ನವದೆಹಲಿ: ಸದ್ಯ ಭಾರತದೊಂದಿಗೆ ನೆರೆ ರಾಷ್ಟ್ರಗಳದ್ದು ಗಡಿ ತಂಟೆ. ಅತ್ತ ಲಡಾಖ್ನಲ್ಲಿ ಚೀನಾ ಸೇನೆಯನ್ನೇ ಜಮಾಸಿದ್ದರೆ, ಇತ್ತ ನೇಪಾಳ ಸಂಸತ್ತಿನಲ್ಲಿ ಭಾರತದ ಭೂಪ್ರದೇಶವನ್ನು ಒಳಗೊಂಡ ನಕ್ಷೆಯನ್ನು ಮಂಡಿಸಲಾಗಿದೆ.
ಈ ಗಡಿ ವಿವಾದಗಳ ನಡುವೆಯೇ, ನೇಪಾಳ ಹಾಗೂ ಭಾರತದ ನಡುವಿನ ನೋ ಮ್ಯಾನ್ಸ್ ಲ್ಯಾಂಡ್ ಅಥವಾ ಅಂತಾರಾಷ್ಟ್ರೀಯ ಗಡಿಯಲ್ಲಿ ಮಹಿಳೆಯೊಬ್ಬಳು ಗಂಡು ಮಗುವಿಗೆ ಜನ್ಮ ನೀಡಿದ್ದಾಳೆ. ಇನ್ನೂ ವಿಶೇಷವೆಂದರೆ, ಈ ಮಗುವಿಗೆ ದಂಪತಿ ‘ಬಾರ್ಡರ್’ ಎಂದು ಹೆಸರಿಟ್ಟಿದ್ದಾರೆ.
ಇದನ್ನೂ ಓದಿ; ಮೋದಿಗೆ ಕೈರುಚಿ ಬಡಿಸೋದು ಮಿಸ್ ಆಯ್ತಲ್ಲಾ ಎಂದು ಪರಿತಪಿಸಿದ ಪ್ರಧಾನಿ
ದಂಪತಿ ಮೂಲತಃ ಉತ್ತರಪ್ರದೇಶದ ಮಹಾರಾಜಾಗಂಜ್ ಜಿಲ್ಲೆಯವರು. ನೇಪಾಳದ ನವಾಲ್ಪಾರಸಿಯಲ್ಲಿರುವ ಇಟ್ಟಿಗೆ ಕಾರ್ಖಾನೆಯಲ್ಲಿ ಕೆಲಸಕ್ಕೆಂದು ತೆರಳಿದ್ದರು. ಆದರೆ, ಲಾಕ್ಡೌನ್ ಕಾರಣದಿಂದಾಗಿ ಕೆಲಸ ಸ್ಥಗಿತವಾಗಿತ್ತು. ಈ ಕಾರಣದಿಂದಾಗಿ ತಮ್ಮೂರಿಗೆ ತೆರಳಲು ಗಡಿ ಭಾಗಕ್ಕೆ ಆಗಮಿಸಿದ್ದರು.
ಪರಿಶೀಲನೆಗಾಗಿ ಗಡಿಯಲ್ಲಿ ನಿಂತಿದ್ದಾಗ ಮಹಿಳೆಗೆ ಹೆರಿಗೆ ನೋವು ಕಾಣಿಸಿಕೊಂಡಿದೆ. ಪತಿ ಲಾಲಾರಾಮ್ ಹಾಗೂ ಸರದಿಯಲ್ಲಿ ನಿಂತಿದ್ದ ಮತ್ತೊಬ್ಬ ಮಹಿಳೆ ಆಕೆಗೆ ಹೆರಿಗೆ ಮಾಡಿಸಿದ್ದಾರೆ. ಬಳಿಕ ಆಕೆಯನ್ನು ನೇಪಾಳದ ನೌತಾನ್ವಾ ಸಮುದಾಯಿಕ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಇದನ್ನೂ ಓದಿ; ಸರ್ಕಾರಿ ನೌಕರರಿಗೆ ಸಂಬಳ ಪಾವತಿಸಲು ಹಣವಿಲ್ಲ; 5,000 ಕೋಟಿ ರೂ. ನೀಡಿ ಎಂದು ಕೇಂದ್ರದ ಮೊರೆ ಹೋದ ಡಿಸಿಎಂ
ತಾಯಿ ಜಮ್ತಾರಾ ಹಾಗೂ ಗಂಡು ಮಗು ಆರೋಗ್ಯದಿಂದ ಇದ್ದಾರೆ ಎಂದು ಆಸ್ಪತ್ರೆ ಸಿಬ್ಬಂದಿ ತಿಳಿಸಿದ್ದಾರೆ. ಇದಲ್ಲದೇ, ಈ ದಂಪತಿಗೆ ಇನ್ನಿಬ್ಬರು ಹೆಣ್ಣುಮಕ್ಕಳು ಹಾಗೂ ಒಬ್ಬ ಪುತ್ರ ಇದ್ದಾನೆ.
ಕರೊನಾ ನಿಗ್ರಹ ಲಸಿಕೆ ಶೇ.99 ಯಶಸ್ವಿ; ಚೀನಿ ಕಂಪನಿ ವಿಶ್ವಾಸ, ಬೀಜಿಂಗ್ ಹೊರವಲಯದಲ್ಲಿ ಬೃಹತ್ ಕಾರ್ಖಾನೆ