‘ಆರ್ಆರ್ಆರ್’ ಚಿತ್ರದಲ್ಲಿ ರಾಮ್ರಣ್ ತೇಜಗೆ ನಾಯಕಿಯಾಗಿ ಅಭಿನಯಿಸಿದ್ದಾರೆ ಆಲಿಯಾ ಭಟ್. ಅದು ಬಿಡುಗಡೆಯಾಗುತ್ತಿದ್ದಂತೆಯೇ, ಹೊಸ ಚಿತ್ರವೊಂದರಲ್ಲಿ ಜೂ. ಎನ್ಟಿಆರ್ಗೆ ಅವರು ನಾಯಕಿಯಾಗಿ ಅಭಿನಯಿಸಲಿದ್ದಾರೆ ಎಂಬ ಸುದ್ದಿ ಇದ್ದೇ ಇತ್ತು. ಈಗ ಆ ಸುದ್ದಿ ಪಕ್ಕಾ ಆಗಿದ್ದು, ಫೆ.7ರಂದು ಚಿತ್ರ ಅಧಿಕೃತವಾಗಿ ಪ್ರಾರಂಭವಾಗಲಿದೆ ಎಂದು ಹೇಳಲಾಗುತ್ತಿದೆ.
ಐದೂವರೆ ವರ್ಷಗಳ ಹಿಂದೆ ‘ಜನತಾ ಗ್ಯಾರೇಜ್’ ಬಿಡುಗಡೆಯಾಗುತ್ತಿದ್ದಂತೆಯೇ, ಜೂ. ಎನ್ಟಿಆರ್ ಅಭಿನಯದಲ್ಲಿ, ಕೊರಟಾಲ ಶಿವ ನಿರ್ದೇಶನದಲ್ಲಿ ಇನ್ನೊಂದು ಚಿತ್ರ ಮೂಡಿಬರುತ್ತದೆ ಎಂದು ಹೇಳಲಾಗಿತ್ತು. ಆದರೆ, ತಾರಕ್ ಆ ಕಡೆ ‘ಆರ್ಆರ್ಆರ್’, ‘ಜೈ ಲವ ಕುಶ’ ಮತ್ತು ‘ಅರವಿಂದ ಸಮೇತ ವೀರ ರಾಘವ’ ಚಿತ್ರಗಳಲ್ಲಿ ತೊಡಗಿಸಿಕೊಂಡರೆ, ಈ ಕಡೆ ‘ಭರತ್ ಅನೇ ನೇನು’ ಮತ್ತು ‘ಆಚಾರ್ಯ’ ಚಿತ್ರಗಳಲ್ಲಿ ಕೊರಟಾಲ ಶಿವ ಬಿಜಿಯಾದರು. ಒಪ್ಪಿಕೊಂಡಿದ್ದ ಕೆಲಸಗಳನ್ನೆಲ್ಲ ಇಬ್ಬರೂ ಮುಗಿಸಿದ್ದು, ಹೊಸ ಚಿತ್ರವೊಂದಕ್ಕೆ ಕೈಜೋಡಿಸಿದ್ದಾರೆ.
‘ಆರ್ಆರ್ಆರ್’ ಚಿತ್ರದ ಸಂದರ್ಭದಲ್ಲೇ, ಈ ಹೊಸ ಚಿತ್ರದ ಕುರಿತು ಮಾತನಾಡಿದ್ದರಂತೆ ಜೂ. ಎನ್ಟಿಆರ್. ಕಥೆ ಮತ್ತು ಪಾತ್ರ ಚೆನ್ನಾಗಿದ್ದು, ಚಿತ್ರದಲ್ಲಿ ನಟಿಸಿದರೆ ಚೆನ್ನಾಗಿರುತ್ತದೆ ಎಂದಿದ್ದರಂತೆ. ಇದಕ್ಕೆ ಆಲಿಯಾ ಸಮ್ಮತಿ ಸೂಚಿಸಿದ್ದು, ಚಿತ್ರದ ನಾಯಕಿಯಾಗಿ ಚಿತ್ರತಂಡಕ್ಕೆ ಸೇರ್ಪಡೆ ಆಗಿದ್ದಾರಂತೆ. ಚಿತ್ರ ಸದ್ಯದಲ್ಲೇ ಪ್ರಾರಂಭವಾದರೂ, ಚಿತ್ರೀಕರಣ ಮಾರ್ಚ್ನಿಂದ ಪ್ರಾರಂಭವಾಗಲಿದೆ.
ಅಮ್ಮನೊಂದಿಗೆ ಜಗಳವಾಡಿ ಮನೆ ಬಿಟ್ಟು ಹೋಗಿದ್ದವ ಬಾವಿಯಲ್ಲಿ ಶವವಾಗಿ ಪತ್ತೆ!
ಮನೆಯಲ್ಲಿ ಸಿಲಿಂಡರ್ ಸ್ಫೋಟ: ಸಹೋದರರಿಬ್ಬರ ಸಾವು, ಇನ್ನು ಮೂವರ ಸ್ಥಿತಿ ಚಿಂತಾಜನಕ..