Friday, 16th November 2018  

Vijayavani

ಜನಾರ್ದನರೆಡ್ಡಿ ಕೇಸ್ ಬೆನ್ನಲ್ಲೇ ಡಿಕೆಶಿಗೆ ಬಂಧನ ಭೀತಿ - ಇಡಿಯಿಂದ 3ನೇ ಬಾರಿ ಇಡಿ ನೋಟಿಸ್ ಜಾರಿ        ಆ್ಯಂಬಿಂಡೆಟ್ ಪ್ರಕರಣದಲ್ಲಿ ಇಡಿ ಹೆಸರಿಗೆ ಆಕ್ಷೇಪ - ಸಿಸಿಬಿ ವಿರುದ್ಧ ಇಡಿ ಜಂಟಿ ನಿರ್ದೇಶಕ ಗರಂ        ಸಚಿವ ಸಂಪುಟ ವಿಸ್ತರಣೆಗೆ ಧನುರ್ಮಾಸದ ಎಫೆಕ್ಟ್ - ಸದ್ಯಕ್ಕಿಲ್ಲ ಆಕಾಂಕ್ಷಿಗಳಿಗೆ ಸಚಿವ ಭಾಗ್ಯ - ಕಾಂಗ್ರೆಸ್ಸಿಗರಲ್ಲಿ ಮತ್ತೆ ಅಸಮಾಧಾನ        ರಾಜ್ಯಾದ್ಯಂತ ಭುಗಿಲೆದ್ದ ರೈತರ ಹೋರಾಟದ ಕಿಚ್ಚು - ರೈತರನ್ನು ಭೇಟಿಯಾಗುವುದಾಗಿ ಹೇಳಿದ ಕುಮಾರಸ್ವಾಮಿ        ಗಾಂಧಿ ಕುಟುಂಬ ಬಿಟ್ಟು ಬೇರೆಯವರು ಎಐಸಿಸಿ 5 ಅಧ್ಯಕ್ಷರಾಗಲಿ - ಕಾಂಗ್ರೆಸ್​ಗೆ ಪ್ರಧಾನಿ ಮೋದಿಯಿಂದ ನೇರ ಸವಾಲು        ತಮಿಳುನಾಡಿನಾದ್ಯಂತ ಗಜ ಚಂಡಮಾರುತದ ಅರ್ಭಟ - 20ಕ್ಕೂ ಹೆಚ್ಚು ಮಂದಿ ದುರ್ಮರಣ - ಅಪಾರ ಆಸ್ತಿ ಪಾಸ್ತಿ, ಬೆಳೆ ನಾಶ       
Breaking News

ದವಾಖಾನ-ಎ-ನಿಜಾಮ ಇಂದು ಅನಾಥ

Tuesday, 10.07.2018, 5:56 AM       No Comments

ವಿಜಯವಾಣಿ ವಿಶೇಷ ಗುರುಮಠಕಲ್

ಪದವಿ ಕಾಲೇಜು, ಆಸ್ಪತ್ರೆ ಮತ್ತು ಐಟಿಐ ಕಾಲೇಜು ಸೇರಿ ಹೀಗೆ ಹತ್ತು ಹಲವಾರು ಸರ್ಕಾರಿ ಕಚೇರಿಗಳಿಗೆ ಆಸರೆಯಾದ ಪಟ್ಟಣದ ಗಡಿ ಮೊಹಲ್ಲಾದಲ್ಲಿರುವ ಶತಮಾನದ ಹಳೇ ಆಸ್ಪತ್ರೆ (ದವಾಖಾನ-ಎ-ನಿಜಾಮ) ಕಟ್ಟಡ ಇಂದು ಬೂತ ಬಂಗಲೆಯಂತಾಗಿದೆ.
ಸಧ್ಯ ಈ ಕಟ್ಟಡದ ಕೆಲವೊಂದು ಕೋಣೆ ಬಳಸಿಕೊಂಡು ನೈರ್ಮಲ್ಯ ನಿರೀಕ್ಷಕರ ಕಚೇರಿ ಕಾರ್ಯನಿರ್ವಹಿಸುತ್ತಿದ್ದು, ಈ ಕಚೇರಿಗೆ ಹೇಳಿಕೊಳ್ಳುವ ಹಾಗೆ ಯಾವುದು ಕೂಡ ನೈರ್ಮಲ್ಯದಿಂದ ಕೂಡಿಲ್ಲ. ಕಟ್ಟಡಕ್ಕೆ ಸೂಕ್ತ ಭದ್ರತೆ ಇಲ್ಲದ ಕಾರಣ ಕಿಡಿಗೇಡಿಗಳು ಕಿಟಕಿ ಮತ್ತು ಬಾಗಿಲುಗಳನ್ನು ಕಿತ್ತುಕೊಂಡು ಹೋಗಿದ್ದಾರೆ. ಎಲ್ಲೆಂದರಲ್ಲಿ ಶೌಚ ಮತ್ತು ತಿಂದು ಉಗುಳಿದ ಗುಟ್ಕಾ ಚೀಟಿಗಳ ಆವರಿಸಿವೆ. ಈ ಕಟ್ಟಡದಲ್ಲಿ ಸದಾ ಜನಜಂಗುಳಿಯಿಂದ ಇರುತಿದ್ದ ಜನರು ಇಂದು ಅನಾಥ ಪ್ರಜ್ಞೆ ಎದುರಿಸುವಂತಾಗಿದೆ.
ಪಿಡೂ್ಲೃಡಿ ಇಲಾಖೆಗೆ ಒಳಪಡುವ ಈ ಕಟ್ಟಡ 1907ರಲ್ಲಿ ನಿಜಾಮ ಆಡಳಿತದಲ್ಲಿ `ದವಾಖಾನ-ಎ-ನಿಜಾಮ’ ಎಂಬ ಹೆಸರಿನಿಂದ ಆರಂಭಗೊಂಡ ಆಸ್ಪತ್ರೆ ನಿಜಾಮ ಆಡಳಿತದಿಂದ ವಿಮುಕ್ತಿ ಪಡೆದ ಮೇಲೆ ರಾಜ್ಯ ಸರ್ಕಾರದ ಪ್ರಾಥಮಿಕ ಆರೋಗ್ಯ ಕೇಂದ್ರವಾಗಿ ಕಾಯರ್ಾರಂಭ ಮಾಡಿತು.

