Thursday, 13th December 2018  

Vijayavani

Breaking News

ಗುಂಡ್ಲುಮಂಡಿಕಲ್ ಗ್ರಾಮಸ್ಥರ ನಿದ್ದೆಗೆಡಿಸಿರುವ ಚಿರತೆಗಳು

Friday, 05.01.2018, 11:06 AM       No Comments

ಚಿಕ್ಕಬಳ್ಳಾಪುರ: ತಾಲೂಕಿನ ಗುಂಡ್ಲುಮಂಡಿಕಲ್ ಗ್ರಾಮದ ಗುಡ್ಡದ ಗುಹೆಯಲ್ಲಿ ಚಿರತೆಗಳು ಪ್ರತ್ಯಕ್ಷವಾಗಿದ್ದು ಗ್ರಾಮಸ್ಥರ ನಿದ್ದೆಗೆಡಿಸಿವೆ.

ಕಳೆದ 2 ತಿಂಗಳಿನಿಂದ ಗ್ರಾಮದ ಕೂಗಳತೆ ದೂರದ ಗುಡ್ಡದ ಗುಹೆಯಲ್ಲಿ ಎರಡು ಚಿರತೆಗಳು ಠಿಕಾಣಿ ಹೂಡಿದ್ದು, ಗ್ರಾಮಸ್ಥರು ಪ್ರಾಣ ಭೀತಿಯಲ್ಲೇ ಬದುಕುವಂತಾಗಿದೆ. ಗುಡ್ಡದ ಗುಹೆಯಲ್ಲಿ ಚಿರತೆಗಳು ವಾಸ ಮಾಡುತ್ತಿದ್ದು, ರಾತ್ರೋ ರಾತ್ರಿ ಗ್ರಾಮಕ್ಕೆ ಲಗ್ಗೆಯಿಡುತ್ತಿವೆ.

ಇನ್ನೂ, ಗುಡ್ಡದ ಸುತ್ತ ಮುತ್ತಲಿನ ತೋಟ ಹಾಗೂ ಹೊಲಗಳ ಕಡೆಗೆ ಹೆಜ್ಜೆ ಇಡುವುದಕ್ಕೂ ಗ್ರಾಮಸ್ಥರು ಹಿಂದೆ ಮುಂದೆ ನೋಡುವಂತಾಗಿದೆ. ಗುಡ್ಡದ ಮೇಲಿನ ಚಿರತೆ ದಿಗ್ವಿಜಯ ನ್ಯೂಸ್ ಕ್ಯಾಮರಾದಲ್ಲಿ ಸೆರೆಯಾಗಿದೆ.

ಈ ಬಗ್ಗೆ ಕಳೆದ ಎರಡು ತಿಂಗಳಿನಿಂದ ಗ್ರಾಮಸ್ಥರು ಅರಣ್ಯಾಧಿಕಾರಿಗಳಿಗೆ ಮಾಹಿತಿ ನೀಡಿದರೂ ಅಧಿಕಾರಿಗಳು ಮಾತ್ರ ಕ್ಯಾರೆ ಅನ್ನುತ್ತಿಲ್ಲ. ಚಿರತೆ ಕಾಟದಿಂದ ನಮಗೆ ಮುಕ್ತಿ ಕೊಡಿಸಿ ಅಂತ ಪರಿ ಪರಿಯಾಗಿ ಬೇಡಿಕೊಳ್ಳುತ್ತಿದ್ದಾರೆ ಗ್ರಾಮಸ್ಥರು. (ದಿಗ್ವಿಜಯ ನ್ಯೂಸ್)

Leave a Reply

Your email address will not be published. Required fields are marked *

Back To Top