ಲಾಸ್ ಆಂಜಲೀಸ್: ಮಾಲ್ತಿ ಮೇರಿ ಚೋಪ್ರಾ ಎಂಬ ಮುದ್ದಾದ ಹೆಣ್ಣುಮಗುವಿಗೆ ಪ್ರಿಯಾಂಕಾ ಚೋಪ್ರಾ ತಾಯಿಯಾಗಿ ಒಂದು ವರ್ಷವೇ ಆಗಿದೆ. ಕಳೆದ ಜನವರಿಯಲ್ಲಿ ಈ ಮಗು ಜನಿಸಿತ್ತು. ಆದರೆ, ಪ್ರಿಯಾಂಕಾ ಇದುವರೆಗೂ ಆ ಮಗುವಿನ ಮುಖ ತೋರಿಸಿರಲಿಲ್ಲ. ಮುಖವನ್ನು ಮರೆಮಾಚಿ ಆಕೆಯ ಫೋಟೋಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಳ್ಳುತ್ತಿದ್ದರು.
ಇದನ್ನೂ ಓದಿ: ‘ರೇಸರ್’ಗೆ ಜತೆಯಾದ ಅದ್ವಿತಿ ಶೆಟ್ಟಿ … ಚಿತ್ರೀಕರಣ ಪ್ರಾರಂಭ
ಈಗ ಇದೇ ಮೊದಲ ಬಾರಿಗೆ ಪ್ರಿಯಾಂಕಾ ತಮ್ಮ ಮುದ್ದಾದ ಮಗುವಿನ ಮುಖವನ್ನು ಜಗತ್ತಿಗೆ ಬಹಿರಂಗಪಡಿಸಿದ್ದಾರೆ. ಅಮೆರಿಕದ ಲಾಸ್ ಎಂಜಲೀಸ್ನಲ್ಲಿ ನಡೆದ ಸಿನಿಮಾ ಸಂಬಂಧಿ ಕಾರ್ಯಕ್ರಮವೊಂದರಲ್ಲಿ ಪ್ರಿಯಾಂಕಾ ಭಾಗವಹಿಸಿದ್ದರು. ಈ ಸಂದರ್ಭದಲ್ಲಿ ಮಗಳ ಫೋಟೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿವೆ.
ಮಾಲ್ತಿ ಮೇರಿ ಫೋಟೋ ನೋಡಿ ಪ್ರಿಯಾಂಕಾ ಚೋಪ್ರಾ ಅಭಿಮಾನಿಗಳು ಖುಷಿಪಟ್ಟಿದ್ದಾರೆ. ಅವಳು ಎಷ್ಟು ಕ್ಯೂಟ್ ಆಗಿದ್ದಾಳೆ ಎಂದು ಸೋಷಿಯಲ್ ಮೀಡಿಯಾದಲ್ಲಿ ಕಮೆಂಟ್ಗಳನ್ನು ಹಾಕುತ್ತಿದ್ದಾರೆ.
ಇದನ್ನೂ ಓದಿ: ‘ರೂಪಾಯಿ’ ಚಿತ್ರದಿಂದ ಬಂತು ‘ಖಾರಾಬಾತ್’ ಹಾಡು; ಚಿತ್ರ ಫೆ.10ಕ್ಕೆ ತೆರೆಗೆ
ಪ್ರಿಯಾಂಕಾ ಚೋಪ್ರಾ ಬಾಡಿಗೆ ತಾಯ್ತನದ ಮೊರೆ ಹೋದಾಗ ಹಲವರು ಅವರ ಕಾಲೆಳೆದಿದ್ದರು. ಫಿಗರ್ ಹಾಳಾಗುತ್ತದೆ ಎಂಬ ಭಯದಲ್ಲಿ ಪ್ರಿಯಾಂಕಾ ಹಾಗೆ ಮಾಡಿದ್ದಾರೆ ಎಂದು ಆರೋಪಿಸಿದ್ದರು. ಈ ಕುರಿತು ಕೆಲವು ದಿನಗಳ ಹಿಂದಷ್ಟೇ ಮಾತನಾಡಿದ್ದ ಪ್ರಿಯಾಂಕಾ, ‘ನನಗೆ ಸಾಕಷ್ಟು ಆರೋಗ್ಯದ ಸಮಸ್ಯೆಗಳು ಇದ್ದವು. ನಾನು ಬಾಡಿಗೆ ತಾಯ್ತನದ ಮೊರೆ ಹೋಗದಿದ್ದರೆ ಕಷ್ಟವಾಗುತ್ತಿತ್ತು. ಹಾಗಾಗಿ, ಅದು ಅನಿವಾರ್ಯವಾಗಿತ್ತು’ ಎಂದು ಹೇಳಿಕೊಂಡಿದ್ದರು.