ನವದೆಹಲಿ: ಟೀಮ್ ಇಂಡಿಯಾದ ನಾಯಕ ವಿರಾಟ್ ಕೊಹ್ಲಿ ಮತ್ತು ಮಾಜಿ ನಾಯಕ ಎಂ.ಎಸ್.ಧೋನಿ ಅವರು 2015 ರಿಂದ 2019ರವರೆಗೆ ಜಾಗತಿಕವಾಗಿ ಆನ್ಲೈನ್ನಲ್ಲಿ ಹೆಚ್ಚು ಹುಡುಕಾಡಿದ ಕ್ರಿಕೆಟಿಗರಾಗಿದ್ದಾರೆ ಎಂದು ಹೊಸ ಸಂಶೋಧನೆಯೊಂದು ತಿಳಿಸಿದೆ.
ಸೀಮ್ರುಶ್(SEMrush) ಎಂಬ ಸಾಫ್ಟ್ವೇರ್ ಕಂಪನಿ ನಡೆಸಿದ ಸಂಶೋಧನೆಯಲ್ಲಿ ಈ ಮಾಹಿತಿ ಬಹಿರಂಗವಾಗಿದೆ. ಧೋನಿಗೆ ಹೋಲಿಸಿಕೊಂಡರೆ ವಿರಾಟ್ ಕೊಹ್ಲಿ ಅವರನ್ನು ಹೆಚ್ಚು ಜಾಲತಾಣದಲ್ಲಿ ಹುಡುಕಾಡಲಾಗಿದೆ. ಅಂಕಿ ಅಂಶದ ಪ್ರಕಾರ ಡಿಸೆಂಬರ್ 2015ರಿಂದ ಡಿಸೆಂಬರ್ 2019ರವರೆಗೆ ಬರೋಬ್ಬರಿ 1.76 ಮಿಲಿಯನ್ ಬಾರಿ ಕೊಹ್ಲಿಯನ್ನು ಹುಡುಕಾಡಿದ್ದಾರೆ.
ಅತಿ ಹೆಚ್ಚು ಹುಡುಕಾಡಿದವರ ಪಟ್ಟಿಯಲ್ಲಿ ಭಾರತದ 7 ಆಟಗಾರರು ಸ್ಥಾನ ಪಡೆದಿದ್ದಾರೆ. ವಿರಾಟ್ ಹೊರತುಪಡಿಸಿದರೆ, ಕ್ರಮವಾಗಿ ಎಂ.ಎಸ್.ಧೋನಿ(2ನೇ ಸ್ಥಾನ), ರೋಹಿತ್ ಶರ್ಮ(3), ಸಚಿನ್ ತೆಂಡೂಲ್ಕರ್(4), ಹಾರ್ದಿಕ್ ಪಾಂಡ್ಯ(5) ಮತ್ತು ಯುವರಾಜ್ ಸಿಂಗ್(6) ಅವರನ್ನು ಹೆಚ್ಚು ಹುಡುಕಾಟ ನಡೆಸಲಾಗಿದೆ.
ಭಾರತೀಯ ಆಟಗಾರರನ್ನು ಹೊರತುಪಡಿಸಿದರೆ, ಸ್ಟೀವ್ ಸ್ಮಿತ್, ಕ್ರಿಸ್ ಗೇಲ್ ಮತ್ತು ಎಬಿ ಡಿವಿಲಿಯರ್ಸ್ ವಿದೇಶಿ ಆಟಗಾರರು ಪ್ರಮುಖ 10ರ ಸ್ಥಾನ ಪಡೆದಿದ್ದಾರೆ. ಐಪಿಎಲ್ನಲ್ಲಿ ತಮ್ಮ ಪ್ರಖ್ಯಾತಿಯಿಂದ ಭಾರತೀಯರ ಮನಸ್ಸಿನಲ್ಲಿ ಉಳಿದಿರುವ ಕಾರಣದಿಂದಲೂ ಇವರು ಪಟ್ಟಿಯಲ್ಲಿ ಸ್ಥಾನ ಗಿಟ್ಟಿಸಿದ್ದಾರೆ. (ಏಜೆನ್ಸೀಸ್)