ಕಳೆದ ಎಂಟು ದಶಕಗಳ ಕಾಲ ಸುಮಾರು ನಲವತ್ತು ಹಳ್ಳಿಗಳಿಗೆ ಆರೋಗ್ಯ ಸೇವೆ ನೀಡಿದ ಈ ಕಟ್ಟಡದಲ್ಲಿ ಸಾವಿರಾರು ಹೆರಿಗೆಗಳು ನಡೆದಿವೆ. ಹೆರಿಗೆ ನಂತರ ಮನೆಗೆ ತೆರಳುವಾಗ ಸಾರ್ವಜನಿಕರು ಪೂಜ್ಯ ಭಾವನೆಯಿಂದ ಆಸ್ಪತ್ರೆ ಬಾಗಿಲಿಗೆ ತೆಂಗಿನ ಕಾಯಿ ಒಡೆದು ತೆರಳುತಿದ್ದರು. ಆದರೆ ಇಂದು ಅಂಥಹ ಯಾವುದೇ ಲಕ್ಷಣ ಇಲ್ಲಿ ಕಾಣುತ್ತಿಲ್ಲ.

ಸ್ಥಳದ ಅಭಾವದಿಂದ ಈ ಆಸ್ಪತ್ರೆ ನೂತನ ಕಟ್ಟಡಕ್ಕೆ ಸ್ಥಳಾಂತರಗೊಂಡಿತು. ಆಗತಾನೆ ಮಟ್ಟಣಕ್ಕೆ ಮಂಜೂರಾದ ಪದವಿ ಕಾಲೇಜಿಗೆ ಈ ಕಟ್ಟಡ ನೆನಪಿಗೆ ಬಂತು. ಇದು ಕೂಡ ಸ್ಥಳಾಂತರಗೊಂಡ ನಂತರ ಐಟಿಐ ಕಾಲೇಜಿಗಾಗಿ ಬಳಸಿಕೊಂಡು ಇದು ಕೂಡ ಹೊಸ ಕಟ್ಟಡಕ್ಕೆ ಸ್ಥಳಾಂತರಗೊಂಡ ಮೇಲೆ ಪುರಸಭೆಯಲ್ಲಿ ಸ್ಥಳದ ಅಭಾವಂದಿಂದ ಕೆಲ ಕೋಣೆಗಳನ್ನು ಬಳಸಿಕೊಂಡು ನೈರ್ಮಲ್ಯ ನಿರೀಕ್ಷಕರ ಕಚೇರಿ ಕಾಯರ್ಾರಂಭ ಮಾಡಿದೆ. ಆದರೆ ಇಲ್ಲಿ ಯಾವುದೂ ಕೂಡ ನೈರ್ಮಲ್ಯದಿಂದ ಕೂಡಿಲ್ಲ ಎಂಬ ಆರೋಪ ಇದೆ.

ಆಸ್ಪತ್ರೆ, ಪದವಿ ಮತ್ತು ಐಟಿಐ ಕಾಲೇಜುಗಳಿಗೆ ಆಶ್ರಯ ನೀಡಿದ ಈ ಕಟ್ಟಡ ಇಂದು ಸಾರ್ವಜನಿಕರು ಸಾಮೂಹಿಕ ಮೂತ್ರ ವಿಸರ್ಜನೆಯ ತಾಣವಾಗಿದೆ. ಸಂಬಂಧಿಸಿದ ಅಧಿಕಾರಿಗಳು ಮತ್ತು ಜನಪ್ರತಿನಿಧಿಗಳು ಈ ಕಟ್ಟಡದ ನವೀಕರಣಕ್ಕಾಗಿ ಪ್ರಯತ್ನಿಸಿಲ್ಲ ಎಂಬ ದೂರು ಕೇಳಿಬಂದಿವೆ. ಈಗಲಾದರು ಕಟ್ಟಡದ ಸುತ್ತ ಮತ್ತು ಒಳಗೆ ಶುಚಿತ್ವಕ್ಕೆ ಆದ್ಯತೆ ನೀಡಬೇಕಾಗಿದ್ದು ಜರೂರಿಯಾಗಿದೆ.

ಹಳೇ ಆಸ್ಪತ್ರೆ ಕಟ್ಟಡ ಭದ್ರವಾಗಿದ್ದು ರಕ್ಷಣೆಯಿಲ್ಲದ ಕಾರಣ ಜನರು ಶೌಚಕ್ಕೆ ಬಳಸುತ್ತಿದ್ದಾರೆ. ಇದರಿಂದಾಗಿ ಬಡಾವಣೆಯಲ್ಲಿ ದುವರ್ಾಸನೆ ಹಾಗೂ ರೋಗಗಳ ಭೀತಿ ಉಂಟಾಗಿದೆ. ಸಂಬಮಧಪಟ್ಟ ಇಲಾಖೆ ಸೂಕ್ತ ಕ್ರಮ ಕೈಕೊಳ್ಳಬೇಕು.
| ಸತ್ಯನಾರಯಣ ತಿವಾರಿ, ಸ್ಥಳೀಯ ನಿವಾಸಿ

Leave a Reply

Your email address will not be published. Required fields are marked *

Back To Top