ಹೈದರಾಬಾದ್: ‘ಮೆಗಾಸ್ಟಾರ್’ ಚಿರಂಜೀವಿ ಅಭಿನಯದ ‘ಆಚಾರ್ಯ’ ಚಿತ್ರದ ಚಿತ್ರೀಕರಣ ಡಿಸೆಂಬರ್ನಿಂದಲೇ ಪ್ರಾರಂಭವಾಗಿದ್ದು, ಇದೀಗ ಭರದಿಂದ ಸಾಗುತ್ತಿದೆ. ಈ ಚಿತ್ರಕ್ಕಾಗಿ ಹೈದರಾಬಾದ್ನ ಹೊರವಲಯದಲ್ಲಿ ಒಂದು ದೊಡ್ಡ ದೇವಸ್ಥಾನದ ಸೆಟ್ ಹಾಕಲಾಗಿದ್ದು, ಅಲ್ಲಿ ಸದ್ಯ ಚಿತ್ರೀಕರಣ ನಡೆಯುತ್ತಿದೆ.
ಇದನ್ನೂ ಓದಿ: ಬಿ. ಸರೋಜಾದೇವಿ ಹುಟ್ಟುಹಬ್ಬಕ್ಕೆ ಶುಭ ಕೋರಿದ ಸ್ಯಾಂಡಲ್ವುಡ್ ತಾರೆಯರು
‘ಆಚಾರ್ಯ’ ಚಿತ್ರದ ಬಹಳಷ್ಟು ಭಾಗ ಒಂದು ಸಣ್ಣ ನಗರದಲ್ಲಿ ನಡೆಯುತ್ತದಂತೆ. ಬೃಹತ್ ದೇವಸ್ಥಾನವಿರುವ ಈ ಪಟ್ಟಣಕ್ಕಾಗಿ ಚಿತ್ರತಂಡ ಸಾಕಷ್ಟು ಹುಡುಕಾಟ ನಡೆಸಿದ್ದು, ಕೊನೆಗೆ ಹೈದರಾಬಾದ್ನ ಹೊರವಲಯದಲ್ಲಿ 20 ಎಕರೆ ಜಾಗದಲ್ಲಿ ಒಂದು ಬೃಹತ್ ದೇವಸ್ಥಾನ ಸೇರಿದಂತೆ ಹಲವು ಸೆಟ್ಗಳ ನಿರ್ಮಾಣ ಮಾಡಲಾಗಿದೆ.
ಚಿತ್ರೀಕರಣದಲ್ಲಿ ಭಾಗವಹಿಸುವುದಕ್ಕೆ ಹೋಗಿದ್ದ ಚಿರಂಜೀವಿ ಅವರೇ ಈ ಸೆಟ್ ನೋಡಿ ಬೋಲ್ಡ್ ಆಗಿದ್ದಾರೆ. ಇದು ಎಲ್ಲರಿಗೂ ಗೊತ್ತಾಗಬೇಕು ಎಂಬ ನಿಟ್ಟಿನಲ್ಲಿ ಒಂದು ವೀಡಿಯೋ ಮಾಡಿ, ತಮ್ಮ ಟ್ವಿಟರ್ ಅಕೌಂಟ್ನಲ್ಲಿ ಹಾಕಿಕೊಂಡಿದ್ದಾರೆ. ಸಾಮಾನ್ಯವಾಗಿ ಸ್ಟಾರ್ ನಟ-ನಟಿಯರು ತಮ್ಮ ಪಾತ್ರ ಅಥವಾ ಗೆಟಪ್ಗಳ ಫೋಟೋಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಳ್ಳುವುದು ವಾಡಿಕೆ. ಆದರೆ, ಕಲಾ ನಿರ್ದೇಶಕರ ಕೆಲಸವನ್ನು ತುಂಬಾ ಮೆಚ್ಚಿಕೊಂಡಿರುವ ಮೆಗಾಸ್ಟಾರ್, ಆ ಕೆಲಸದ ಬಗ್ಗೆ ಇತರರಿಗೂ ಗೊತ್ತಾಗಲಿ ಎಂಬ ಕಾರಣಕ್ಕೆ ವೀಡಿಯೋ ಮಾಡಿ ಹಾಕಿದ್ದಾರಂತೆ.
The amazing #TempleTown set built for #Acharya is a real piece of Art. Couldn't stop sharing it with you all. pic.twitter.com/P4psg5TDVn
— Chiranjeevi Konidela (@KChiruTweets) January 6, 2021
ಈ ಕುರಿತು ಮಾತನಾಡಿರುವ ಅವರು. ‘ಆಚಾರ್ಯ ಚಿತ್ರಕ್ಕಾಗಿ ಒಂದು ಬೃಹತ್ ದೇವಸ್ಥಾನದ ಸೆಟ್ ಹಾಕಲಾಗಿದೆ. 20 ಎಕರೆ ಪ್ರದೇಶದಲ್ಲಿ ಈ ಸೆಟ್ ನಿರ್ಮಾಣವಾಗಿದೆ. ಇಂಥದ್ದೊಂದು ಬೃಹತ್ ದೇವಸ್ಥಾನದ ಕನಸು ಕಾಣುವುದರ ಜತೆಗೆ ಸೆಟ್ ಹಾಕಿಸಿದ ಸುರೇಶ್ ಮತ್ತು ಕೊರಟಾಲ ಶಿವ ಅವರನ್ನು ಎಷ್ಟು ಹೊಗಳಿದರೂ ಸಾಲದು’ ಎಂದು ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: ‘ಕೆಜಿಎಫ್ ಚಾಪ್ಟರ್ 2’ ಬಿಡುಗಡೆ ದಿನಾಂಕ ಲೀಕ್ ಆಯ್ತಾ?; ಈ ದಿನದಂದು ಬರ್ತಿದ್ದಾನೆ ರಾಕಿಭಾಯ್!
‘ಆಚಾರ್ಯ’ ಚಿತ್ರದಲ್ಲಿ ಚಿರಂಜೀವಿ ಅವರಿಗೆ ಕಾಜಲ್ ಅಗರ್ವಾಲ್ ನಾಯಕಿಯಾಗಿ ನಟಿಸಿದ್ದು, ಮಿಕ್ಕಂತೆ ರಾಮ್ಚರಣ್ ತೇಜ, ಸೋನು ಸೂದ್ ಮುಂತಾದವರು ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಕೊರಟಾಲ ಶಿವ ಈ ಚಿತ್ರವನ್ನು ನಿರ್ದೇಶಿಸುತ್ತಿದ್ದು, ಮೇ ತಿಂಗಳಲ್ಲಿ ಚಿತ್ರ ಬಿಡುಗಡೆಯಾಗುವ ಸಾಧ್ಯತೆ ಇದೆ.