ಪುದುಚೇರಿ: ಭಾರತದಲ್ಲಿ ಕರೊನಾ ವೈರಸ್ ಪ್ರಮಾಣ ದಿನೇದಿನೆ ಹೆಚ್ಚುತ್ತಿದೆ. ಇಂದು ದೆಹಲಿಯಲ್ಲಿ 60 ವರ್ಷ ಮೇಲ್ಪಟ್ಟ ಮಹಿಳೆಯೋರ್ವರು ಕರೊನಾಕ್ಕೆ ಬಲಿಯಾಗಿದ್ದಾರೆ. ಅದರ ಬೆನ್ನಲ್ಲೇ ಪುದುಚೇರಿಯ ಮಾಹೆಯಲ್ಲಿ 68ವರ್ಷದ ಮಹಿಳೆಯೋರ್ವರಿಗೆ ಕರೊನಾ ತಗುಲಿದ್ದು ದೃಢಪಟ್ಟಿದೆ.
ಈ ಮಹಿಳೆ ಕಳೆದವಾರ ಯುಎಇ(ಸಂಯುಕ್ತ ಅರಬ್ ರಾಷ್ಟ್ರ)ದಿಂದ ವಾಪಸ್ ಆಗಿದ್ದರು. ಇವರಿಗೆ ಮಾಹೆ ಆಸ್ಪತ್ರೆಯ ಪ್ರತ್ಯೇಕ ವಾರ್ಡ್ನಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ಸದ್ಯ ಅವರ ಆರೋಗ್ಯ ಸ್ಥಿರವಾಗಿದೆ ಎಂದು ವೈದ್ಯಕೀಯ ಮೂಲಗಳು ತಿಳಿಸಿವೆ. ಇದು ಪುದುಚೇರಿಯಲ್ಲಿ ಪತ್ತೆಯಾದ ಮೊದಲ ಕರೊನಾ ಕೇಸ್.
ಕೇಂದ್ರಾಡಳಿತ ಪ್ರದೇಶವಾದ ಪುದುಚೇರಿಯಲ್ಲಿ ಕಳೆದ ವಾರ ಮೂವರು ಶಂಕಿತ ಕರೊನಾ ಸೋಂಕಿತರನ್ನು ಪ್ರತ್ಯೇಕ ವಾರ್ಡ್ನಲ್ಲಿ ಇಟ್ಟು ಪರೀಕ್ಷೆಗೆ ಒಳಪಡಿಸಲಾಗಿತ್ತು. ಮುನ್ನೆಚ್ಚರಿಕಾ ಕ್ರಮವಾಗಿ ಪುದುಚೇರಿ ಸರ್ಕಾರ ಎಲ್ಕೆಜಿ, ಯುಕೆಜಿ ಮತ್ತು ಪ್ರಾಥಮಿಕ ಶಾಲಾ ಮಕ್ಕಳಿಗೆ ಭಾನುವಾರದಿಂದಲೇ ರಜೆ ಘೋಷಣೆ ಮಾಡಿದೆ. ಹಾಗೇ ಹಲವು ಕ್ರಮಗಳನ್ನು ಕೈಗೊಂಡಿದೆ.
ಭಾರತದಲ್ಲಿ ಒಟ್ಟು 126 ಮಂದಿಯಲ್ಲಿ ಕರೊನಾ ಇರುವುದು ದೃಢಪಟ್ಟಿದ್ದು, ಇದುವರೆಗೆ ಮೂವರು ಮೃತಪಟ್ಟಿದ್ದಾರೆ. 13 ಮಂದಿ ಸೋಂಕಿತರು ಗುಣಮುಖರಾಗಿದ್ದಾರೆ.(ಏಜೆನ್ಸೀಸ್)
ವಿದ್ಯಾರ್ಥಿನಿ ಮೇಲೆ ಪದೇಪದೆ ರೇಪ್ ಮಾಡಿದ ಬಾಕ್ಸಿಂಗ್ ಕೋಚ್: ರೈಲಿನಲ್ಲೇ ನಡೆಯಿತು ಮೊದಲ ಅತ್ಯಾಚಾರ