Bethlehem Kudumba Unit : ವಿಶ್ವನಾಥ್ ಆಂಡ್ ಸನ್ಸ್ ಸಿನಿಮಾದ ನಂತ್ರ ಸಿನಿ ಪ್ರೇಮಿಗಳು ಹೆಚ್ಚು ಕಾದಿದ್ದು ಬೆತ್ಲಹೇಮ್ ಕುಟುಂಬಂ ಯೂನಿಟ್ ಚಿತ್ರಕ್ಕಾಗಿ. ಮಮಿತಾ ಬೈಜು ನಟನೆಯ ಈ ಸಿನಿಮಾ ಎಂದು ಒಟಿಟಿಗೆ ರಿಲೀಸ್ ಆಗುತ್ತೆ ಎಂದು ಕಾತರದಿಂದ ಕಾಯುತ್ತಿದ್ದವರ ಕುತೂಹಲಕ್ಕೆ ಬ್ರೇಕ್ ಬಿದ್ದಿದೆ.
ಅ.2ರಂದು ಒಟಿಟಿಗೆ
ಹೌದು, ಇದೇ ವಾರ ಗಾಂಧಿ ಜಯಂತಿ ದಿನದಂದು, ಅಂದರೆ ಅ.2ರಂದು ಬೆತ್ಲಹೇಮ್ ಕುಟುಂಬಂ ಯೂನಿಟ್ ಸಿನಿಮಾ ಜಿಯೋಹಾಟ್ಸ್ಟಾರ್ನಲ್ಲಿ ರಿಲೀಸ್ ಆಗಲಿದೆ ಎಂದು ಎಕ್ಸ್ನಲ್ಲಿ ಮಾಹಿತಿ ಹಂಚಿಕೊಳ್ಳಲಾಗಿದೆ.
ಮಾಲಿವುಡ್ ಸಿನಿಮಾರಂಗದಲ್ಲಿ ಹೆಚ್ಚು ಸದ್ದು ಮಾಡಿದ ಬ್ಲಾಕ್ ಬ್ಲಸ್ಟರ್ ಸಿನಿಮಾ ಬೆತ್ಲಹೇಮ್ ಕುಟುಂಬಂ ಯೂನಿಟ್ ಯಶಸ್ವಿ ಪ್ರದರ್ಶನ ಕಂಡಿದೆ. ಇದರ ಒಟಿಟಿ ಸ್ಟ್ರೀಮಿಂಗ್ ಹಕ್ಕನ್ನು ಜಿಯೋ ಹಾಟ್ಸ್ಟಾರ್ ಪಡೆದುಕೊಂಡಿದೆ.
ಎಷ್ಟು ಗಳಿಕೆ?
ಆಗಸ್ಟ್21ರಂದು ಗಿರೀಶ್ ಎ.ಡಿ. ಆಕ್ಷನ್ ಕಟ್ ಹೇಳಿರುವ, ನಿವಿನ್ ಪೌಲಿ ಮತ್ತು ಮಮಿತಾ ಬೈಜು ಅಭಿನಯದ ಬೆತ್ಲಹೇಮ್ ಕುಟುಂಬಂ ಯೂನಿಟ್ ರಿಲೀಸ್ ಆಗಿತ್ತು. ಸೆಪ್ಟೆಂಬರ್ 4 ರಂದು ಚಿತ್ರಮಂದಿರಗಳಿಗೆ ತಮಿಳು ಮತ್ತು ತೆಲುಗು ಡಬ್ಬಿಂಗ್ ಆವೃತ್ತಿಗಳು ಬಂದವು. ಈ ಸಿನಿಮಾ ವಿಶ್ವಾದ್ಯಂತ 300 ಕೋಟಿ ರೂ.ಗೂ ಹೆಚ್ಚು ಗಳಿಕೆ ಕಂಡಿದೆ. ಇದು ವಿಶ್ವಾದ್ಯಂತ ಅತಿ ಹೆಚ್ಚು ಗಳಿಕೆಯ ಮಲಯಾಳಂ ಚಿತ್ರವಾಗಿ ಹೊರ ಹೊಮ್ಮಿದೆ.
