ಮುಂಬೈ: ಮಹಿಂದ್ರಾದವರ ಹೊಸ ಥಾರ್ಗೆ ಪೈಪೋಟಿ ನೀಡುವುದಕ್ಕೆ ಫೋರ್ಸ್ ಮೋಟಾರ್ಸ್ ನವರ ಗುರ್ಖಾ ಬಿಎಸ್ 6 ಮಾರುಕಟ್ಟೆಗೆ ಶೀಘ್ರವೇ ಲಗ್ಗೆ ಇಡಲಿದೆ. ಫೋರ್ಸ್ ಮೋಟಾರ್ಸ್ ಹೊಸ ಗುರ್ಖಾ ಬಿಎಸ್ 6 ಮಾಡೆಲ್ನ ಫೋಟೋವನ್ನು ತನ್ನ ಫೇಸ್ಬುಕ್ ಪುಟದಲ್ಲಿ ಪ್ರಕಟಿಸಿದ್ದು, ಕಮ್ಮಿಂಗ್ ಸೂನ್ ಎಂದು ಘೋಷಿಸಿದೆ.
ಮಹಿಂದ್ರಾ ಈಗಾಗಲೇ ಥಾರ್ ಎಸ್ಯುವಿಯನ್ನು ಜಗತ್ತಿಗೆ ಪರಿಚಯಿಸಿದ್ದು, ಅಕ್ಟೋಬರ್ 2ರಂದು ಮಾರುಕಟ್ಟೆಗೆ ಬರುವ ನಿರೀಕ್ಷೆ ಇದೆ. ಆದ್ರೆ ಫೋರ್ಸ್ ಗುರ್ಖಾದ ಮೊದಲ ಇಮೇಜ್ ಮಾತ್ರವೇ ಬಿಡುಗಡೆಯಾಗಿದೆ. ಅದರ ಇಂಟೀರಿಯರ್ಸ್ ಮತ್ತು ಇತರೆ ಪೂರ್ಣ ವಿವರಗಳನ್ನು ಕಂಪನಿ ಇನ್ನೂ ಬಹಿರಂಗಪಡಿಸಿಲ್ಲ.
ಇದನ್ನೂ ಓದಿ: ಲೆಕ್ಕ ಕೊಡ್ದೇ ಇರೋ ದುಡ್ಡು ನಿಮ್ಮ ಅಕೌಂಟ್ನಲ್ಲಿದ್ಯಾ? ಹಾಗಾದ್ರೆ ಅದ್ರಲ್ಲಿ ನಿಮ್ ಪಾಲು 17% ಮಾತ್ರ!
ಸದ್ಯ ಸಿಕ್ಕಿರುವ ಮಾಹಿತಿ ಪ್ರಕಾರ, ಈ ಹಿಂದಿನ ಎಕ್ಸ್ಪೋ ಸ್ಪೆಕ್ ವರ್ಷನ್ನಲ್ಲಿ ನೀಡಲಾಗಿದ್ದ ಅದನ್ನೇ ಹೋಲುವ ವಿನ್ಯಾಸ ಮತ್ತು ಸ್ಟೈಲಿಂಗ್ ವಿವರಗಳನ್ನು ನಿರೀಕ್ಷಿಸಲಾಗುತ್ತಿದೆ. ಬಿಎಸ್ 6 ಮಾದರಿಯ ಇದರಲ್ಲಿ 2.6 ಲೀಟರ್ ಡೀಸೆಲ್ ಎಂಜಿನ್ ಇರಲಿದ್ದು, ಗರಿಷ್ಠ 89 ಬಿಎಚ್ಪಿ ಶಕ್ತಿ ಹೊಂದಿದೆ. 5 ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ಹೊಂದಿರುವ ಈ ವಾಹನ 4×4 ಸಿಸ್ಟಂನಲ್ಲಿ ಗಮನಸೆಳೆಯಲಿದೆ. ಸಾಹಸಿ ಚಾಲಕರನ್ನು ಫೋರ್ಸ್ ಗುರ್ಖಾ ಸೆಳೆದರೆ, ಮಹಿಂದ್ರಾ ಥಾರ್ಗೂ ಅದರದ್ದೇ ಆದ ಫಾಲೋಯರ್ಸ್ ಇದ್ದಾರೆ. ಈ ಎರಡು ವಾಹನಗಳು 2020ರಲ್ಲಿ ಸದ್ಯ ನಿರೀಕ್ಷೆ ಹುಟ್ಟಿಸಿವೆ. (ಏಜೆನ್ಸೀಸ್)