ಹಳಿಯಾಳ: ಕರೊನಾ ವೈರಸ್ ಬಗ್ಗೆ ಜನರಲ್ಲಿ ಮೂಡಿರುವ ಭೀತಿಯನ್ನೇ ಬಂಡವಾಳ ಮಾಡಿಕೊಂಡು ಮಾಸ್ಕ್ಗಳನ್ನು ಹೆಚ್ಚಿನ ಬೆಲೆಗೆ ಮಾರಾಟ ಮಾಡುವ ಕುರಿತು ದೂರು ಬಂದ ಹಿನ್ನೆಲೆಯಲ್ಲಿ ತಹಸೀಲ್ದಾರ್ ವಿದ್ಯಾಧರ ಗುಳಗುಳೆ ಅವರು ಪಟ್ಟಣದ ಕೆಲ ಅಂಗಡಿಗಳನ್ನು ಪರಿಶೀಲಿಸಿದರು.
ಸಂಜೀವಿನಿ ಮೆಡಿಕಲ್ನಲ್ಲಿ ಮಾಸ್ಕ್ಗಳ ಖರೀದಿ ಬಿಲ್ ಇಲ್ಲದಿರುವುದು ಕಂಡು ಬಂದಿತು. ಈ ಕುರಿತು ವಿಚಾರಿಸಿದಾಗ ಮಾಸ್ಕ್ಗಳನ್ನು ಜಿಎಸ್ಟಿ ಸೇರಿ 13.75 ರೂ.ಗೆ ಖರೀದಿಸಲಾಗಿದೆ. ನಾವು 20 ರೂ.ಗಳಿಗೆ ಮಾರಾಟ ಮಾಡುತ್ತಿದ್ದೇವೆ ಎಂದು ತಪ್ಪೊಪ್ಪಿಕೊಂಡರು. ಮೆಡಿಕಲ್ನಲ್ಲಿರುವ 250 ಮಾಸ್ಕ್ಗಳನ್ನು ಎಂಆರ್ಪಿ ದರದಲ್ಲಿ ಮಾರಾಟ ಮಾಡುವುದಾಗಿ ತಹಸೀಲ್ದಾರರಿಗೆ ಬರೆದು ಕೊಟ್ಟರು.
ನಂತರ ತಂಡವು ಸ್ಟೇಷನರಿ ಅಂಗಡಿಗಳಿಗೆ ಭೇಟಿ ನೀಡಿತು. ರಾಜಸ್ಥಾನ ಮೂಲದ ವ್ಯಾಪಾರಸ್ಥರೊಬ್ಬರು ಮಾರಾಟಕ್ಕಿಟ್ಟಿರುವ ಮಾಸ್ಕ್್ಕಳ ಕರಿತು ವಿಚಾರಣೆ ನಡೆಸಿದಾಗ ಸಮರ್ಪಕ ಉತ್ತರ ನೀಡದ ಕಾರಣ ಮಾಸ್ಕ್ಗಳನ್ನು ಜಪ್ತಿ ಮಾಡಿದರು. ತಾಲೂಕು ಆರೋಗ್ಯಾಧಿಕಾರಿ ಡಾ. ರಮೇಶ ಕದಂ ಉಪಸ್ಥಿತರಿದ್ದರು.
ತಾಲೂಕು ಆಸ್ಪತ್ರೆಯಲ್ಲಿ ಐದು ಹಾಸಿಗೆಗಳುಳ್ಳ ಪ್ರತ್ಯೇಕ ವಾರ್ಡ್ ಹಾಗೂ ಪ್ರತ್ಯೇಕ ವೈದ್ಯರನ್ನು ನೇಮಿಸಲಾಗಿದೆ. ವಿದೇಶದಿಂದ ಬರುವವರ ಮೇಲೆ ನಿಗಾ ವಹಿಸಲಾಗಿದೆ. ಡಾ. ರಮೇಶ ಕದಂ ತಾಲೂಕು ಆರೋಗ್ಯಾಧಿಕಾರಿ
****