Amit Shah | ಸ್ವದೇಶಿ ಸಾಫ್ಟ್‌ವೇರ್​ನತ್ತ ಗೃಹ ಸಚಿವ ಅಮಿತ್​ ಷಾ ಒಲವು; ಚಾಣಕ್ಯನ ಸಹಿ ಟ್ರಂಪ್ ಜೊತೆ ಹೋಲಿಕೆ!

Amit Shah: ಅಮೆರಿಕದ ಸುಂಕದ ಒತ್ತಡದ ಹಿನ್ನೆಲೆಯಲ್ಲಿ ಸರ್ಕಾರ ಸ್ವದೇಶಿ ಮಂತ್ರ ಪಟಿಸುತ್ತಿದ್ದು, ಕೇಂದ್ರ ಗೃಹ ಸಚಿವ ಅಮಿತ್ ಷಾ, ಬುಧವಾರ (ಅ 8) ತಮ್ಮ ಹೊಸ ಇಮೇಲ್ ಐಡಿಯನ್ನು ಬಹಿರಂಗಪಡಿಸುವ ಮೂಲಕ ಸ್ವದೇಶಿ ಸಾಫ್ಟ್‌ವೇರ್ ಸೂಟ್ ಜೊಹೊಗೆ ಬದಲಾಯಿಸಿಕೊಂಡ ಇತ್ತೀಚಿನ ವ್ಯಕ್ತಿಯಾಗಿದ್ದಾರೆ. ಷಾ ತಮ್ಮ ಪೋಸ್ಟ್‌ಗೆ ಸಹಿ ಹಾಕಿದ ರೀತಿ ಸದ್ಯ ಎಲ್ಲರ ಗಮನ ಸೆಳೆದಿದ್ದು, ಅದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಶೈಲಿಯನ್ನು ಹೋಲುತ್ತದೆ ಎಂದು ವರದಿಯಾಗಿದೆ.

ಇದನ್ನೂ ಓದಿ:ಆಂಧ್ರಪ್ರದೇಶದ ಪಟಾಕಿ ತಯಾರಿಕಾ ಘಟಕದಲ್ಲಿ ಭಾರಿ ಬೆಂಕಿ ಅವಘಡ; 6 ಮಂದಿ ಸಾವು| Andhra Pradesh

ಅಮಿತ್​ ಷಾ ಪೋಸ್ಟ್​..

ಎಲ್ಲರಿಗೂ ನಮಸ್ಕಾರ, ನಾನು ಜೊಹೊ ಮೇಲ್‌ಗೆ ಬದಲಾಯಿಸಿದ್ದೇನೆ. ನನ್ನ ಇಮೇಲ್ ವಿಳಾಸದಲ್ಲಿನ ಬದಲಾವಣೆಯನ್ನು ಎಲ್ಲರು ದಯವಿಟ್ಟು ಗಮನಿಸಿ. ನನ್ನ ಹೊಸ ಇಮೇಲ್ ವಿಳಾಸ amitshah.bjp@ http://zohomail.in. ಮೇಲ್ ಮೂಲಕ ಭವಿಷ್ಯದ ಪತ್ರವ್ಯವಹಾರಕ್ಕಾಗಿ, ದಯವಿಟ್ಟು ಈ ವಿಳಾಸವನ್ನು ಬಳಸಿ ಎಂದು ಗೃಹ ಸಚಿವರು ಟ್ವೀಟ್ ಮಾಡಿದ್ದಾರೆ. ಈ ವಿಷಯದ ಬಗ್ಗೆ ನಿಮ್ಮ ಗಮನ ಹರಿಸಿದ್ದಕ್ಕಾಗಿ ಧನ್ಯವಾದಗಳು ಎಂದು ಷಾ ಬರೆದಿದ್ದು, ಈ ಶೈಲಿಯು ಟ್ರಂಪ್ ತಮ್ಮ ಪೋಸ್ಟ್‌ಗಳ ಕೊನೆಯಲ್ಲಿ ಅಥವಾ ತಮ್ಮ ಟ್ರೂತ್ ಸೋಶಿಯಲ್ ಪ್ಲಾಟ್‌ಫಾರ್ಮ್‌ನಲ್ಲಿ ಘೋಷಣೆ ಮಾಡುವಾಗ ಬಳಸುವ ಶೈಲಿಯನ್ನು ಹೋಲುತ್ತದೆ. ಇದು ಎಷ್ಟರಮಟ್ಟಿಗೆ ಸುದ್ದಿಯಾಗಿದೆ ಎಂದರೆ, ಈಗ ವೈರಲ್ ಕ್ಯಾಚ್‌ಫ್ರೇಸ್ ಮತ್ತು ಆನ್‌ಲೈನ್‌ನಲ್ಲಿ ಮೀಮ್‌ಗಳಿಗೆ ಪ್ರಮುಖ ವಿಷಯವಾಗಿದೆ.

