ಹುಬ್ಬಳ್ಳಿ: ಹುಬ್ಬಳ್ಳಿ-ಧಾರವಾಡ ಮಧ್ಯೆ ಸಂಚರಿಸುವ ಬಸ್ಗಳಲ್ಲಿ ಪರಸ್ಪರ ಅಂತರ ಮಾಯವಾಗಿದ್ದು, ಇಲ್ಲಿನ ಹಳೆಯ ಬಸ್ ನಿಲ್ದಾಣದಲ್ಲಿ ಮಾರ್ಗದರ್ಶನ, ಸಲಹೆ ನೀಡುವವರು ಇಲ್ಲವಾಗಿದ್ದಾರೆ.
ನಗರ ಸಾರಿಗೆ ಬಸ್ಗಳನ್ನು ಕಂಡಕೂಡಲೇ ಜನರು ಸೀಟ್ಗಾಗಿ ಮುಗಿ ಬೀಳುತ್ತಿದ್ದಾರೆ. ಸೀಟ್ಗಳಲ್ಲಿ ಪರಸ್ಪರ ಅಂತರವಿಲ್ಲ. ಮಾಸ್ಕ್ ಧರಿಸಿದವರೂ ಕಂಡಬರುತ್ತಿಲ್ಲ. ಕೆಲವರು ನಿಂತು ಹೋಗುತ್ತಿದ್ದು, ನಿಗದಿತ ಸ್ಥಳ ಭರ್ತಿ ಇಲ್ಲಿ ಪಾಲನೆಯಾಗುತ್ತಿಲ್ಲ. ಇದರಿಂದಲೂ ಕರೊನಾ ಸೋಂಕು ಎಲ್ಲರಿಗೂ ಹರಡಿದರೆ ಹೇಗೆ ? ಎಂಬ ಆತಂಕ ಕೆಲ ಪ್ರಯಾಣಿಕರದು. ಹೊಸ ಬಸ್ ನಿಲ್ದಾಣದಿಂದ ಇತರ ಊರುಗಳಿಗೆ ತೆರಳಲು ಬಸ್ಗಳನ್ನು ಬಿಡಲಾಗುತ್ತಿದೆ. ಪ್ರಯಾಣಿಕರ ಸಂಖ್ಯೆ ನೋಡಿಕೊಂಡು ಬೆಳಗ್ಗೆಯಿಂದ ಬಸ್ಗಳು ಓಡಾಡುತ್ತಿವೆ. ಬೆರಳೆಣಿಕೆಯ ಪ್ರಯಾಣಿಕರಿದ್ದರೂ ಬಸ್ಗಳನ್ನು ಬಿಡಲಾಗುತ್ತಿದೆ.
94 ಬಸ್ ಓಡಾಟ: ಹುಬ್ಬಳ್ಳಿ ಗ್ರಾಮಾಂತರ ಸಾರಿಗೆ ವಿಭಾಗದಿಂದ 94 ಬಸ್ಗಳು ಗುರುವಾರ ಕಾರ್ಯಾಚರಿಸಿವೆ. ಬೆಂಗಳೂರು 16, ಬೆಳಗಾವಿ 7, ಹಾವೇರಿ 8, ಹಾನಗಲ್ 2, ವಿಜಯಪುರ 7, ಬಾಗಲಕೋಟೆ 7, ಗಂಗಾವತಿ 2, ಗದಗ 9, ಲಕ್ಷೆ್ಮೕಶ್ವರ 1, ಶಿರಸಿ 3 ಹಾಗೂ ಧಾರವಾಡ ಜಿಲ್ಲೆಯೊಳಗೆ 32 ಬಸ್ಗಳು ಸಂಚರಿಸಿವೆ ಎಂದು ಪ್ರಕಟಣೆ ತಿಳಿಸಿದೆ.