ನವದೆಹಲಿ: ಜಾಗತಿಕವಾಗಿ ಕರೊನಾ ಕೋವಿಡ್ 19 ವೈರಸ್ ಸೋಂಕು ಪೀಡಿತರ ಪ್ರಮಾಣ 71 ಲಕ್ಷದ ಗಡಿದಾಟಿದ್ದು, ಮರಣ ಪ್ರಮಾಣ 4 ಲಕ್ಷದ ಗಡಿ ದಾಟಿದೆ. ಇದುವರೆಗೆ 35,32,160 ಜನ ಸೋಂಕು ಮುಕ್ತರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ ಎನ್ನುತ್ತಿದೆ ವಲ್ಡೋಮೀಟರ್ ಡೇಟಾ.
ಜಾಗತಿಕವಾಗಿ ಅತಿ ಹೆಚ್ಚಿನ ಸಂಕಷ್ಟಕ್ಕೆ ಒಳಗಾದ ದೇಶವಾಗಿ ಅಮೆರಿಕ ಮುಂದುವರಿದಿದ್ದು, ಇದುವರೆಗೆ ಅಲ್ಲಿ ಸೋಂಕಿಗೆ ಒಳಗಾದವರ ಸಂಖ್ಯೆ 20,26,493 ಮತ್ತು 1,13,055 ಜನ ಮೃತಪಟ್ಟಿದ್ದಾರೆ. ಇದರ ಬೆನ್ನಿಗೆ ಬ್ರೆಜಿಲ್ ಇದ್ದು, ಇಲ್ಲಿ 7,10,887 ಕೇಸ್ಗಳು ಪತ್ತೆಯಾಗಿದ್ದು, ಇದರಲ್ಲಿ 37,312 ಮರಣ ಪ್ರಮಾಣ. ಇನ್ನು ರಷ್ಯಾ ಮೂರನೇ ಸ್ಥಾನದಲ್ಲಿದ್ದು 4,76,658 ಕೇಸ್ಗಳಲ್ಲಿ 5,971 ಮರಣ ಪ್ರಮಾಣ. ಜೂನ್ ನಾಲ್ಕರಂದು ಕೇಸ್ಗಳ ವಿಚಾರ ಘೋಷಿಸಿದ ನಂತರ ಗ್ರೀಸ್ನಲ್ಲಿ 97 ಕೇಸ್ಗಳ ದೃಢಪಟ್ಟಿದ್ದು, ಸೋಮವಾರ ಒಟ್ಟು ಕೇಸ್ಗಳ ಸಂಖ್ಯೆ 3,049 ಆಗಿದೆ. ಇದರಲ್ಲಿ ಸಾವಿನ ಪ್ರಮಾಣ 182 ಆಗಿದೆ.
ಇದನ್ನು ಓದಿದ್ದೀರಾ?: ಸುದ್ದಿ ಸಮಗ್ರ: ದೆಹಲಿ ಕಂಪನ ಜನರಲ್ಲಿ ನಡುಕ
ಕಳೆದ 24 ಗಂಟೆಗಳ ಅವಧಿಯಲ್ಲಿ ಇಟಲಿಯಲ್ಲಿ ಹೊಸದಾಗಿ 280 ಕೇಸ್ಗಳು ಸೇರ್ಪಡೆಯಾಗಿದೆ. ಇದರಲ್ಲಿ ಮೂರನೇ ಒಂದು ಭಾಗದಷ್ಟು ಕೇಸ್ ಲೊಂಬಾರ್ಡಿಯಲ್ಲೇ ಪತ್ತೆಯಾಗಿದೆ. ಇದರೊಂದಿಗೆ ಇಟಲಿಯ ಒಟ್ಟು ಕೇಸ್ಗಳ ಸಂಖ್ಯೆ 2,35,278ಕ್ಕೆ ತಲುಪಿದೆ. ಸಾವಿನ ಸಂಖ್ಯೆ 33,964 ಆಗಿದೆ. (ಏಜೆನ್ಸೀಸ್)