Kangana Ranaut | ರಾಹುಲ್​ ಗಾಂಧಿಗೆ ಯಾವುದೇ ಸತ್ವ ಮತ್ತು ಚಾರಿತ್ರ್ಯವಿಲ್ಲ; ಕಂಗನಾ ರನೌತ್ ವಿವಾದಾತ್ಮಕ ಹೇಳಿಕೆ

ಈ ಬಗ್ಗೆ ನವದೆಹಲಿಯಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ರನೌತ್, ನಾನು ಅವರ ಪ್ರವಾಸಗಳ ಬಗ್ಗೆ ನಿಗಾ ಇಡುವುದಿಲ್ಲ. ಅಲ್ಲದೆ, ಅವರ ಬಗ್ಗೆ ಯಾವುದೇ ಸುದ್ದಿಗಳನ್ನು ಓದುವುದಿಲ್ಲ. ಹಾಗಾದರೆ, ರಾಹುಲ್​ ಪ್ರವಾಸಗಳ ಬಗ್ಗೆ ನಾನು ಏನು ಹೇಳಬಲ್ಲೆ? ಆದರೆ ಅವರ ಪಕ್ಷವು ಒಂದೇ ಅಂಕೆಗೆ ಏಕೆ ಕುಸಿದಿದೆ ಎಂಬುದು ಎಲ್ಲರಿಗೂ ಸ್ಪಷ್ಟವಾಗಿದೆ ಎಂದು ಕಿಡಿಕಾರಿದ್ದಾರೆ.

ರಾಹುಲ್​ ವಿದೇಶಿ ಪ್ರವಾಸದ ಬಗ್ಗೆ ಎಕ್ಸ್​ನಲ್ಲಿ ಪೋಸ್ಟ್ ಮಾಡಿರುವ ಬಿಜೆಪಿ ವಕ್ತಾರ ಶೆಹಜಾದ್ ಪೂನವಾಲಾ, ಗಾಂಧಿ ಮತ್ತೊಮ್ಮೆ ಮಾಡಬಹುದಾದ ಅತ್ಯುತ್ತಮ ಕೆಲಸವನ್ನು ಮಾಡುತ್ತಿದ್ದಾರೆ. ಅಲ್ಲದೆ, ಚಳಿಗಾಲದ ಅಧಿವೇಶನ ಡಿಸೆಂಬರ್ 19 ರವರೆಗೆ ಮುಂದುವರಿಯುತ್ತಿದ್ದರೂ ವಿರೋಧ ಪಕ್ಷದ ನಾಯಕರು ದೇಶವನ್ನು ತೊರೆಯುತ್ತಿದ್ದಾರೆ ಎಂದು ಆರೋಪಿಸಿದ್ದಾರೆ.

ಇದನ್ನೂ ಓದಿ: Rahul Gandhi | ರಾಹುಲ್ ಗಾಂಧಿ ಜರ್ಮನಿ ಪ್ರವಾಸ; ವಿದೇಶ್ ನಾಯಕ್ ಮತ್ತೊಂದು ವಿದೇಶ ಪ್ರವಾಸಕ್ಕೆ ಹೋಗುತ್ತಿದ್ದಾರೆ: ಬಿಜೆಪಿ ಅಪಹಾಸ್ಯ

ಮುಂದುವರೆದು ಮಾತನಾಡಿದ ಪೂನವಾಲಾ, ಈ ಸಮಯವನ್ನು ಹಿಂದಿನ ಚುನಾವಣೆಗಳಿಗೆ ಜೋಡಿಸಿದೆ ಬಿಜೆಪಿ, ಬಿಹಾರ ಚುನಾವಣೆಯ ಸಮಯದಲ್ಲಿ ಗಾಂಧಿ ವಿದೇಶದಲ್ಲಿದ್ದರು ಮತ್ತು ನಂತರ ಜಂಗಲ್ ಸಫಾರಿಗೆ ಹೋಗಿದ್ದರು ಎಂದು ಪೂನವಲ್ಲಾ ನೆನಪಿಸಿಕೊಂಡಿದ್ದಾರೆ. ಅಲ್ಲದೆ, ವಿದೇಶ್ ನಾಯಕ್ ಮತ್ತೊಂದು ವಿದೇಶ ಪ್ರವಾಸಕ್ಕೆ ಹೋಗುತ್ತಿದ್ದಾರೆ ಎಂದು ವ್ಯಂಗ್ಯವಾಡಿದ್ದಾರೆ.

