Glow Skin: ಮುಖ ನೋಡಲು ಪಳಪಳ ಹೊಳೆಯಬೇಕು ಎನ್ನುವ ಆಸೆ ಮಹಿಳೆಯರಿಗೆ ಇರುತ್ತದೆ. ಯಾವುದೇ ಪಾರ್ಟಿ ಅಥವಾ ಮದುವೆ, ಫಂಕ್ಷನ್ಗ ಹೋಗುವ ಮೊದಲು ಮುಖದ ಹೊಳಪು ಹೆಚ್ಚಿಸಲು ಪಾರ್ಲರ್ಗೆ ಹೋಗಿ ದುಬಾರಿ ಉತ್ಪನ್ನಗಳಿಂದ ಗೋಲ್ಡ್ ಫೇಶಿಯಲ್ ಮಾಡಿಸಿಕೊಳ್ಳುತ್ತಾರೆ. ಮಾರುಕಟ್ಟೆಯಲ್ಲಿಸಿಗುವ ದುಬಾರಿ ಕ್ರೀಮ್ಗಳನ್ನು ಬಳಸುತ್ತಾರೆ. ಆದರೆ ಈ ಉತ್ಪನ್ನಗಳಲ್ಲಿ ಇರುವ ರಾಸಾಯನಿಕಗಳು ಚರ್ಮಕ್ಕೆ ಹಾನಿ ಮಾಡಬಹುದು. ಹಾಗಾಗಿ ಮನೆಯಲ್ಲೆ ಸಿಂಪಲ್ ಗೋಲ್ಡ್ ಫೇಶಿಯಲ್ ಮಾಡುವುದರಿಂದ ನಿಮ್ಮ ಮುಖಕ್ಕೆ ಪಾರ್ಲರ್ನಂತಹ ಹೊಳಪು ಸಿಗುತ್ತದೆ. ಹಾಗಾದ್ರೆ ಮನೆಯಲ್ಲಿಯೇ ಗೋಲ್ಡ್ ಫೇಶಿಯಲ್ ಮಾಡುವ ವಿಧಾನ ಇಲ್ಲಿದೆ ನೋಡಿ.
ಇದನ್ನೂ ಓದಿ: ಫೇಸ್‌ಬುಕ್‌ನಲ್ಲಿ ಖಾಸಗಿ ವಿಡಿಯೋ ಪೋಸ್ಟ್ ಮಾಡಿದ ಗೆಳೆಯ! ಅವಮಾನ ತಾಳಲಾರದೆ ಪ್ರಾಣ ಬಿಟ್ಟ ಇಬ್ಬರು ಮಕ್ಕಳ ತಾಯಿ.
ಹಂತ 1:ಸ್ವಚ್ಛಗೊಳಿಸುವುದು
ಗೋಲ್ಡ್ ಫೇಶಿಯಲ್ ಮಾಡುವ ಮೊದಲು ಮುಖವನ್ನು ಸ್ವಚ್ಛಗೊಳಿಸುವುದು ಬಹಳ ಮುಖ್ಯ. ಇದಕ್ಕಾಗಿ, 1/2 ಟೀ ಚಮಚ ಕಡಲೆ ಹಿಟ್ಟನ್ನು 1 ಟೀ ಚಮಚ ಹಸಿ ಹಾಲಿನೊಂದಿಗೆ ಚೆನ್ನಾಗಿ ಮಿಶ್ರಣ ಮಾಡಿ. ನಂತರ, ಅದನ್ನು ಮುಖಕ್ಕೆ ಹಚ್ಚಿ 1 ನಿಮಿಷ ಮಸಾಜ್ ಮಾಡಿ. ನಂತರ, ಉಗುರು ಬೆಚ್ಚಗಿನ ನೀರಿನಿಂದ ಮುಖ ತೊಳೆಯಿರಿ.
