ಗಂಡನ ಮಾತು ಕೇಳಿ ಕಣ್ಣೀರಿಟ್ಟ ಪತ್ನಿ: ವೈರಲ್ ಆಗುತ್ತಿದೆ ರಿತೇಶ್-ಜೆನೆಲಿಯಾ ದಂಪತಿಯ ಭಾವುಕ ವಿಡಿಯೋ! Riteish-Genelia

ಮುಂಬೈ: ಬಾಲಿವುಡ್​ನಲ್ಲಿರುವ ಮಾದರಿ ಹಾಗೂ ಎಲ್ಲಾ ಜನರು ಇಷ್ಟ ಪಡುವ ದಂಪತಿಗಳೆಂದರೆ ಅದು, ರಿತೇಶ್- ಜೆನೆಲಿಯಾ (Riteish-Genelia) ಜೋಡಿ. ಈ ಇಬ್ಬರು ಒಬ್ಬರನೊಬ್ಬರು ಇಷ್ಟಪಟ್ಟು, ಮನೆಯವರನ್ನು ಒಪ್ಪಿಸಿ, ಮದುವೆಯಾಗಿ ಈಗ ಇಬ್ಬರು ಮಕ್ಕಳ ಯಶಸ್ವಿ ಪಾಲಕರಾಗಿದ್ದಾರೆ.

ಆದರೆ, ಇತ್ತೀಚೆಗೆ ರತೇಶ್​ ನಟನೆಯ ರಾಜಾ ಶಿವಾಜಿ ಸಿನಿಮಾದ ಟ್ರೇಲರ್​ ಲಾಂಚ್​ ಸಂದರ್ಭದಲ್ಲಿ ಈ ದಂಪತಿಗಳಿಬ್ಬರು ಭಾವುಕರಾದ ಕ್ಷಣ ಕ್ಯಾಮರಾದ ಕಣ್ಣಲ್ಲಿ ಸೆರೆಯಾಗಿದ್ದು, ಈಗ ಈ ವಿಡಿಯೋ ಸೋಷಿಯಲ್​ ಮೀಡಿಯಾನಲ್ಲಿ ಸಖತ್​ ವೈರಲ್​ ಆಗುತ್ತಿದೆ.

ರಾಜಾ ಶಿವಾಜಿ ಸಿನಿಮಾದ ಟ್ರೇಲರ್​ ಲಾಂಚ್​ನಲ್ಲಿ ರಿತೇಶ್​​, ತನ್ನ ತಂಡವನ್ನು ಮತ್ತು ಈ ಸಿನಿಮಾ ನಿರ್ಮಾಣವಾಗುವಾಗ ಎದುರಿಸಿದ ಕಷ್ಟಗಳ ಬಗ್ಗೆ ಮಾತನಾಡಲಾರಂಭಿಸಿದಾಗ, ಪತ್ನಿ ಜೆನೆಲಿಯಾ ಕಣ್ಣಲ್ಲಿ ನೀರನ್ನು ತುಂಬಿಕೊಂಡವು. ನಂತರ ಟಿಶ್ಯೂ ಪೇಪರ್​ನಲ್ಲಿ ಕಣ್ಣನ್ನು ಒರೆಸಿಕೊಂಡು ವೇದಿಕೆ ಮೇಲೆ ನಿಂತುಕೊಂಡರು.

ರಾಜಾ ಶಿವಾಜಿ ಇದು ಈ ವರ್ಷದ ಬಹು ನೀರಿಕ್ಷಿತ ಸಿನಿಮಾಗಳಲ್ಲಿ ಒಂದಾಗಿದ್ದು, ಈ ಚಲನಚಿತ್ರದಲ್ಲಿ ರಿತೇಶ್ ದೇಶ್​ಮುಖ್​​, ಅಭಿಷೇಕ್​ ಬಚ್ಚನ್​, ವಿದ್ಯಾ ಬಾಲನ್​, ಮಹೇಶ್​ ಮಾಂಜ್ರೆಕರ್​ ಮತ್ತು ಜೆನೆಲಿಯಾ ದೇಶ್​ಮುಖ್​ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲ್ಲಿದ್ದಾರೆ.

ಹಾಗೂ ಈ ಸಿನಿಮಾದಲ್ಲಿ ಸಲ್ಮಾನ್​ ಖಾನ್​ ಸಹ ಕಾಣಿಸಿ ಕೊಳ್ಳಲಿದ್ದಾರೆಂದು ಹೇಳಲಾಗುತ್ತಿದ್ದು, ಯಾವ ಪಾತ್ರದಲ್ಲಿ ಭಾಯ್​ಜಾನ್​ ಮಿಂಚಲಿದ್ದಾರೆ ಎಂದು ಇಲ್ಲಿವರೆಗೆ ತಿಳಿದು ಬಂದಿಲ್ಲ. ಈ ಸಿನಿಮಾವು ಮರಾಠರ ಆರಾಧ್ಯ ದೈವ ಛತ್ರಪತಿ ಶಿವಾಜಿ ಮಹಾರಾಜರ ಜೀವನಾಧಾರಿತ ಸಿನಿಮಾವಾಗಲಿದ್ದು, ಇದನ್ನು ಜಿಯೋ ಸ್ಟುಡಿಯಯೋಸ್​ ಮತ್ತು ಮುಂಬೈ ಫಿಲ್ಮ್​ ಕಂಪನಿ ನಿರ್ಮಿಸಿದ್ದಾರೆ.

ಜ್ಯೋತಿ ದೇಶಪಾಂಡೆ ಹಾಗೂ ಜೆನೆಲಿಯಾ ದೇಶ್​ಮುಖ್​ ಈ ಸಿನಿಮಾದ ಸಹ ನಿರ್ಮಾಪಕರಾಗಿ ಕೆಲಸ ಮಾಡಿದ್ದು, ಈ ಚಲನಚಿತ್ರವು ಮಹಾರಾಷ್ಟ್ರ ರಾಜ್ಯ ನಿರ್ಮಾಣ ದಿನವಾದ ಮೇ 1 ರಂದು ಬಿಡುಗಡೆಯಾಗಲು ಸಿದ್ಧವಾಗಿದೆ, (ಏಜನ್ಸೀಸ್​).