ಬೆಂಗಳೂರಲ್ಲಿ ಈ ಬಾರಿ RCB ವಿಜಯೋತ್ಸವ ಮೆರವಣಿಗೆ ಇದೆಯೇ? ಫ್ಯಾನ್ಸ್​​ಗೆ ಫ್ರಾಂಚೈಸಿ ನೀಡಿದ ಸಂದೇಶವೇನು?

2025ರಲ್ಲಿ ಆರ್‌ಸಿಬಿ ತನ್ನ ಮೊದಲ ಐಪಿಎಲ್ ಪ್ರಶಸ್ತಿ ಗೆದ್ದಾಗ ಬೆಂಗಳೂರಿನಲ್ಲಿ ಹಮ್ಮಿಕೊಳ್ಳಲಾಗಿದ್ದ ವಿಜಯೋತ್ಸವ ಮೆರವಣಿಗೆಯ ವೇಳೆ ಕಾಲ್ತುಳಿತ ಸಂಭವಿಸಿ 11 ಅಭಿಮಾನಿಗಳು ದುರದೃಷ್ಟವಶಾತ್ ಪ್ರಾಣ ಕಳೆದುಕೊಂಡಿದ್ದರು. ಈ ಭೀಕರ ಘಟನೆ ಇಡೀ ದೇಶವನ್ನೇ ಬೆಚ್ಚಿಬೀಳಿಸಿತ್ತು. ಈ ಕಹಿ ನೆನಪಿನ ಹಿನ್ನೆಲೆಯಲ್ಲಿ, ಈ ಬಾರಿ ಆರ್‌ಸಿಬಿ ತಂಡವು ಎಂ. ಚಿನ್ನಸ್ವಾಮಿ ಕ್ರೀಡಾಂಗಣಕ್ಕೆ ಮರಳಿ ಸಂಭ್ರಮಾಚರಣೆ ನಡೆಸುವ ಸಾಧ್ಯತೆ ತೀರಾ ವಿರಳವಾಗಿದೆ.

ಇದೇ ವೇಳೆ ಆರ್‌ಸಿಬಿ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ ಆಲ್‌ರೌಂಡರ್ ಕೃಣಾಲ್ ಪಾಂಡ್ಯ ತಮ್ಮ ಐದನೇ ಐಪಿಎಲ್ ಟ್ರೋಫಿ ಗೆದ್ದ ಸಂಭ್ರಮವನ್ನು ಹಂಚಿಕೊಂಡಿದ್ದಾರೆ. "ಪ್ರತಿಯೊಂದು ಐಪಿಎಲ್ ಟ್ರೋಫಿಯೂ ವಿಶೇಷವಾದದ್ದು. ಇದನ್ನು ಹೋಲಿಕೆ ಮಾಡಲು ಸಾಧ್ಯವಿಲ್ಲ. ಇದು ನಮಗೆ ಮಕ್ಕಳಿದ್ದಂತೆ, ಮಕ್ಕಳಲ್ಲಿ ಒಬ್ಬರನ್ನು ಹೆಚ್ಚು ಮತ್ತೊಬ್ಬರನ್ನು ಕಡಿಮೆ ಎಂದು ಹೇಗೆ ಆರಿಸಲು ಸಾಧ್ಯವಿಲ್ಲವೋ, ಐಪಿಎಲ್ ಟ್ರೋಫಿಗಳೂ ಅಷ್ಟೇ. ಏಕೆಂದರೆ ಪ್ರತಿಯೊಂದು ಗೆಲುವಿನ ಹಿಂದೆ ಅಪಾರ ಪರಿಶ್ರಮವಿರುತ್ತದೆ" ಎಂದಿದ್ದಾರೆ. ತಮ್ಮ 11 ವರ್ಷಗಳ ಐಪಿಎಲ್ ವೃತ್ತಿಜೀವನದಲ್ಲಿ 5 ಟ್ರೋಫಿಗಳನ್ನು ಮುಡಿಗೇರಿಸಿಕೊಂಡಿರುವುದಕ್ಕೆ ಅವರು ಕೃತಜ್ಞತೆ ಸಲ್ಲಿಸಿದರು.

ತಂಡದ ಸತತ ಯಶಸ್ಸಿನ ಹಿಂದೆ ಮ್ಯಾನೇಜ್‌ಮೆಂಟ್ ಮತ್ತು ಕೋಚಿಂಗ್ ಸಿಬ್ಬಂದಿಯ ಪಾತ್ರ ದೊಡ್ಡದಿದೆ ಎಂದು ಕೃಣಾಲ್ ಶ್ಲಾಘಿಸಿದರು. "ನಮ್ಮ ಯಶಸ್ಸಿನ ಸಂಪೂರ್ಣ ಶ್ರೇಯಸ್ಸು ಆಂಡಿ ಫ್ಲವರ್, ಮೊ ಬೊಬಾಟ್, ದಿನೇಶ್ ಕಾರ್ತಿಕ್, ಮಾಲೋಲನ್ ಮತ್ತು ಓಂಕಾರ್ ಸಾಳ್ವಿ ಅವರಿಗೆ ಸಲ್ಲಬೇಕು. ಕಳೆದ ವರ್ಷ ಹರಾಜಿಗಿಂತ ಮುನ್ನವೇ ಅವರು ತಂಡದ ಸಮತೋಲನದ ಬಗ್ಗೆ ಅತ್ಯುತ್ತಮವಾಗಿ ಯೋಜನೆ ರೂಪಿಸಿದ್ದರು. ಆ ಯೋಜನೆಯೇ ಇಂದು ನಮ್ಮನ್ನು ಸತತ ಎರಡು ಬಾರಿ ಚಾಂಪಿಯನ್ ಮಾಡಿದೆ" ಎಂದು ಕೃಣಾಲ್ ಪಾಂಡ್ಯ ತಿಳಿಸಿದ್ದಾರೆ,(ಏಜೆನ್ಸೀಸ್​).