ಮಕ್ಕಳಾಗಿಲ್ಲ ಎಂಬ ಕಾರಣಕ್ಕೆ ಮನನೊಂದು ಕೃಷ್ಣ ನದಿಗೆ ಹಾರಿದ ದಂಪತಿ

ವಿಜಯಪುರ: ಜಿಲ್ಲೆಯ ಕೋಲ್ಹಾರ ಸೇತುವೆ ಬಳಿ ಕೃಷ್ಣ ನದಿಗೆ ಹಾರಿ ದಂಪತಿ ಆತ್ಮಹತ್ಯೆಗೆ ಯತ್ನಿಸಿದ್ದಾರೆ.

ಬೀಳಗಿ ತಾಲೂಕಿನ ತೋಳಮಟ್ಟಿ ದಂಪತಿ ನದಿಗೆ ಹಾರಿದ್ದು, ಪತಿ ರಮೇಶ್ ಮಳೆಪ್ಪ ಮೃತಪಟ್ಟರೆ, ಪತ್ನಿ ಮಲ್ಲಮ್ಮ ಸಾವಿನಿಂದ ಪಾರಾಗಿದ್ದಾರೆ. ಸೇತುವೆ ಮೇಲೆಯಿಂದ ಹಾರುವಾಗ ಮಲ್ಲಮ್ಮನ ಸೀರೆಯ ಸೆರಗು ಬಿಚ್ಚಿಕೊಂಡು, ಸಕ್ಕಿಹಾಕಿಕೊಂಡಿದ್ದರಿಂದ ಬದುಕುಳಿದಿದ್ದಾರೆ.

ಮದುವೆಯಾಗಿ 4 ವರ್ಷ ಕಳೆದರೂ ಮಕ್ಕಳಾಗಿಲ್ಲ ಎಂದು ಮನನೊಂದು ದಂಪತಿ ಆತ್ಮಹತ್ಯೆಗೆ ಯತ್ನಿಸಿದ್ದರು ಎನ್ನಲಾಗಿದೆ. ಮೃತ ರಮೇಶ್​​ ಮಳೆಪ್ಪ ಮೃತದೇಹಕ್ಕಾಗಿ ಶೋಧ ಕಾರ್ಯಚರಣೆ ನಡೆಸುತ್ತಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ. ಕೋಲ್ಹಾರ ಪೊಲೀಸ್​​​​​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. (ದಿಗ್ವಿಜಯ ನ್ಯೂಸ್​​)

Leave a Reply

Your email address will not be published. Required fields are marked *