ವಾಷಿಂಗ್ಟನ್: ಅಮೆರಿಕದಲ್ಲಿ ಕರೊನಾ ವೈರಸ್ ತಾಂಡವವಾಡುತ್ತಿದೆ. ಶುಕ್ರವಾರ ಉಪಾಧ್ಯಕ್ಷ ಮೈಕ್ ಪೆನ್ಸ್ ಅವರ ಮಾಧ್ಯಮ ಕಾರ್ಯದರ್ಶಿ ಕೇಟೀ ಮಿಲ್ಲರ್ಗೆ ಸೋಂಕು ದೃಢಪಟ್ಟಿತ್ತು.
ಇಂದು ಡೊನಾಲ್ಡ್ ಟ್ರಂಪ್ ಪುತ್ರಿ ಇವಾಂಕಾ ಟ್ರಂಪ್ ಅವರ ಪರ್ಸನಲ್ ಅಸಿಸ್ಟಂಟ್ ಕರೊನಾಕ್ಕೆ ತುತ್ತಾಗಿದ್ದಾರೆ. ಈ ಮೂಲಕ ವೈಟ್ ಹೌಸ್ಗೆ ಸಂಬಂಧಪಟ್ಟ ಮೂವರು ಸಿಬ್ಬಂದಿಗೆ ಕರೊನಾ ತಗುಲಿದಂತಾಗಿದೆ.
ಇದನ್ನೂ ಓದಿ: VIDEO: ನೀವೂ ಒಮ್ಮೆ ಮನೆಯಲ್ಲಿ ಮಾಡಿನೋಡಿ ಈ ‘ಭಯಾನಕ ಚಹಾ’ವನ್ನು…!
ಇವಾಂಕಾ ಅವರ ಪರ್ಸನಲ್ ಅಸಿಸ್ಟಂಟ್ ಕೆಲವು ವಾರಗಳಿಂದ ಕರ್ತವ್ಯಕ್ಕೆ ಬರುತ್ತಿರಲಿಲ್ಲ. ವರ್ಕ್ ಫ್ರಾಂ ಹೋಂನಲ್ಲಿದ್ದರು. ತಮ್ಮ ಮೊಬೈಲ್ ಮೂಲಕವೇ ಕೆಲಸ ಮಾಡುತ್ತಿದ್ದರು.
ಅವರಲ್ಲಿ ಕರನಾ ಲಕ್ಷಣಗಳೂ ಕಂಡುಬಂದಿರಲಿಲ್ಲ. ಆದರೂ ಮುನ್ನೆಚ್ಚರಿಕಾ ಕ್ರಮವಾಗಿ ತಪಾಸಣೆಗೆ ಒಳಗಾಗಿದ್ದರು. ಇಂದು ಕರೊನಾ ಸೋಂಕು ಇರುವುದು ದೃಢಪಟ್ಟಿದೆ.
ಇವಾಂಕಾ ಮತ್ತು ಅವರ ಪತಿ ಜೇರ್ಡ್ ಕುಶ್ನರ್ ಅವರೂ ಕೂಡ ಕೊವಿಡ್-19 ಟೆಸ್ಟ್ಗೆ ಒಳಗಾಗಿದ್ದರು. ಶುಕ್ರವಾರ ಇಬ್ಬರ ವೈದ್ಯಕೀಯ ವರದಿಯೂ ನೆಗೆಟಿವ್ ಎಂದು ಬಂದಿದೆ. ಈಗ ಇವಾಂಕಾ ಟ್ರಂಪ್ ಅವರ ಆಪ್ತ ಸಹಾಯಕರಲ್ಲಿಯೇ ಕರೊನಾ ಕಂಡುಬಂದರೂ, ಅವರು ಹಲವು ದಿನಗಳಿಂದ ಶ್ವೇತ ಭವನಕ್ಕೆ ಬಾರದ ಕಾರಣ ಅಷ್ಟೇನೂ ಅಪಾಯ ಇಲ್ಲ.
ಇದನ್ನೂ ಓದಿ: ರಾಜ್ಯದಲ್ಲಿ ಮುಂದುವರಿದ ಕರೊನಾ ಅಟ್ಟಹಾಸ: ಇಂದು 30 ವಯಸ್ಸಿಗಿಂತ ಕೆಳಗಿನವರಲ್ಲೇ ಹೆಚ್ಚು ಪ್ರಕರಣ ಪತ್ತೆ
ಮೈಕ್ ಪೆನ್ಸ್ ಅವರ ಮಾಧ್ಯಮ ಕಾರ್ಯದರ್ಶಿ ಕೈಟೀ ಮಿಲ್ಲರ್ಗೆ ಕರೊನಾ ಇರುವುದಾಗಿ ಟ್ರಂಪ್ ಅವರೇ ತಿಳಿಸಿದ್ದರು. ಹಾಗೇ ಮಿಲ್ಲರ್ ಅವರ ಪ್ರಾಥಮಿಕ ಸಂಪರ್ಕದಲ್ಲಿ ಮೈಕ್ ಪೆನ್ಸ್ ಕೂಡ ಇದ್ದರು ಎಂದು ಹೇಳಿದ್ದರು.
ಇದಕ್ಕೂ ಮೊದಲು ಗುರುವಾರ ಟ್ರಂಪ್ ಅವರ ಖಾಸಗಿ ಕೆಲಸಗಾರನೋರ್ವನಲ್ಲಿ ಕರೊನಾ ದೃಢಪಟ್ಟಿತ್ತು.
ಇಷ್ಟಾದರೂ ತಮಗೆ ಕರೊನಾ ಭಯ ಇಲ್ಲ ಎಂದು ಡೊನಾಲ್ಡ್ ಟ್ರಂಪ್ ತಿಳಿಸಿದ್ದಾರೆ. ಇತ್ತೀಚೆಗಷ್ಟೇ ಟ್ರಂಪ್ ಕೂಡ ಕರೊನಾ ಟೆಸ್ಟ್ಗೆ ಒಳಗಾಗಿ ವರದಿ ನೆಗೆಟಿವ್ ಬಂದಿತ್ತು. ಇತ್ತೀಚೆಗೆ ಪ್ರತಿದಿನ ಕರೊನಾ ಟೆಸ್ಟ್ ಮಾಡಿಸುತ್ತಿದ್ದೇನೆ ಎಂದು ಅವರು ತಿಳಿಸಿದ್ದಾರೆ. (ಏಜೆನ್ಸೀಸ್)
ಹೆಚ್ಚುತ್ತಲೇ ಇದೆ ಕರೊನಾ ವೈರಸ್ ಅಬ್ಬರ; 24 ಗಂಟೆಯಲ್ಲಿ ಸಾವನ್ನಪ್ಪಿದ್ದು 95 ಮಂದಿ, ಮಹಾರಾಷ್ಟ್ರದ್ದೇ ಮೇಲುಗೈ…