ವಿಜಯವಾಣಿ ಸುದ್ದಿ ಜಾಲ
ಟಾಲಿವುಡ್‌ನ ಪ್ರತಿಭಾವಂತ ನಟಿ ಮೀನಾಕ್ಷಿ ಚೌಧರಿ ಅವರು ಪ್ರಸ್ತುತ ವಿಯೆಟ್ನಾಂ ಪ್ರವಾಸದಲ್ಲಿದ್ದು, ತಮ್ಮ ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಳ್ಳುತ್ತಿರುವ ಮೋಜು-ಮಸ್ತಿಯ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿವೆ.
ಅದ್ಭುತ ಕೆಫೆಗಳು, ಹಳೆಯ ಕಾಲದ ವಿಂಟೇಜ್ ಪುಸ್ತಕದಂಗಡಿಗಳು ಹಾಗೂ ವಿಯೆಟ್ನಾಂ ಬೀದಿಗಳಲ್ಲಿ ಅಲೆಯುತ್ತಾ ತಾವು ಕಳೆದ ಮರೆಯಲಾಗದ ಕ್ಷಣಗಳ ಬಗ್ಗೆ ನಟಿ ಮೀನಾಕ್ಷಿ ಅವರು ಜಾಲತಾಣದಲ್ಲಿ ಹಂಚಿಕೊಂಡಿರುವ ಫೋಟೋಗಳು ಅಭಿಮಾನಿಗಳ ಗಮನ ಸೆಳೆದಿವೆ.
ಹನೋಯ್ ನಗರದ ಸೌಂದರ್ಯ, ಅಲ್ಲಿನ ವಿಶೇಷ ಕಾಫಿ ಮತ್ತು ರುಚಿಕರ ಆಹಾರ ಪದ್ಧತಿಯನ್ನು ಕೊಂಡಾಡಿರುವ ಮೀನಾಕ್ಷಿ ಅವರ ಈ ವೀಕೆಂಡ್ ವ್ಲಾಗ್ ಮಾದರಿಯ ಪೋಸ್ಟ್‌ಗಳು ಇಂಟರ್‌ನೆಟ್‌ನಲ್ಲಿ ಸಖತ್ ವೈರಲ್ ಆಗುತ್ತಿವೆ.
ಮೀನಾಕ್ಷಿ ಚೌಧರಿ ಅವರು ಹರಿಯಾಣದ ಮೂಲದವರಾಗಿದ್ದು, ಭಾರತೀಯ ನಟಿಯಾಗಿ ಮತ್ತು ಮಾಡೆಲ್ ಆಗಿ ಚಿತ್ರರಂಗದಲ್ಲಿ ಗುರುತಿಸಿಕೊಂಡಿದ್ದಾರೆ.
ಸಿನಿಮಾರಂಗಕ್ಕೆ ಬರುವ ಮೊದಲು ಅವರು ವೃತ್ತಿಪರ ದಂತವೈದ್ಯೆಯಾಗಿ ಶಿಕ್ಷಣ ಪಡೆದಿದ್ದು, ಬಳಿಕ ಮಾಡೆಲಿಂಗ್ ರಂಗದತ್ತ ಮುಖ ಮಾಡಿದರು.
2018ರ 'ಫೆಮಿನಾ ಮಿಸ್ ಇಂಡಿಯಾ' ಸ್ಪರ್ಧೆಯಲ್ಲಿ ಹರಿಯಾಣ ರಾಜ್ಯವನ್ನು ಪ್ರತಿನಿಧಿಸಿ 'ಫೆಮಿನಾ ಮಿಸ್ ಇಂಡಿಯಾ ಗ್ರಾಂಡ್ ಇಂಟರ್‌ನ್ಯಾಷನಲ್' ಕಿರೀಟವನ್ನು ತಮ್ಮದಾಗಿಸಿಕೊಂಡರು.
ಅಂತಾರಾಷ್ಟ್ರೀಯ ಸ್ಪರ್ಧೆ
ಮ್ಯಾನ್ಮಾರ್‌ನಲ್ಲಿ ನಡೆದ 'ಮಿಸ್ ಗ್ರಾಂಡ್ ಇಂಟರ್‌ನ್ಯಾಷನಲ್ 2018' ಸೌಂದರ್ಯ ಸ್ಪರ್ಧೆಯಲ್ಲಿ ಭಾರತದ ಪರವಾಗಿ ಭಾಗವಹಿಸಿ 'ಫಸ್ಟ್ ರನ್ನರ್ ಅಪ್' ಆಗಿ ಹೊರಹೊಮ್ಮುವ ಮೂಲಕ ದೇಶಕ್ಕೆ ಹೆಮ್ಮೆ ತಂದರು.
ತೆಲುಗು ಚಿತ್ರರಂಗದ ಮೂಲಕ ನಟನಾ ಲೋಕಕ್ಕೆ ಕಾಲಿಟ್ಟ ಅವರು, 'ಇಚ್ಚಟ ವಾಹನಮುಲು ನಿಲುಪು ನರಮ್' ಚಿತ್ರದ ಮೂಲಕ ನಾಯಕಿಯಾಗಿ ಸಿನಿರಂಗಕ್ಕೆ ಪದಾರ್ಪಣೆ ಮಾಡಿದರು.
ಸೂಪರ್ ಸ್ಟಾರ್ ಮಹೇಶ್ ಬಾಬು ಅವರೊಂದಿಗೆ 'ಗುಂಟೂರು ಖಾರಂ' ಹಾಗೂ ದಳಪತಿ ವಿಜಯ್ ಅವರೊಂದಿಗೆ 'ದ ಗೋಟ್' ಮುಂತಾದ ದೊಡ್ಡ ಬಜೆಟ್‌ನ ಪ್ಯಾನ್ ಇಂಡಿಯಾ ಸಿನಿಮಾಗಳಲ್ಲಿ ನಟಿಸುವ ಮೂಲಕ ಬಹುಬೇಡಿಕೆಯ ನಟಿಯಾಗಿ ಬೆಳೆದಿದ್ದಾರೆ.
ಸಿನಿಮಾಗಳ ಬಿಡುವಿನ ವೇಳೆಯಲ್ಲಿ ಹೊಸ ಹೊಸ ದೇಶಗಳಿಗೆ ಭೇಟಿ ನೀಡುವುದು, ವಿಶೇಷವಾಗಿ ವಿಂಟೇಜ್ ಪುಸ್ತಕದಂಗಡಿಗಳು ಹಾಗೂ ವಿಭಿನ್ನ ಕೆಫೆಗಳನ್ನು ಅನ್ವೇಷಿಸುವುದು ಇವರಿಗೆ ಅಚ್ಚುಮೆಚ್ಚು.
ತಮ್ಮ ಆಕರ್ಷಕ ಫೋಟೋಶೂಟ್‌ಗಳು, ಟ್ರಾವೆಲ್ ಡೈರೀಸ್ ಹಾಗೂ ಗ್ಲಾಮರಸ್ ಚಿತ್ರಗಳ ಮೂಲಕ ಲಕ್ಷಾಂತರ ಅಭಿಮಾನಿಗಳನ್ನು ಹೊಂದಿರುವ ಮೀನಾಕ್ಷಿ, ಸದಾ ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯರಾಗಿರುತ್ತಾರೆ.