ಮೂರು ಬಾರಿ ಸತ್ತರೂ ಕಂಡಿದ್ದು ಒಂದೇ ದೃಶ್ಯ! ನಾಸಾದ ಮಾಜಿ ವಿಜ್ಞಾನಿ ಬಿಚ್ಚಿಟ್ಟ ಸಾವಿನ ಆಚೆಯ ರಹಸ್ಯವಿದು... Former NASA Scientist

Former NASA Scientist : ಮೂರು ಬಾರಿ ಸಾವಿನ ದವಡೆಗೆ ಸಿಲುಕಿ, ಪ್ರತಿ ಬಾರಿಯೂ ಪವಾಡಸದೃಶವಾಗಿ ಬದುಕುಳಿದ ನಾಸಾದ ಮಾಜಿ ಸಮುದ್ರ ವಿಜ್ಞಾನಿ (Marine Scientist) ಇಂಗ್ರಿಡ್ ಹೊಂಕಾಲಾ ಅವರ ಜೀವನದ ರೋಚಕ ಅನುಭವಗಳು ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಸಂಚಲನ ಮೂಡಿಸುತ್ತಿವೆ.

ಪ್ರಸ್ತುತ 55 ವರ್ಷದ ಈ ಮಹಿಳಾ ವಿಜ್ಞಾನಿ, ತಾವು ಮೂರು ಬಾರಿ ಪ್ರಾಣ ಕಳೆದುಕೊಂಡು ಮತ್ತೆ ಹೇಗೆ ಜೀವಂತವಾಗಿ ಮರಳಿ ಬಂದೆ ಎಂಬುದನ್ನು ಇತ್ತೀಚಿನ ಸಂದರ್ಶನವೊಂದರಲ್ಲಿ ಬಹಿರಂಗಪಡಿಸಿದ್ದು, ಸಾವಿನ ಆಚೆಯ ಲೋಕದ ಕುರಿತು ಅವರು ಹಂಚಿಕೊಂಡಿರುವ ನೈಜ ಮತ್ತು ರಹಸ್ಯಮಯ ಸಂಗತಿಗಳು ನೆಟ್ಟಿಗರನ್ನು ಆಶ್ಚರ್ಯಚಕಿತರನ್ನಾಗಿಸಿದೆ.

ನಾನು ಮೂರು ಬಾರಿ ಸಾವಿನ ದವಡೆಯಿಂದ ಮರಳಿ ಬಂದಿದ್ದೇನೆ. ಮೊದಲ ಬಾರಿಗೆ ಈ ಘಟನೆ ನಡೆದಾಗ ನನಗೆ ಕೇವಲ ಎರಡು ವರ್ಷ ವಯಸ್ಸು. ಆ ಸಮಯದಲ್ಲಿ ನಾನು ಕೊಲಂಬಿಯಾದ ಬೊಗೋಟಾದಲ್ಲಿ ನನ್ನ ಹೆತ್ತವರೊಂದಿಗೆ ವಾಸಿಸುತ್ತಿದ್ದೆ. ಒಮ್ಮೆ ನಾನು ಮನೆಯಲ್ಲಿದ್ದ ಹಿಮದಂತಹ ತಣ್ಣೀರಿನ ತೊಟ್ಟಿಗೆ ಬಿದ್ದೆ ಮತ್ತು ನನಗೆ ಉಸಿರಾಡಲು ಸಹ ಸಾಧ್ಯವಾಗಲಿಲ್ಲ. ಆರಂಭದಲ್ಲಿ ನನಗೆ ತೀವ್ರ ಭಯವಾಯಿತಾದರೂ, ಆ ಭಯವು ಬಹಳ ಬೇಗನೆ ದೂರವಾಗಿ ನನ್ನಲ್ಲಿ ಹಠಾತ್ ಶಾಂತಿಯ ಭಾವನೆ ಮೂಡಿತು. ಆ ಕ್ಷಣದಲ್ಲಿ ನಾನು ನನ್ನ ದೇಹದ ಸಂಪರ್ಕವನ್ನೇ ಕಳೆದುಕೊಂಡಿದ್ದೆ ಎಂದು ಇಂಗ್ರಿಡ್ ಹೊಂಕಾಲಾ ತಮ್ಮ ಮೊದಲ ಸಾವಿನ ಸಮೀಪದ ಅನುಭವವನ್ನು ಹಂಚಿಕೊಂಡಿದ್ದಾರೆ.

