ಬರ್ಲಿನ್: ನೊವೆಲ್ ಕರೊನಾ ವೈರಸ್ ಭೀತಿಯಿಂದಾಗಿ ಹೊರಗೆಲ್ಲೂ ಹೋಗಲಾಗುತ್ತಿಲ್ಲ. ಗುಡಿ, ಚರ್ಚ್ಗಳೆಲ್ಲ ಬಂದ್ ಆಗಿವೆ. ಸದ್ಯ ಮನೆಯಲ್ಲೇ ಧಾರ್ಮಿಕ ಕಾರ್ಯಕ್ರಮಗಳನ್ನು ನಡೆಸಿ, ಪ್ರತಿದಿನದ ಪ್ರಾರ್ಥನೆ ಸಲ್ಲಿಸಲಾಗುತ್ತಿದೆ.
ಜರ್ಮನಿಯ ಹಲವು ಚರ್ಚ್ಗಳಲ್ಲಿ ಜನರು ಆನ್ಲೈನ್ ಮೂಲಕ ಈಸ್ಟರ್ ಭಾನುವಾರದ ಪ್ರಾರ್ಥನೆಯಲ್ಲಿ ಪಾಲ್ಗೊಳ್ಳುತ್ತಿದ್ದಾರೆ. ಆದರೆ ಸಣ್ಣ ಪಟ್ಟಣವೊಂದರ ಪಾದ್ರಿ ಮತ್ತೊಂದು ಒಳ್ಳೆಯ ಉಪಾಯ ಕಂಡುಕೊಂಡಿದ್ದಾರೆ.
ಜರ್ಮನಿಯ ಪ್ಯಾರಿಶ್ ಚರ್ಚ್ ಆಫ್ ಅವರ್ ಲೇಡಿ ಚರ್ಚ್ನ ಪಾದ್ರಿ ಜೋಕಿಮ್ ಗೀಸ್ಲರ್ ತಮ್ಮ ಚರ್ಚ್ಗೆ ಪ್ರತಿದಿನ ಭೇಟಿ ನೀಡುವವರ ಬಳಿ ಪ್ರಿಂಟ್ ಫೋಟೋವನ್ನು ಕಳಿಸಲು ಹೇಳಿದ್ದರು. ಅವರೆಲ್ಲ ತಮ್ಮ ಡಿಜಿಟಲ್ ಫೋಟೋವನ್ನು ಕಳಿಸಿಕೊಟ್ಟಿದ್ದರು. ಈಸ್ಟರ್ ಭಾನುವಾರದ ದಿನ ಆ ಫೋಟೋಗಳನ್ನೆಲ್ಲ ಚರ್ಚ್ನ ಬೋಧನಾ ಸ್ಥಳದಲ್ಲಿರುವ ಟೇಬಲ್ಗಳ ಅಂಟಿಸಿ, ಪ್ರಾರ್ಥನೆ ಸಲ್ಲಿಸಲಾಗಿದೆ.
ಅಲ್ಲಿಗೆ ಚರ್ಚ್ಗೆ ಕಾಯಂ ಬಂದು ಪ್ರಾರ್ಥನೆ ಸಲ್ಲಿಸುವವರು ಈಸ್ಟರ್ ಸಂಡೆ ಪ್ರೇಯರ್ನಲ್ಲಿ ಪಾಲ್ಗೊಂಡಂತಾಗಿದೆ. ಅದರ ವಿಡಿಯೋ ಕೂಡ ಎಲ್ಲೆಡೆ ವೈರಲ್ ಆಗಿದೆ. (ಏಜೆನ್ಸೀಸ್)