ಹಾವೇರಿ: ನಗರದ ಹಾನಗಲ್ಲ ರಸ್ತೆಯಲ್ಲಿನ ಶ್ರೀಕಂಠೇಶ್ವರ ಇಲೆಕ್ಟ್ರಾನಿಕ್ಸ್ ಮಳಿಗೆಯಲ್ಲಿ ಗೃಹೋಪಯೋಗಿ ವಸ್ತುಗಳನ್ನು ಕಳ್ಳತನ ಮಾಡಿದ್ದ ಇಬ್ಬರು ಆರೋಪಿಗಳನ್ನು ಪೊಲೀಸರು ಶುಕ್ರವಾರ ಬಂಧಿಸಿ, 5.18 ಲಕ್ಷ ರೂ. ಮೌಲ್ಯದ ವಸ್ತುಗಳನ್ನು ವಶಪಡಿಸಿಕೊಂಡಿದ್ದಾರೆ.
ಮುಂಡಗೋಡ ತಾಲೂಕು ಭದ್ರಾಪುರ ಗ್ರಾಮದ ಚಿತ್ರಗಿ ಪ್ಲಾಟ್ ನಿವಾಸಿ ಉಮರ್ಫಾರೂಕ ಸುಲೇಮಾನ್ ಶೇಖ್(36) ಹಾಗೂ ಮುಂಡಗೋಡ ತಾಲೂಕು ಪಾಳ ಗ್ರಾಮದ ಮಹ್ಮದಜಾಫರ್ಖಾನ್ ನಾಗ್ರೋಳ್ಳಿ (28) ಬಂಧಿತ ಆರೋಪಿಗಳು. ಇವರು ಜ. 29ರಂದು ಶ್ರೀಕಂಠೇಶ್ವರ ಮಳಿಗೆಯಲ್ಲಿ ಕಿಡಕಿ ಮುರಿದು ಒಳ ಪ್ರವೇಶಿಸಿ 4.59 ಲಕ್ಷ ರೂ. ಮೌಲ್ಯದ ಗೃಹೋಪಯೋಗಿ ವಸ್ತುಗಳು ಹಾಗೂ ನಗದು ಕಳ್ಳತನ ಮಾಡಿದ್ದರು. ಬಂಧಿತರಿಂದ 2 ಟಿವಿ, 8 ಮೊಬೈಲ್, 1 ಮೈಕ್ರೋಓವನ್ ಇತರೆ ಗೃಹೋಪಯೋಗಿ ವಸ್ತುಗಳು ಹಾಗೂ ಕೃತ್ಯಕ್ಕೆ ಬಳಸಿದ್ದ ಒಮಿನಿ ಕಾರು, ಹಾನಗಲ್ಲನಲ್ಲಿ ಕಳ್ಳತನ ಮಾಡಿದ್ದ ಸ್ಪೆ್ಲಂಡರ್ ಫ್ರೋ ಬೈಕ್ನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.
ಎಸ್ಪಿ, ಎಎಸ್ಪಿ, ಡಿಎಸ್ಪಿ ಮಾರ್ಗದರ್ಶನದಲ್ಲಿ ಸಿಪಿಐ ಪ್ರಭಾವತಿ ಸೇತಸನದಿ, ಪಿಎಸ್ಐ ಚಂದನ, ಎಎಸ್ಐ ಎಸ್.ಡಿ. ಸಾಗರ, ಸಿಬ್ಬಂದಿ ಯಲ್ಲಪ್ಪ ತಹಶೀಲ್ದಾರ್, ಚಂದ್ರಶೇಖರ ಪೂಜಾರ, ಎಂ.ಎಂ. ತುಂಗಳ, ಎಂ.ಜಿ. ದೊಡ್ಡಕಾರಗಿ, ಪಿ.ಕೆ. ಕರಿಯಣ್ಣನವರ, ಗುಡ್ಡಪ್ಪ ಹಳ್ಳೂರ, ರಾಜು ಗೊಂದೆರ, ಸುರೇಶ ಎಂ.ಎಚ್. ಇತರರು ಕಾರ್ಯಾಚರಣೆಯಲ್ಲಿದ್ದರು.