ನಾನು ಮನುಷ್ಯರು ಎಂದಿಗೂ ಅನುಭವಿಸದ ಸಂಪೂರ್ಣ ಭಿನ್ನವಾದ ಪ್ರಜ್ಞಾವಸ್ಥೆಯ ಲೋಕವನ್ನು ಪ್ರವೇಶಿಸಿದಂತೆ ನನಗೆ ಭಾಸವಾಯಿತು. ಅದು ಪ್ರೀತಿ ಮತ್ತು ಶಾಂತಿಯಿಂದ ತುಂಬಿದ್ದ ಒಂದು ಅದ್ಭುತ ಅನುಭವವಾಗಿತ್ತು. ನಾನು ನೀರಿನಲ್ಲಿ ಪ್ರಜ್ಞಾಹೀನಳಾಗಿ ಬಿದ್ದಿದ್ದಾಗಲೂ, ಎಷ್ಟೋ ದೂರದಲ್ಲಿ ನಿಂತಿದ್ದ ನನ್ನ ತಾಯಿಯನ್ನು ನನಗೆ ನೋಡಲು ಸಾಧ್ಯವಾಗುತ್ತಿತ್ತು ಮತ್ತು ಅವರೊಂದಿಗೆ ಯಾವುದೇ ಮಾತುಗಳನ್ನಾಡದೆಯೇ ನಾನು ಸಂವಹನ ನಡೆಸಲು ಶಕ್ತಳಾಗಿದ್ದೆ ಎಂದು ಇಂಗ್ರಿಡ್ ಹೊಂಕಾಲಾ ತಾವು ಅನುಭವಿಸಿದ ಆ ಪವಾಡಸದೃಶ ಕ್ಷಣವನ್ನು ನೆನಪಿಸಿಕೊಂಡಿದ್ದಾರೆ.

ಬಳಿಕ ನನ್ನ ತಾಯಿ ಓಡೋಡಿ ಬಂದು ನನ್ನನ್ನು ಆ ನೀರಿನ ತೊಟ್ಟಿಯಿಂದ ಹೊರಗೆ ತೆಗೆದು ರಕ್ಷಿಸಿದರು. ಇದರ ನಂತರ ಎರಡನೇ ಘಟನೆ ನನ್ನ 25ನೇ ವಯಸ್ಸಿನಲ್ಲಿ ಕಾರು ಅಪಘಾತದ ರೂಪದಲ್ಲಿ ಎದುರಾದರೆ, ಮೂರನೇ ಘಟನೆ 52ನೇ ವಯಸ್ಸಿನಲ್ಲಿ ಶಸ್ತ್ರಚಿಕಿತ್ಸೆಯ ಸಮಯದಲ್ಲಿ ನಡೆಯಿತು. ಈ ಮೂರೂ ಸಂದರ್ಭಗಳಲ್ಲಿ ನನಗೆ ಆದ ಅನುಭವಗಳು ಮೊದಲ ಬಾರಿಯಂತೆಯೇ ಇದ್ದವು. ಅಂದರೆ ಭಯವೆಲ್ಲ ಮಾಯವಾಗಿ, ನಾನು ನನ್ನ ದೇಹದಿಂದ ದೂರ ಸರಿದು ಅತ್ಯಂತ ಶಾಂತವಾದ ಸ್ಥಿತಿಯನ್ನು ತಲುಪಿದಂತೆ ಭಾಸವಾಗುತ್ತಿತ್ತು ಎಂದು ಇಂಗ್ರಿಡ್ ಹೊಂಕಾಲಾ ವಿವರಿಸಿದ್ದಾರೆ, (ಏಜೆನ್ಸೀಸ್​).