ಹಂತ 2: ಚರ್ಮದ ಸಿಪ್ಪೆ ತೆಗೆಯುವುದು
ನಿಮ್ಮ ಮುಖದ ಚರ್ಮ ಡ್ರೈ ಆಗಿದ್ದರೆ, ಇದನ್ನು ಹೋಗಲಾಡಿಸಲು ಮೊದಲು ಒಂದು ಬಟ್ಟಲಿನಲ್ಲಿ 1/2 ಟೀಸ್ಪೂನ್ ಕಡಲೆ ಹಿಟ್ಟು, 1/2 ಟೀಸ್ಪೂನ್ ಅಕ್ಕಿ ಹಿಟ್ಟು ಮತ್ತು ಟೊಮ್ಯಾಟೋ ರಸವನ್ನು ಬೆರೆಸಿ ಪೇಸ್ಟ್ ತಯಾರಿಸಿ. ನೀವು ಅದಕ್ಕೆ 1/2 ಟೀಸ್ಪೂನ್ ಮೊಸರು ಕೂಡ ಸೇರಿಸಬಹುದು. ನಂತರ ಈ ಮಿಶ್ರಣವನ್ನು ಅರ್ಧ ಕತ್ತರಿಸಿದ ಟೊಮ್ಯಾಟೋ ಹೋಳುಗಳಲ್ಲಿ ಅದ್ದಿ ಮತ್ತು ನಿಮ್ಮ ಮುಖವನ್ನು 2 ನಿಮಿಷಗಳ ಕಾಲ ಸ್ಕ್ರಬ್ ಮಾಡಿ. ನಂತರ, ತಣ್ಣೀರಿನಿಂದ ಮುಖವನ್ನು ತೊಳೆಯಿರಿ.
ಹಂತ 3: ಫೇಶಿಯಲ್ ಪ್ಯಾಕ್
ಮುಖದ ಡ್ರೈ ಸ್ಕೀನ್ ತೆಗೆದ ನಂತರ ನಿಮ್ಮ ಮುಖಕ್ಕೆ ಫೇಸ್ ಪ್ಯಾಕ್ ಹಚ್ಚಬೇಕು. ಇದಕ್ಕಾಗಿ, 1 ಚಮಚ ಕಡಲೆ ಹಿಟ್ಟು, 1 ಚಮಚ ಮೊಸರು ಮತ್ತು 1/2 ಚಮಚ ಅರಿಶಿನ ಮಿಶ್ರಣವನ್ನು ತಯಾರಿಸಿ. ನಂತರ ಈ ಪೇಸ್ಟ್ನ್ನು ನಿಮ್ಮ ಮುಖಕ್ಕೆ ಹಚ್ಚಿ 10 ನಿಮಿಷಗಳ ಕಾಲ ಬಿಡಿ. ಇದರ ನಂತರ, ನಿಮ್ಮ ಮುಖವನ್ನು ಉಗುರು ಬೆಚ್ಚಗಿನ ನೀರಿನಿಂದ ತೊಳೆಯಿರಿ.
ಹಂತ 4: ಮಾಯಿಶ್ಚರೈಸಿಂಗ್
ಫೇಶಿಯಲ್ನ ಕೊನೆಯ ಹಂತವೆಂದರೆ ಚರ್ಮವನ್ನು ಮಾಯಿಶ್ಚರೈಸ್ ಮಾಡುವುದು. ಇದಕ್ಕಾಗಿ, ನಿಮ್ಮ ಚರ್ಮಕ್ಕೆ ಅನುಗುಣವಾಗಿ ನೀವು ಯಾವುದೇ ಮಾಯಿಶ್ಚರೈಸರ್ ಅಥವಾ ಅಲೋವೆರಾ ಜೆಲ್ನ್ನು ಬಳಸಬಹುದು. ಇದನ್ನು ಮುಖಕ್ಕೆ ಹಚ್ಚಿ ಹಗುರವಾದ ಕೈಗಳಿಂದ ಮಸಾಜ್ ಮಾಡದರೆ ಸಾಕು ಪಾರ್ಲರ್ ಹೋಗದೆ ಮನೆಯಲ್ಲಿಯೇ ಮುಖ ಪಳ ಪಳ ಹೊಳೆಯುವಂತೆ ನೀವೆ ಸರಳವಾಗಿ ಮಾಡಿಕೊಳ್ಳಬಹುದು.