ಬ್ಯಾಡಗಿ: ಇಲ್ಲಿನ ಮೆಣಸಿನಕಾಯಿ ಮಾರುಕಟ್ಟೆಯಲ್ಲಿ ಸೋಮವಾರ 2,12,266 ಚೀಲಗಳ ಆವಕದಿಂದ ವ್ಯಾಪಾರದಲ್ಲಿ ಏರಿಕೆ ಕಂಡಿದೆ.
ಕಳೆದ ಮೂರು ವಾರಗಳಿಂದ ಲಕ್ಷ ಚೀಲಗಳ ಆವಕ ದಾಟಿದ ಕಾರಣ ಮೆಣಸಿನಕಾಯಿ ಬೆಲೆಯಲ್ಲಿ ಸ್ಥಿರತೆ ಕಾಯ್ದುಕೊಂಡಿದೆ. ಡಬ್ಬಿ ತಳಿ ಮಾತ್ರ ಕ್ವಿಂಟಾಲ್ಗೆ 60 ಸಾವಿರ ರೂ. ದಾಟಿರುವುದು ರೈತರಲ್ಲಿ ಖುಷಿ ಮೂಡಿಸಿದೆ. ಗುಣಮಟ್ಟದ ಮೆಣಸಿನಕಾಯಿಗೆ ಹೆಚ್ಚು ದರ ಸಿಗುವ ಉದ್ದೇಶದಿಂದ ಮಾರುಕಟ್ಟೆಗೆ ಬಳ್ಳಾರಿ, ಆಂಧ್ರಪ್ರದೇಶದಿಂದಲೂ ಮೆಣಸಿನಕಾಯಿ ತರುತ್ತಿದ್ದು, ಹಿಂದಿನ ವರ್ಷದ ಗುರಿ ತಲುಪುವ ನಿರೀಕ್ಷೆಯಿದೆ.
ಸೋಮವಾರದ ದರ: ಮೆಣಸಿನಕಾಯಿ ಕಡ್ಡಿ ತಳಿ-1209ರಿಂದ 25510 ರೂ., ಡಬ್ಬಿ ತಳಿ-1985ರಿಂದ 60111 ರೂ., ಗುಂಟೂರು ತಳಿ- 700 ರಿಂದ 10209 ರೂ. ದರದಲ್ಲಿ ಮಾರಾಟವಾಗಿವೆ.