ್ನು ಸಂಪೂರ್ಣವಾಗಿ ಬದಲಾಯಿಸಿದೆ. ರಾಕ್ಷಸರ ತಂಡದಲ್ಲಿ ಮಂಜು, ಗಗನ್, ಸಂಗೀತ, ಜಗ್ಗಿ, ಪ್ರಶಾಂತ್ , ಮತ್ತು ಸೌಂದರ್ಯ ಇದ್ದರೆ, ಗಂಧರ್ವರ ತಂಡದಲ್ಲಿ ಧನುಷ್ , ತಾಂಡವ್, ಯಶಸ್, ಕಾವ್ಯ, ಕಿರಣ್, ಸೋನಿಕಾ ಹಾಗೂ ಗಾನವಿ ಇದ್ದಾರೆ.
ಪ್ರೋಮೋದಲ್ಲಿ ಏನಿದೆ?
ರಿಲೀಸ್ ಆಗಿರುವ ಪ್ರೋಮೋದಲ್ಲಿ ಈಗಾಗಲೇ ಮಂಜ ಮನೆ ಮಂದಿಗೆ ಕ್ವಾಟ್ಲೆ ಕೊಟ್ಟಿರುವುದು ಪ್ರೊಮೋದಲ್ಲಿದೆ. ಅಲ್ಲದೇ ಬೆಡ್ ರೂಮ್ನಲ್ಲಿ ಎಲ್ಲರ ಬಟ್ಟೆಯನ್ನು ಮಂಜ ಚೆಲ್ಲಾಪಿಲ್ಲಿ ಮಾಡಿದ್ದಾರೆ. ಕಾವ್ಯಾ ಅವರಿಗೆ ವೈಟ್ ಸ್ನೋ ಲೋಷನ್ ಅನ್ನು ತಲೆಗೆ ಹಾಕಿರುವುದು. ಜಗದೀಶ್ ಅವರು ತಾಂಡವ್ ಅವರನ್ನು ಕಾಲಿಗೆ ಬಿದ್ದು ನಮಸ್ಕರಿಸುವಂತೆ ಆರ್ಡರ್ ಮಾಡಿರುವುದು ಪ್ರೋಮೋದಲ್ಲಿ ಇದೆ. ಈ ಹಿಂದೆ ಇದ್ದಂತೆ ರಾಕ್ಷಸರು ಮತ್ತೆ ಗಂಧರ್ವರಾಗುತ್ತಾರೆ. ಗಂಧರ್ವರು ರಾಕ್ಷಸರಾಗುವ ಅದಲು ಬದಲು ಇರುತ್ತದೆ. ಈ ವಾರ ಪೂರ್ತಿ ಈ ಟಾಸ್ಕ್ ಇರಲಿದ್ದು, ಏನೆಲ್ಲ ಸಮಸ್ಯೆಯಾಗಲಿದೆ. ಎಷ್ಟೆಲ್ಲ ರಾಧಾಂತ ಮಾಡಿಕೊಳ್ಳುತ್ತಾರೆ ಎನ್ನುವುದನ್ನು ಕಾದು ನೋಡಬೇಕಾಗಿದೆ.
ಪ್ರಬಲ ಸ್ಪರ್ಧಿಗಳು ನಾಮಿನೇಷನ್ ಪಟ್ಟಿಯಲ್ಲಿ
'ಬಿಗ್ ಬಾಸ್ ಕನ್ನಡ ಮನೆಯಲ್ಲಿ ಎಲಿಮಿನೇಷನ್ ಪ್ರಕ್ರಿಯೆ ಬಿರುಸುಗೊಂಡಿದ್ದು, ಈ ವಾರದ ನಾಮಿನೇಷನ್ ಪಟ್ಟಿ ಹೊರಬಿದ್ದಿದೆ. ಮಂಜುನಾಥ್ ಗಗನ್, ಗಾನವಿ, ಧನುಷ್, ಸೋನಿಕಾ, ತಾಂಡವ್, ರಾಮ್, ಯಶಸ್ ನಾಮಿನೇಷನ್ ಪಟ್ಟಿಯಲ್ಲಿದ್ದಾರೆ, (ಏಜೆನ್ಸೀಸ್).
