6 ಲಕ್ಷ ಕೋಟಿ ರೂ. ಹೂಡಿಕೆ ಇನ್ವೆಸ್ಟ್ ಕರ್ನಾಟಕ ಗುರಿ; ಇಂದಿನಿಂದ ಜಾಗತಿಕ ಹೂಡಿಕೆದಾರರ ಸಮಾಗಮ

ಬೆಂಗಳೂರು: ಜಾಗತಿಕ ಆರ್ಥಿಕ ಕುಸಿತದ ಗುಸುಗುಸು, ನೆರೆ ರಾಜ್ಯಗಳ ಪೈಪೋಟಿ, ಹಣದುಬ್ಬರದ ಅಬ್ಬರ ಹೀಗೆ ಹತ್ತು ಹಲವು ಸವಾಲುಗಳ ನಡುವೆ ರಾಜ್ಯ ಸರ್ಕಾರವು ಕರ್ನಾಟಕ ಜಾಗತಿಕ ಹೂಡಿಕೆದಾರರ ಸಮಾವೇಶ ಹಮ್ಮಿಕೊಂಡಿದ್ದು, ಹೂಡಿಕೆದಾರರಿಗೆ ರತ್ನಗಂಬಳಿ ಹಾಸಿದೆ.

ಹೂಡಿಕೆಗೆ ಪೂರಕವಾದ ವಾತಾವರಣ, ನಿಯಮಗಳ ಸಡಿಲಿಕೆ, ಪ್ರೋತ್ಸಾಹಕ ಯೋಜನೆಗಳು, ಅಗತ್ಯ ಭೂಮಿ, ನಿರಂತರ ಫಾಲೋಅಪ್​ಗೆ ಅಧಿಕಾರಿಗಳ ನೇಮಕ ಸೇರಿ ವಿವಿಧ ಕ್ರಮಗಳನ್ನು ಕೈಗೊಂಡಿರುವ ಸರ್ಕಾರ, ಬುಧವಾರದಿಂದ ಮೂರು ದಿನ ‘ಬಿಲ್ಡ್ ಫಾರ್ ದಿ ವರ್ಲ್ಡ್’ ಪರಿಕಲ್ಪನೆಯ ಸಮಾವೇಶದ ಮೂಲಕ ಹೂಡಿಕೆದಾರರನ್ನು ಎದುರುಗೊಳ್ಳಲು ಸನ್ನದ್ಧವಾಗಿದೆ.

ಬುಧವಾರ (ನ.2) ಬೆಳಗ್ಗೆ 10 ಗಂಟೆಗೆ ಪ್ರಧಾನಿ ನರೇಂದ್ರ ಮೋದಿ ವಿಡಿಯೋ ಕಾನ್ಪರೆನ್ಸ್ ಮೂಲಕ ಸಮಾವೇಶಕ್ಕೆ ಚಾಲನೆ ನೀಡಿ ಭಾಷಣ ಮಾಡಲಿದ್ದಾರೆ. ಅಂದಾಜು 6 ಲಕ್ಷ ಕೋಟಿ ರೂ. ಹೂಡಿಕೆಯಾಗುವ ನಿರೀಕ್ಷೆ ಇದ್ದು, ಜಗತ್ತಿನ ಖ್ಯಾತನಾಮ ಉದ್ಯಮಿಗಳು, ವಿವಿಧ ಸಂಸ್ಥೆಗಳ ಪ್ರತಿನಿಧಿಗಳು ಪಾಲ್ಗೊಳ್ಳುತ್ತಿದ್ದಾರೆ. ಕೆಲವು ಜಾಗತಿಕ ಹೂಡಿಕೆದಾರರು ಅಚ್ಚರಿ ಸುದ್ದಿ ನೀಡುವುದಾಗಿ ಸರ್ಕಾರವನ್ನೂ ಸಹ ತುದಿಗಾಲಲ್ಲಿ ನಿಲ್ಲಿಸಿದ್ದಾರೆ.

https://www.vijayavani.net/fake-officer-came-in-real-vehicle-to-make-money/

https://www.vijayavani.net/major-change-regarding-rajyothsava-award-from-next-year/