ಢಾಕಾ: ಬ್ಯಾಟಿಂಗ್ ಹಾಗೂ ಬೌಲಿಂಗ್ ಎರಡೂ ವಿಭಾಗದಲ್ಲಿ ಪ್ರಭುತ್ವ ಸಾಧಿಸಿದ ಬಾಂಗ್ಲಾದೇಶ ತಂಡ ಎರಡನೇ ಏಕದಿನ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ ಎದುರು 7 ವಿಕೆಟ್‌ಗಳಿಂದ ಜಯ ಸಾಧಿಸಿತು. ಈ ಗೆಲುವಿನೊಂದಿಗೆ ಆತಿಥೇಯ ಬಾಂಗ್ಲಾದೇಶ ತಂಡ 3 ಪಂದ್ಯಗಳ ಸರಣಿಯನ್ನು 2-0 ಯಿಂದ ಮುನ್ನಡೆ ಸಾಧಿಸಿ ವಶಪಡಿಸಿಕೊಂಡಿತು. ಮೊದಲ ಪಂದ್ಯದಲ್ಲಿ ಬಾಂಗ್ಲಾ ತಂಡ 6 ವಿಕೆಟ್‌ಗಳಿಂದ ಜಯ ದಾಖಲಿಸಿತ್ತು.
ಇದನ್ನೂ ಓದಿ: ಅದ್ದೂರಿ ಸ್ವಾಗತದ ಬಳಿಕ ಅಜಿಂಕ್ಯ ರಹಾನೆ ಕೇಕ್ ಕತ್ತರಿಸಲು ನಿರಾಕರಿಸಿದ್ದು ಯಾಕೆ ಗೊತ್ತೇ?
ಶೇರ್ ಬಾಂಗ್ಲಾ ಸ್ಟೇಡಿಯಂನಲ್ಲಿ ಶುಕ್ರವಾರ ನಡೆದ ಪಂದ್ಯದಲ್ಲಿ ಟಾಸ್ ಜಯಿಸಿ ಮೊದಲು ಬ್ಯಾಟಿಂಗ್ ಮಾಡಿದ ವೆಸ್ಟ್ ಇಂಡೀಸ್ ತಂಡ 43.3 ಓವರ್‌ಗಳಲ್ಲಿ 148 ರನ್‌ಗಳಿಗೆ ಸರ್ವಪತನ ಕಂಡಿತು. ಪ್ರತಿಯಾಗಿ ಬಾಂಗ್ಲಾದೇಶ ತಂಡ 33.2 ಓವರ್‌ಗಳಲ್ಲಿ 3 ವಿಕೆಟ್‌ಗೆ 149 ರನ್‌ಗಳಿಸಿ ಗೆಲುವಿನ ನಗೆ ಬೀರಿತು. 3ನೇ ಹಾಗೂ ಅಂತಿಮ ಏಕದಿನ ಪಂದ್ಯ ಸೋಮವಾರ ನಡೆಯಲಿದೆ.
ಇದನ್ನೂ ಓದಿ: ಥಾಯ್ಲೆಂಡ್ ಓಪನ್ ಬ್ಯಾಡ್ಮಿಂಟನ್‌ನಲ್ಲಿ ಮುಗ್ಗರಿಸಿದ ಪಿವಿ ಸಿಂಧು, ಸಮೀರ್ ವರ್ಮ, ಉಪಾಂತ್ಯಕ್ಕೇರಿದ
ವೆಸ್ಟ್ ಇಂಡೀಸ್: 43.3 ಓವರ್‌ಗಳಲ್ಲಿ 148 (ರೊವ್ಮಾನ್ ಪೊವೆಲ್ 41, ನಿಕೃಮಾ ಬೊನ್ನೆರ್ 20, ಮೆಹಿದಿ ಹಸನ್ ಮಿರ್ಜಾ 25ಕ್ಕೆ 4, ಮುಸ್ತಾಫಿಜರ್ ರಹಮಾನ್ 15ಕ್ಕೆ 2, ಶಕೀಬ್ ಅಲ್ ಹಸನ್ 30ಕ್ಕೆ 2), ಬಾಂಗ್ಲಾದೇಶ: 33.2 ಓವರ್‌ಗಳಲ್ಲಿ 3 ವಿಕೆಟ್‌ಗೆ 149 (ತಮೀಮ್ ಇಕ್ಬಾಲ್ 50, ಶಕೀಬ್ ಅಲ್ ಹಸನ್ 43*, ಲಿಟೊನ್ ದಾಸ್ 22, ಅಕೀಲ್ ಹೊಸೀನ್ 45ಕ್ಕೆ 1, ಜೇಸನ್ ಮೊಹಮದ್ 29ಕ್ಕೆ 1, ರೇಮೊನ್ ರೀಫೆರ್ 18ಕ್ಕೆ 1).
Bangladesh win 🎉
They defeat West Indies by seven wickets to attain an unassailable 2-0 lead in the ODI series 🙌#BANvWI ➡️ https://t.co/dhGAawaGQ6 pic.twitter.com/JP6k57lwre
— ICC (@ICC) January 22, 2021