ಥ್ರೆಟ್ ಕಂಟೈನ್ವೆುಂಟ್ ವೆಸೆಲ್-ಟಿಸಿವಿ ಎನ್ನುವುದು ಅತ್ಯಾಧುನಿಕ ಸ್ಪೋಟಕ ಸಾಗಾಟ ವಾಹನ. ಯಾವುದೇ ಸ್ಪೋಟಕ ಪತ್ತೆಯಾದಾಗ ಅದನ್ನು ಈ ಕಾಂಕ್ರೀಟ್ ಮಿಕ್ಸರ್ ಮಾದರಿ ಚೇಂಬರ್ ಒಳಗೆ ಇರಿಸಲಾಗುತ್ತದೆ.
ಇದರಲ್ಲಿ ಫ್ರೀಜರ್ ಮಾದರಿಯಲ್ಲಿ ಕಡಿಮೆ ತಾಪಮಾನದಲ್ಲಿ ಸ್ಪೋಟಕಗಳನ್ನು ಇರಿಸಬಹುದು, ಸಾಗಿಸಬಹುದು. ಮಂಗಳೂರು ವಿಮಾನ ನಿಲ್ದಾಣದಲ್ಲೂ ಈ ಟಿಸಿವಿ ಇದ್ದು, ಅದನ್ನು ಮೊದಲ ಬಾರಿಗೆ ಬಳಸಲಾಗಿದೆ. ಈ ಚೇಂಬರ್ ಒಳಗೆ ಸ್ಪೋಟಕ ಸ್ಪೋಟವಾದರೂ ಯಾವುದೇ ಅಪಾಯ ಸಂಭವಿಸದು.
ಜ್ಯಾಕ್ನ ಕಮಾಲ್
ಸಿಐಎಸ್ಎಫ್ ಸಿಬ್ಬಂದಿ ವಿಮಾನ ನಿಲ್ದಾಣದ ಭದ್ರತೆಗೆ ಶ್ವಾನದಳವನ್ನೂ ಹೊಂದಿದ್ದಾರೆ. ಸೋಮವಾರ ಅನುಮಾನಾಸ್ಪದ ಬ್ಯಾಗ್ ಪತ್ತೆಯಾದಾಗ ಅದರಲ್ಲಿ ಸ್ಪೋಟಕವನ್ನು ಗುರುತಿಸಲು ಸಿಐಎಸ್ಎಫ್ನ ಜ್ಯಾಕ್ ಎನ್ನುವ ನಾಯಿಯನ್ನೂ ಕರೆತರಲಾಗಿದ್ದು ಅದು ತಕ್ಷಣವೇ ಸ್ಪೋಟಕ ಗುರುತಿಸಿದೆ, ಹಾಗಾಗಿ ಅದನ್ನು ತಕ್ಷಣವೇ ಅಲ್ಲಿಂದ ಸಾಗಿಸುವ ಮೂಲಕ ಯಾವುದೇ ಅನಾಹುತ ಸಂಭವಿಸುವುದನ್ನು ತಪ್ಪಿಸುವಲ್ಲಿ ಜ್ಯಾಕ್ ತನ್ನ ಸಾಮರ್ಥ್ಯ ಪ್ರದರ್ಶಿಸಿದೆ.