ಇದನ್ನೂ ಓದಿ:ಬೆಂಗಳೂರಿನ ನಿವಾಸಿಗಳಿಗೆ IMD ಎಚ್ಚರಿಕೆ: ನಗರದಲ್ಲಿಂದು ವ್ಯಾಪಕ ಮಳೆಯಾಗುವ ಸಾಧ್ಯತೆ! Weather report

ಜೊಹೊ ಮೇಲ್ ಅನ್ನು ಭಾರತದ ಜಿಮೇಲ್ ಮತ್ತು ಮೈಕ್ರೋಸಾಫ್ಟ್ ಔಟ್ಲುಕ್ ಗೆ ಪ್ರತಿಸ್ಪರ್ಧಿ ಎಂದು ಬಿಂಬಿಸಲಾಗಿದ್ದು, ಅಮಿತ್​ ಷಾ, ತಮ್ಮ ಎಕ್ಸ್ ಪೋಸ್ಟ್ ಅನ್ನು ಹೇಗೆ ಕೊನೆಗೊಳಿಸಿದರು ಎಂಬುದು ಎಲ್ಲರ ಗಮನ ಸೆಳೆದಿದ್ದು, ಸಾಮಾಜಿಕ ಮಾಧ್ಯಮ ಬಳಕೆದಾರರು ಅದನ್ನು ಟ್ರಂಪ್ ವಿರುದ್ಧದ ವಾಗ್ದಾಳಿಯಂತೆ ನೋಡಿದರು. ಸ್ವದೇಶಿ ಸಾಫ್ಟ್‌ವೇರ್ ಪ್ಲಾಟ್‌ಫಾರ್ಮ್ ಅನ್ನು ಅಳವಡಿಸಿಕೊಂಡಿದ್ದಕ್ಕಾಗಿ ಜೊಹೊ ಸಹ-ಸಂಸ್ಥಾಪಕ ಶ್ರೀಧರ್ ವೆಂಬು ಷಾ ಧನ್ಯವಾದ ಅರ್ಪಿಸಿದರು.

ಈ ಕ್ಷಣವನ್ನು ನಾನು ಜೋಹೊದಲ್ಲಿ 20 ವರ್ಷಗಳಿಗೂ ಹೆಚ್ಚು ಕಾಲ ಕಷ್ಟಪಟ್ಟು ದುಡಿದ ನಮ್ಮ ಶ್ರಮಜೀವಿ ಎಂಜಿನಿಯರ್‌ಗಳಿಗೆ ಅರ್ಪಿಸುತ್ತೇನೆ. ಅವರೆಲ್ಲರೂ ಭಾರತದಲ್ಲಿಯೇ ಇದ್ದು, ಇಷ್ಟು ವರ್ಷಗಳ ಕಾಲ ಕೆಲಸ ಮಾಡಿದ್ದು ಅವರು ನಂಬಿದ್ದರಿಂದಲೇ ಇದು ಸಾಧ್ಯ ಎಂದು ವೆಂಬು ಟ್ವೀಟ್ ಮಾಡಿದ್ದಾರೆ.(ಏಜೆನ್ಸೀಸ್​)

https://www.vijayavani.net/tejashwi-yadav-to-contest-2-seats-in-bihar