ಸೀರೆಯಲ್ಲಿ ಜ್ಯೋತಿ ರೈ ಸಖತ್​ ಲುಕ್ಕು!

ಪ್ರತಿದಿನ ಒಂದಲ್ಲ, ಒಂದು ಫೋಟೋ ಹರಿಬಿಡುವ ನಟಿ ಜ್ಯೋತಿ ರೈ ಅಲಿಯಾಸ್​ ಜ್ಯೋತಿ ಪೂರ್ವಜ್ ( Jyoti Poorvaj ), ಇದೀಗ ನೇರಳೆ ಬಣ್ಣದ ಸೀರೆಯನ್ನುಟ್ಟು ಮಾದಕ ಭಂಗಿಯಲ್ಲಿ ಕ್ಯಾಮೆರಾಗೆ ಪೋಸ್​ ನೀಡಿದ್ದಾರೆ.

ಜ್ಯೋತಿ ಪೂರ್ವಜ್ ಓರ್ವ ಕನ್ನಡತಿ. ಧಾರಾವಾಹಿಗಳ ಮೂಲಕವೇ ಮನೆ ಮಾತಾಗಿದ್ದಾರೆ. ಇದೇ ಜನಪ್ರಿಯತೆ ಇಂದು ಆಕೆಯನ್ನು ಸಿನಿಮಾ ರಂಗಕ್ಕೆ ಕರೆತಂದಿದೆ.

1985ರ ಫೆಬ್ರವರಿ 23ರಂದು ಮಡಿಕೇರಿಯಲ್ಲಿ ಜನಿಸಿ, ಪುತ್ತೂರಿನಲ್ಲಿ ಬೆಳೆದರು. ಡಿಗ್ರಿ ಮುಗಿಯುತ್ತಿದ್ದಂತೆ 20 ವರ್ಷ ವಯಸ್ಸಿನಲ್ಲೇ ಮೊದಲ ಮದುವೆಯಾಗಿತ್ತು. ಆದರೆ, ಭಿನ್ನಾಭಿಪ್ರಾಯಗಳಿಂದಾಗಿ ಡಿವೋರ್ಸ್​ ಪಡೆದುಕೊಂಡರು.

ಕನ್ನಡ ಧಾರಾವಾಹಿಗಳಾದ 'ಜೋಗುಳ', 'ಬಂದೇ ಬರುತಾವ ಕಾಲ', 'ಕಿನ್ನರಿ ಸಿರಿ' ಮುಂತಾದವುಗಳಲ್ಲಿ ನಟಿಸಿ ಗುರುತಿಸಿಕೊಂಡರು. ಕನ್ನಡದಲ್ಲಿ 'ಮನೆಮಗಳು' ಎಂದೇ ಖ್ಯಾತಿ ಪಡೆದರು.

ತೆಲುಗಿನ ಗುಪ್ಪೆದಂಥಾ ಮನಸ್ಸು ಧಾರಾವಾಹಿಯಲ್ಲಿ ಮಿಂಚಿದ ಬಳಿಕ ತೆಲುಗು ಚಿತ್ರರಂಗದಲ್ಲಿ ಬಿಜಿಯಾದರು. ನಿರ್ದೇಶಕ ಸುಕು ಪೂರ್ವಜ್ ಅವರೊಂದಿಗೆ 2ನೇ ಮದುವೆಯಾದ ನಂತರ ಜ್ಯೋತಿ ಪೂರ್ವಜ್ ಎಂದು ಹೆಸರು ಬದಲಿಸಿಕೊಂಡರು.

ತೆಲುಗಿನಲ್ಲಿ ನಾಯಕಿಯಾಗಿ 'ಕಿಲ್ಲರ್' ಚಿತ್ರದ ಮೂಲಕ ಗಮನ ಸೆಳೆದಿದ್ದಾರೆ. ಇದು ಸೈ-ಫೈ ಥ್ರಿಲ್ಲರ್ ಚಿತ್ರವಾಗಿದ್ದು, ಗ್ಲಾಮರಸ್ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಸದ್ಯ ತೆಲುಗು ಸಿನಿಮಾ ಮತ್ತು ವೆಬ್ ಸೀರೀಸ್‌ಗಳಲ್ಲಿ ಸಕ್ರಿಯರಾಗಿದ್ದಾರೆ.

ಕಿಲ್ಲರ್​ ಸಿನಿಮಾ ನಾಳೆ (ಅ.29) ಬಿಡುಗಡೆಯಾಗುತ್ತಿದ್ದು, ನಿನ್ನೆ ನಡೆದ ಪ್ರಚಾರ ಕಾರ್ಯಕ್ರಮದಲ್ಲಿ ಜ್ಯೋತಿ ಪೂರ್ವಜ್​ ಧರಿಸಿದ್ದ ಉಡುಗೆ ಎಲ್ಲರ ಗಮನ ಸೆಳೆದಿದೆ. ಸೀರೆಯಲ್ಲೂ ಜ್ಯೋತಿ ತುಂಬಾ ಮಾದಕವಾಗಿ ಕಾಣಿಸಿಕೊಂಡಿದ್ದಾರೆ.

ಇದೀಗ ನೇರಳೆ ಬಣ್ಣದ ಸೀರೆ ಹಾಗೂ ಬಿಳಿ ಬಣ್ಣದ ಬ್ಲೌಸ್, ಕುತ್ತಿಗೆಗೆ ಆಕರ್ಷಕವಾದ ಹಾರ ಹಾಗೂ ಕೈಗೆ ಬಳೆ ಧರಿಸಿ ಕ್ಯಾಮೆರಾಗೆ ಮಾದಕ ನೋಟ ಬೀರಿರುವ ಫೋಟೋವನ್ನು ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.

ಜ್ಯೋತಿ ಹಂಚಿಕೊಂಡಿರುವ​ ಫೋಟೋಗಳಿಗೆ ಕಾಮೆಂಟ್​ಗಳ ಸುರಿಮಳೆಯಾಗುತ್ತಿವೆ. ಜ್ಯೋತಿಯ ಮೈಮಾಟವನ್ನು ನೋಡಿ ಪಡ್ಡೆ ಹುಡುಗರು ಫಿದಾ ಆಗಿದ್ದು, ಕಾಮೆಂಟ್​ಗಳ ಮೂಲಕ ಅಂದವನ್ನು ಕೊಂಡಾಡುತ್ತಿದ್ದಾರೆ.

ಇನ್‌ಸ್ಟಾಗ್ರಾಮ್‌ನಲ್ಲಿ ಸುಮಾರು 7 ಲಕ್ಷಕ್ಕೂ ಹೆಚ್ಚು ಫಾಲೋವರ್ಸ್ ಇದ್ದಾರೆ. ಫಿಟ್‌ನೆಸ್, ಗ್ಲಾಮರಸ್ ಫೋಟೋಶೂಟ್‌ಗಳು ಮತ್ತು ಬೋಲ್ಡ್ ಲುಕ್‌ಗಳಿಂದಾಗಿ ಯುವಕರಲ್ಲಿ ಭಾರಿ ಫ್ಯಾನ್ ಫಾಲೋಯಿಂಗ್ ಹೊಂದಿದ್ದಾರೆ.