ಶಿವನ ಪಾತ್ರದಲ್ಲಿ ರಣವೀರ್​ ಸಿಂಗ್​? ಇದೊಂದು ಸುಳ್ಳು ಸುದ್ದಿ; ಲೇಖಕ ಅಮಿಶ್​ ತ್ರಿಪಾಠಿ ಶಾಕಿಂಗ್​ ಹೇಳಿಕೆ! Amish Tripathi on Ranveer Singh

ಮುಂಬೈ: ಧುರಂಧರ್​ ಸಿನಿಮಾದ ಯಶಸ್ಸಿನ ಬೆನ್ನಲ್ಲೆ ನಟ ರಣವೀರ್ ಸಿಂಗ್​, ಅಮಿಶ್​ ತ್ರಿಪಾಠಿ ಅವರ ಖ್ಯಾತ ಕಾದಂಬರಿಯಾದ ದಿ ಇಮ್ಮಾರ್ಟಲ್ಸ್​ ಆಫ್​ ಮೆಲುಹಾವನ್ನು ಸಿನಿಮಾ ರೂಪಕ್ಕೆ ತಂದು ಶಿವನ ಪಾತ್ರದಲ್ಲಿ ಕಾಣಿಸಿ ಕೊಳ್ಳಲಿದ್ದಾರೆ ಎಂಬ ವದಂತಿ ಎಲ್ಲೆಡೆ ಹಬ್ಬಿತ್ತು.

ಆದರೆ ಈ ವದಂತಿಗಳಿಗೆ ತೆರೆ ಎಳೆದಿರುವ ಲೇಖಕ ಅಮಿಶ್​ ತ್ರಿಪಾಠಿ (Amish Tripathi on Ranveer Singh), ಶಿವನ ಸರಣಿಯ ಪುಸ್ತಕದ ಎಲ್ಲಾ ಹಕ್ಕುಗಳು ಕೇವಲ ನನ್ನ ಬಳಿ ಮಾತ್ರವಿದೆ ನಟ ರಣವೀರ್ ಸಿಂಗ್​ ಯಾವುದನ್ನು ಇಲ್ಲಿವರೆಗೆ ಖರೀದಿ ಮಾಡಿಲ್ಲ ಎಂದು ಸ್ಪಷ್ಟನೆ ನೀಡಿದ್ದಾರೆ.

ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ವರದಿಗಳಿಗೆ ಪ್ರತಿಕ್ರಿಯಿಸಿರುವ ಅಮಿಶ್​ ತ್ರಿಪಾಠಿ, ನಾನು ಕೂಡ ರಣವೀರ್​ ಸಿಂಗ್​ ಅಭಿಮಾನಿ, ನನಗೆ ಅವರ ಮೇಲೆ ಅಪಾರ ಗೌರವವಿದೆ ಆದರೆ, ನನ್ನ ಯಾವುದೇ ಪುಸ್ತಕದ ಹಕ್ಕನ್ನು ಅವರು ಖರೀದಿಸಿಲ್ಲ ಹಾಗೂ ದಿ ಇಮ್ಮಾರ್ಟಲ್ಸ್​ ಆಫ್​ ಮೆಲುಹಾ ಸಿನಿಮಾ ಆಗುತ್ತಿರುವುದು ಸುಳ್ಳೆಂದು ಅವರು ಹೇಳಿದ್ದಾರೆ.

ಕೆಲ ದಿನಗಳ ಹಿಂದೆ ನಟ ರಣವೀರ್​ ಸಿಂಗ್​ ಲೇಖಕ ಅಮಿಶ್​ ತ್ರಿಪಾಠಿ ಅವರಿಂದ ದಿ ಇಮ್ಮಾರ್ಟಲ್ಸ್​ ಆಫ್​ ಮೆಲುಹಾ ಸೇರಿದಂತೆ ಶಿವನ ಸರಣಿಯ ಒಟ್ಟು ಮೂರು ಪುಸ್ತಕಗಳ ಹಕ್ಕನ್ನು 40 ಕೋಟಿ ರೂಪಾಯಿ ನೀಡಿ ಖರೀದಿಸಿದ್ದಾರೆ. ಹಾಗೆಯೇ ತಮ್ಮ ನಿರ್ಮಾನ ಸಂಸ್ಥೆ ಮಾ ಕಸಮ್ ಫಿಲ್ಮ್ಸ್ ಅಡಿಯಲ್ಲಿ ಈ ಸಿನಿಮಾಗಳನ್ನು ನಿರ್ಮಿಸಲಿದ್ದಾರೆ ಎಂದು ಹೇಳಲಾಗುತ್ತಿತ್ತು. ತೆರೆಕಾಣುವ ಸಿನಿಮಾಗಳಲ್ಲಿ ನಟ ರಣವೀರ್​ ಸಿಂಗ್​ ಶಿವನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ಹೇಳಲಾಗುತ್ತಿತ್ತು. 

ಸದ್ಯ ತಂದೆಯಾಗಿರುವ ರಣವೀರ್​ ಮಗು ಹಾಗೂ ಪತ್ನಿಯ ಜೊತೆ ಸಮಯ ಕಳೆಯುತ್ತಿದ್ದು, 2026 ರಲ್ಲಿ ಈ ಸಿನಿಮಾದ ಚಿತ್ರಿಕರಣವನ್ನು ಆರಂಭಿಸಲಿದ್ದು, ಈಗ ಇದು ಬರವಣಿಗೆ ಹಂತದಲ್ಲಿದೆ ಎಂಬ ವದಂತಿ ಬಾಲಿವುಡ್​ನಲ್ಲಿ ಹಬ್ಬಿದೆ, (ಏಜನ್ಸೀಸ್​).