ರಾಣೆಬೆನ್ನೂರ: ಲಾನ್ಡೌನ್ ನಡುವೆಯೂ ಇಲ್ಲಿಯ ಎಪಿಎಂಸಿಯಲ್ಲಿ ಸೋಮವಾರ ಉತ್ತಮ ವ್ಯಾಪಾರ-ವಹಿವಾಟು ನಡೆಯಿತು.
1130 ಹತ್ತಿ ಅಂಡಿಗೆಗಳು, 1597 ಚೀಲ ಶೇಂಗಾ, 2128 ಚೀಲ ಉಳ್ಳಾಗಡ್ಡಿ, 1 ಸಾವಿರಕ್ಕೂ ಅಧಿಕ ಕ್ವಿಂಟಾಲ್ನಷ್ಟು ಮೆಕ್ಕೆಜೋಳ ಆವಕವಾಗಿದೆ.
ಬೆಲೆಯಲ್ಲೂ ಕೊಂಚ ಏರಿಕೆಯಾಗಿದ್ದು, 1 ಕ್ವಿಂಟಾಲ್ ಹತ್ತಿ 4686 ರೂ., ಶೇಂಗಾ 5329 ರೂ., ಉಳ್ಳಾಗಡ್ಡಿ 1 ಸಾವಿರ ರೂ. ಹಾಗೂ ಮೆಕ್ಕೆಜೋಳ ಕ್ವಿಂಟಾಲ್ಗೆ 1390 ರೂ.ನಂತೆ ಮಾರಾಟವಾಗಿದೆ. ಲಾಕ್ಡೌನ್ನಿಂದಾಗಿ ಸಂಪೂರ್ಣ ಮಾರುಕಟ್ಟೆ ಬಂದ್ ಆಗಿದ್ದರಿಂದ ರೈತರು ಉತ್ಪನ್ನ ಮಾರಾಟ ಮಾಡಲಾಗಿದೆ ಪರದಾಡುತ್ತಿದ್ದರು.
ಎರಡನೇ ಲಾಕ್ಡೌನ್ ಆರಂಭದಲ್ಲಿ ಎಪಿಎಂಸಿ ವಹಿವಾಟಿಗೆ ಅವಕಾಶ ಕಲ್ಪಿಸಿದ್ದರೂ ಹೆಚ್ಚಿನ ಪ್ರಮಾಣದಲ್ಲಿ ರೈತರು ಉತ್ಪನ್ನ ಮಾರಾಟಕ್ಕೆ ಬರುತ್ತಿರಲಿಲ್ಲ. ಇದೀಗ ಲಾಕ್ಡೌನ್ 3.0 ಮುಂದುವರಿದಿದ್ದು, ಎಪಿಎಂಸಿಗೆ ಹತ್ತಿ, ಶೇಂಗಾ, ಮೆಕ್ಕೆಜೋಳ ಆವಕದಲ್ಲಿ ಏರಿಕೆಯಾಗಿದೆ. ಮಹಾರಾಷ್ಟ್ರ, ತಮಿಳನಾಡು, ಕೇರಳದಿಂದ ವ್ಯಾಪಾರಸ್ಥರು ಬಂದು ಖರೀದಿ ಮಾಡುತ್ತಿದ್ದಾರೆ.