ಬೆಂಗಳೂರು: ತಾರಾಗಣ ಮತ್ತು ಮೇಕಿಂಗ್ ಮೂಲಕವೇ ಸದ್ದು ಮಾಡುತ್ತಿರುವ ರಾಜಮೌಳಿ ನಿರ್ದೇಶನದ ‘ಆರ್ಆರ್ಆರ್’ ಸಿನಿಮಾ ಇದೀಗ ಮತ್ತೊಂದು ವಿಚಾರಕ್ಕೆ ಸುದ್ದಿಯಲ್ಲಿದೆ. ಅದೇನೆಂದರೆ, ಈ ಸಿನಿಮಾದ ಭಾಗವಾಗಲು ಬಾಲಿವುಡ್ನ ಖ್ಯಾತ ನಟ ಒಪ್ಪಿಗೆ ಸೂಚಿಸಿದ್ದಾರೆ. ಆಮೀರ್ ಖಾನ್ ರಾಜಮೌಳಿಯ ‘ಆರ್ಆರ್ಆರ್’ ಸಿನಿಮಾದಲ್ಲಿರಲಿದ್ದಾರೆ.
ಹಾಗಾದರೆ ಅವರ ಪಾತ್ರ ಎಂಥದ್ದಿರಬಹುದು ಎಂಬ ಪ್ರಶ್ನೆಗೆ ಉತ್ತರ ಸಿಕ್ಕಿದೆ. ಚಿತ್ರದಲ್ಲಿ ಆಮೀರ್ ಎಲ್ಲಿಯೂ ಕಾಣಿಸುವುದಿಲ್ಲ. ಬದಲಿಗೆ ಅವರ ಧ್ವನಿ ಮಾತ್ರ ಕೇಳಿಸಲಿದೆ. ‘ಆರ್ಆರ್ಆರ್’ ಚಿತ್ರದ ಹಿಂದಿ ಅವತರಣಿಕೆಗೆ ಆಮೀರ್ ಖಾನ್ ತಮ್ಮದೇ ಧ್ವನಿಯಲ್ಲಿ ನಾಯಕರ ಪರಿಚಯ ಮಾಡಿಕೊಡಲಿದ್ದಾರೆ. ಇಡೀ ಚಿತ್ರದಲ್ಲಿ ಅಲ್ಲಲ್ಲಿ ಆಮೀರ್ ಧ್ವನಿ ಕೇಳಿಬರಲಿದೆ. (ಏಜೆನ್ಸೀಸ್)