Bigg Boss Kannada Season 13: ಜನರ ಅಚ್ಚುಮೆಚ್ಚಿನ ಸ್ಪರ್ಧಿಯಾಗಿದ್ದ ತಾಂಡವ್ ರಾಮ್ ಬಿಗ್ಬಾಸ್ ಕನ್ನಡ ಸೀಸನ್ 13ರಿಂದ ಎಮರ್ಜೆನ್ಸಿ ಎಕ್ಸಿಟ್ ಮೂಲಕ ಎಲಿಮಿನೇಟ್ ಆಗಿದ್ದರು. ಸದ್ಯ ಎಲ್ಲರಲ್ಲಿ ಮನೆ ಮಾಡಿರುವ ಪ್ರಶ್ನೆ, ಗೊಂದಲ ಎಂದರೆ ತಾಂಡವ್ ರಾಮ್ ವಾಪಸ್ ದೊಡ್ಮನೆಗೆ ಬರ್ತಾರಾ ಎನ್ನುವುದು. ಇದಕ್ಕೆ ಪೂರಕವಾಗಿ ಇಂದು ರಿಲೀಸ್ ಆಗಿರುವ ಪ್ರೊಮೋ ಮತ್ತಷ್ಟು ಹಿಂಟ್ಗಳ ಹುಳವನ್ನು ವೀಕ್ಷಕರ ತಲೆಯಲ್ಲಿ ಬಿಟ್ಟಂತಾಗಿದೆ.
ತಾಂಡವ್ ವಾಪಸ್?
ಹೌದು, 'ತಾಂಡವ್ ಅವರ ವಾಪಸಾತಿ ಕುರಿತು ಪ್ರೇಕ್ಷಕರಲ್ಲಿ ಭಾರೀ ಕುತೂಹಲ ಮೂಡಿದೆ. ಆ ಬಗ್ಗೆ ಕಿಚ್ಚ ಸುದೀಪ್ ಕೊಟ್ಟ ಸುಳಿವು ಹೀಗಿದೆ, ಒಂದು ಮನೆಗೆ ಟೈಂ ಪೀಸ್ ಇದ್ದಂತೆ. ಅದು ಮನೆಯಲ್ಲಿರುವ ತನಕ ಅದರ ಉಪಸ್ಥಿತಿ ಸಹ ಎನಿಸುತ್ತದೆ. ಆದರೆ ಅದು ನಿಂತು ಹೋದರೆ ಎಲ್ಲರ ಗಮನ ಅದರತ್ತ ತಿರುಗುತ್ತದೆ' ಎಂದು ತಾಂಡವ್ ರಾಮ್ ಅವರ ನಿರ್ಗಮನವು ಎಷ್ಟರ ಮಟ್ಟಕ್ಕೆ ಸದ್ದಾಗಿತ್ತು, ಸ್ಪರ್ಧಿಗಳಲ್ಲಿ ಉಂಟಾದ ಬೇಸರ ಬಗ್ಗೆ ಪರೋಕ್ಷವಾಗಿ ಮಾತನಾಡಿದ್ದಾರೆ,.
ಮುಂದುವರೆದು ಮಾತನಾಡಿದ ಅವರು, 'ನಿಂತು ಹೋಗಿರುವ ವಾಚ್ಗೆ ಮತ್ತೆ ಜೀವ ಬರುತ್ತಾ ಅಥವಾ ಗೋಡೆಯಿಂದ ಶಾಶ್ವತವಾಗಿ ತೆಗೆದು ಹಾಕುವ ಸಮಯ ಬಂದಿದೆಯಾ' ಎನ್ನುವ ಮಾತುಗಳನ್ನು ಸುದೀಪ್ ಆಡಿದ್ದಾರೆ. ಕಾವ್ಯಾತ್ಮಕವಾಗಿ ಕಿಚ್ಚ ಸುದೀಪ್ ಕೊಟ್ಟ ಸುಳಿವು ಮತ್ತಷ್ಟು ಗೊಂದಲವನ್ನು ವೀಕ್ಷಕರಲ್ಲಿ ಹುಟ್ಟಿಸಿದೆ. ಕಿಚ್ಚ ಸುದೀಪ್ ಅವರು ನೀಡಿರುವ ಸುಳಿವುಗಳ ಪ್ರಕಾರ ತಾಂಡವ್ ಮತ್ತೆ ವಾಪಸ್ ಬರ್ತಾರಾ ಅಥವಾ ಇಲ್ಲವೇ ಎಂಬ ಪ್ರಶ್ನೆ ಮೂಡಿದೆ.
ತಾಂಡವ್ ಅವರು ವೈಲ್ಡ್ ಕಾರ್ಡ್ ಸ್ಪರ್ಧಿಗಳ ಮೂಲಕ ವಾಪಸ್ ಆಗ್ತಾರ ಎನ್ನುವ ಅನುಮಾನ ಮೂಡಿದೆ. ಸುದೀಪ್ ಅವರು ಕೊಟ್ಟಿರುವ ಸುಳಿವಿನ ಪ್ರಕಾರ ತಾಂಡವ್ ವಾಪಸ್ ಬರುತ್ತಾರಾ? ಅಥವಾ ಹೊರಗುಳಿಯುತ್ತಾರಾ ಎನ್ನುವುದನ್ನು ವಾರದ ಪೂರ್ಣ ಎಪಿಸೋಡ್ ಅನ್ನು ಕಾದು ನೋಡಬೇಕಾಗಿದೆ
