2025ರಲ್ಲಿ ಕಾಲಿವುಡ್​ಗೆ ಭರ್ಜರಿ ಲಾಭ! ಸ್ಟಾರ್​ ನಟರ ಚಿತ್ರಗಳಿಗಿಂತ ಹೊಸಬರ ಸಿನಿಮಾಗಳೇ ಸೂಪರ್​ಹಿಟ್, ಇಲ್ಲಿದೆ ವಿವರ

ತಮಿಳುನಾಡು: 2026ಕ್ಕೆ ದಿನಗಣನೆ ಆರಂಭವಾಗಿದ್ದು, 2025ರಲ್ಲಿ ಏನೆಲ್ಲ ನಡೆದಿದೆ? ಸಿಹಿ-ಕಹಿ ಘಟನೆ, ಕ್ಷಣಗಳನ್ನು ಜನರು ಮೆಲಕು ಹಾಕುತ್ತಿದ್ದಾರೆ. ಈ ಪೈಕಿ ಭಾರತೀಯ ಚಿತ್ರೋದ್ಯಮದಿಂದ ಹಲವಾರು ಸಿನಿಮಾಗಳು ಸೂಪರ್​ಹಿಟ್​ ಹಾಗೂ ಬಾಕ್ಸ್ ಆಫೀಸ್​ನಲ್ಲಿ ಮಿಂಚಿದರೆ, ಬಹುತೇಕ ಚಿತ್ರಗಳು ಹೀನಾಯ ಸೋಲಿನಿಂದ ಫ್ಲಾಪ್​ ಸಾಲಿಗೆ ಸೇರಿವೆ. ಇತರೆ ಚಿತ್ರರಂಗಗಳಿಗೆ ಹೋಲಿಸಿದರೆ, ಕಾಲಿವುಡ್​ ಈ ವರ್ಷ ಬಾಕ್ಸ್ ಆಫೀಸ್​ನಲ್ಲಿ ಉತ್ತಮ ಲಾಭವನ್ನೇ ಕಂಡಿದೆ.

ಸುಮಾರು 35 ಕೋಟಿ ರೂ. ಬಜೆಟ್‌ನಲ್ಲಿ ನಿರ್ಮಿಸಲಾದ ಈ ಎರಡು ಸಿನಿಮಾಗಳು 100ಕ್ಕೂ ಹೆಚ್ಚು ಕೋಟಿ ರೂ. ಲಾಭ ಪಡೆದಿವೆ ಎಂದು ಸಿನಿ ಮೂಲಗಳು ತಿಳಿಸಿವೆ. ಇದರೊಟ್ಟಿಗೆ ವಿಶಾಲ್ ನಟನೆಯ 'ಮದಗಜರಾಜ', ಧ್ರುವ ವಿಕ್ರಮ್ ಅವರ 'ಬೈಸನ್', 'ವೀರ ಧೀರ ಸೂರನ್', 'ಕುಡುಂಬಸ್ತಾನ್', 'ತಲೈವನ್ ತಲೈವಿ' ಸೇರಿದಂತೆ ಮುಂತಾದ ಸಿನಿಮಾಗಳು ನಿರ್ಮಾಪಕರಿಗೆ ಲಾಭ ತಂದುಕೊಡುವಲ್ಲಿ ಮೋಸ ಮಾಡಲಿಲ್ಲ. 

ಇನ್ನು ಸಣ್ಣ ಬಜೆಟ್​ನಲ್ಲಿ, ಸದ್ದಿಲ್ಲದೇ ಚಿತ್ರಮಂದಿರಗಳಲ್ಲಿ ತೆರೆಕಂಡ 'ಪೆರಾಸು', 'ಡಿಎನ್ಎ', 'ಆನ್ ಪಾವಂ ಪಲ್ಲಪೋತು', 'ಮಾಮನ್' ಮತ್ತು '3BHK' ಸಿನಿಮಾಗಳು ಉತ್ತಮ ಪ್ರತಿಕ್ರಿಯೆ ಪಡೆದು, ಲಾಭ ಗಳಿಸುವಲ್ಲಿ ಯಶಸ್ವಿಯಾಗಿವೆ. ಈ ಚಿತ್ರಗಳು ಕೇವಲ ಥಿಯೇಟರ್​ಗಳಲ್ಲಿ ಮಾತ್ರವಲ್ಲ, ಒಟಿಟಿಯಲ್ಲೂ ಸದ್ದು ಮಾಡಿವೆ. ಬಿಗ್ ಬಜೆಟ್​ ಹಾಗೂ ಸ್ಟಾರ್​ ನಟರ ಚಿತ್ರಗಳಿಗಿಂತ ಹೊಸಬರ ಹಾಗೂ ಲೋ ಬಜೆಟ್​ ಸಿನಿಮಾಗಳು ಈ ವರ್ಷ ಕಮಾಲ್ ಮಾಡುವಲ್ಲಿ ಯಶಸ್ವಿಯಾಗಿವೆ,(ಏಜೆನ್ಸೀಸ್).