ರಾಹುಲ್​ ಚುನಾವಣೆಯಲ್ಲಿ ಸೋತಾಗ, ನಾವು ಚುನಾವಣೆಯಲ್ಲಿ ಏಕೆ ಸೋಲುತ್ತಿದ್ದೇವೆ ಎಂದು ಕೇಳುತ್ತಾರೆ? ಆದರೆ, ಅವರ ಮನಸ್ಸು ಜನರ ಮಧ್ಯದಲ್ಲಿಲ್ಲ. ಅದು ಪ್ರವಾಸ ಮತ್ತು ಪ್ರಯಾಣದಲ್ಲಿ ಮಾತ್ರ ಇದೆ ಎಂದು ಪೂನವಾಲಾ ಕಿಡಿಕಾರಿದ್ದಾರೆ.

ಬಿಜೆಪಿಯ ಟೀಕೆಗೆ ಪ್ರತಿಕ್ರಿಯಿಸಿರುವ ಪ್ರಿಯಾಂಕಾ, ಪ್ರಧಾನಿ ನರೇಂದ್ರ ಮೋದಿ ತಮ್ಮ ಕೆಲಸದ ಸಮಯದ ಅರ್ಧದಷ್ಟು ಭಾಗವನ್ನು ದೇಶದ ಹೊರಗೆ ಕಳೆಯುತ್ತಾರೆ. ಅದರೆ, ವಿರೋಧ ಪಕ್ಷದ ನಾಯಕನ ಭೇಟಿಯನ್ನು ಅವರು ಏಕೆ ಪ್ರಶ್ನಿಸುತ್ತಿದ್ದಾರೆ? ಎಂದು ಬಿಜೆಪಿ ವಿರುದ್ಧ ಹರಿಹಾಯ್ದಿದ್ದಾರೆ.

ಲೋಕಸಭೆಯ ವಿಪಕ್ಷದ ನಾಯಕ ರಾಹುಲ್ ಗಾಂಧಿ ಡಿಸೆಂಬರ್ 15 ರಿಂದ 20 ರವರೆಗೆ ಜರ್ಮನಿಗೆ ಭೇಟಿ ನೀಡಲಿದ್ದಾರೆ ಎಂದು ಐಒಸಿ ಜರ್ಮನಿಯ ಅಧ್ಯಕ್ಷ ಬಲ್ವಿಂದರ್ ಸಿಂಗ್ ಹೇಳಿದ್ದಾರೆ. ಅಲ್ಲದೆ, ಭಾರತದ ಜಾಗತಿಕ ಪಾತ್ರದ ಬಗ್ಗೆ ಚರ್ಚಿಸಲು ಮತ್ತು ಜರ್ಮನ್ ಶಾಸಕರು ಮತ್ತು ವಲಸೆ ಸಮುದಾಯದೊಂದಿಗೆ ವಿನಿಮಯವನ್ನು ಬಲಪಡಿಸಲು ಈ ಸಭೆಗಳು ವೇದಿಕೆಯನ್ನು ಒದಗಿಸುತ್ತವೆ ಎಂದು ಐಒಸಿ ಯುಕೆಯ ವಿಕ್ರಮ್ ದುಹಾನ್ ಹೇಳಿದ್ದಾರೆ,(ಏಜೆನ್ಸೀಸ್).