2 ಲಕ್ಷ ಸಾಲದ ಆಸೆಗೆ ಬರೋಬ್ಬರಿ 4.52 ಲಕ್ಷ ರೂಪಾಯಿ ಕಳೆದುಕೊಂಡ ವಿದ್ಯಾರ್ಥಿ

ಕಾರವಾರ: ಎರಡು ಲಕ್ಷ ಸಾಲದ ಆಸೆಗೆ ಆನ್​ಲೈನ್​ನಲ್ಲಿ ಮಾಹಿತಿ ಹಂಚಿಕೊಂಡ ವಿದ್ಯಾರ್ಥಿ 4.52 ಲಕ್ಷ ರೂ. ಕಳೆದುಕೊಂಡ ಘಟನೆ ನಡೆದಿದ್ದು, ಇಲ್ಲಿನ ಸಿಇಎನ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ. ಹೊನ್ನಾವರ ಹೊಸಾಡದ ವಿದ್ಯಾರ್ಥಿ ಕ್ರಿಜೋಸ್ಟಮ್ ಪುಡ್ತಾಡೊ ಹಣ ಕಳೆದುಕೊಂಡಾತ. ಸಾಲ ನೀಡುವುದಾಗಿ ಆದಿತ್ಯ ಬಿರ್ಲಾ ಕ್ಯಾಪಿಟಲ್ ಹೆಸರಿನಲ್ಲಿ ಇನ್ಸ್​ಸ್ಟಾ ಗ್ರಾಂ ಖಾತೆಯಲ್ಲಿ ಬಂದ ಜಾಹೀರಾತು ನೋಡಿದ ಯುವಕ 2 ಲಕ್ಷ ರೂ. ಸಾಲ ಪಡೆಯಲು ತನ್ನ ಮಾಹಿತಿ ಹಂಚಿಕೊಂಡಿದ್ದ. ಕರೆ ಮಾಡಿದ ಅಪರಿಚಿತ ವ್ಯಕ್ತಿಗಳು ಸಾಲ ನೀಡುವುದಾಗಿ ಹೇಳಿ, ಅದು, ಇದು ಶುಲ್ಕದ ಹೆಸರಿನಲ್ಲಿ ಬ್ಯಾಂಕ್ ಖಾತೆಗೆ 4.52 ಲಕ್ಷಕ್ಕೂ ಅಧಿಕ ಹಣ ಜಮಾ ಮಾಡಿಸಿಕೊಂಡಿದ್ದರು.